Samu 40:17 - The Keyagana NT and 25 OT books

¹⁷ Inagi nagaemo afa vekamo maiʼneʼna kafu huʼna maiʼnovaʼmonanafa Ala kava neʼmoʼa nagaefeʼmo agesamo neʼafiye. O Gotiyo, huʼna, naha maeka nagufamo alika katika neʼnatana vekaʼnimogae, huʼna, afaʼa oʼmaika malage huka naha mao.

Samu 40:17 ပူးပေါင်းရင်းမြစ်များ

Samu 34:4

Koli huʼna maiʼneʼnaeʼmo naha maesiyafeʼmo kahauya huʼna nunumuʼmo huʼnogeno afitenoʼaeʼmo naha maeʼnigeʼna koli osuʼna afaʼa maiʼnove.

Samu 34:6

Nagaemo lokiya vekamo oʼmaiʼnovaʼmofeʼmo agaefekeʼmo keya aeʼna ge huʼnogeno Ala kava neʼmoʼa afiʼniye. Afitenoʼaeʼmo muki hanageke yapatiʼmo nagufamo alino katino nateʼniye.

Samu 40:5

O Ala kava neʼnimo Gotiʼnimogae, huʼna, lagaetegamo alu kava alu kavaʼmo huka aliʼyaʼmo aliteka laha maeʼnane. Lagaefeʼmo kagesa afifi huka neʼmaine. Lagaemo lekana opaisuna agufa kavaʼmo huka lagaefeʼmo kagesamo neʼafine. Nagaemo muki huʼnana kavakaʼe kagesamo neʼafina kavakaleʼefeʼmo alagi alagepa huʼna aeʼna hakalo huʼna hapa opaiguve.

Samu 54:4

Apakaemo namagigefeʼmo apakesamo neʼafiyaʼmonanafa Gotiʼa naha maegaiye. Ala kava neʼmoʼa naha maesigeʼna alagepa huʼna afaʼa maiguve.

Samu 69:33

Ala kava neʼmoʼa muki yaʼapimo ohaneʼniya vayaʼai geʼapimo neʼafiye. Agaemo agaiʼa vayaʼamo kalavusi huʼnaya vayaʼaifeʼmo, afa vayaʼmo maiʼnae, huno agesamo noʼafifa apakaefeʼmo alagepa huno agesamo neʼafiye.

Samu 70:5

O Gotiyo, huʼna, nagaemo afa vekamo maiʼneʼna kafu huʼna maiʼnovaʼmofeʼmo nagaetegamo malage huka eno. O Ala kava nene, huʼna, kagaemo naha maeka nagufamo alika katika nateʼnana vekaʼnimogae, huʼna, afaʼa oʼmaika malage huka nagaetegamo eka naha mao.

Aiyeya 25:9

Ani kavaʼmo afole aisiya afinaʼmo vayaʼamogimo huʼapaeʼmo, Ageyo, huʼa, Gotitimoʼmae. Lagaemo agava maiʼnonanageno lagufamo alino katino lategaiye. Agaemo Ala kava neʼmo maiʼnigeta agava maiʼnone. Lagufamo alino katino latesigetaeʼmo lamogaga lamagaga aigune.

Matiyu 8:20

Yesuʼa geʼaleʼmo aeno atagaina huno ha painoʼaeʼmo, Afela kalamogi nehavaya kelimo hanege namamogi apanoʼmo hanege huʼniyaʼmonanafa Vemo mafaʼnemo havaesiya noʼmo ohaneʼniye, huno ha paiʼniye.

2 Kolitiyani 8:9

Ala kava netimo Yesu Kalaisiʼa fikumo lapa maeno lapamiʼniya kavafeʼmo ava gemo ago afiʼnae. Hogoteno yahauve vekamo maiʼniyaʼmonanafa lapakaemo yahauve vayaʼmo maisayafeʼmo kagemi yaʼamo oʼhaneʼniya vekamo hamaleʼniye.

Himulu 13:6

Huno huʼniyaʼmofeʼmo koli osuta lokiya gemo hutaeʼmo, Ala kava neʼmoʼa laha neʼmaeya vekamo maiʼniye. Koli osugune. Ma mopafi vayaʼmogi lagaetegamo na agufa kavaʼmo hugae, huta hugune.

Yemisi 2:5

Neʼnahaiya konagaʼnimogitapamo afiyo, huʼna, Gotiʼa kagemi yaʼapimo ohaneʼniya vayaʼmo apakesamo afiʼa fatago nehaya kavaʼmoʼa kagemi yaʼapikana huno hanesigeʼa neʼyagaiya koʼmo alisayafeʼmo lekana paino apateʼniye. Gotiʼa agaefeʼmo hapau apayamopafiʼmo hapauʼnisiya vayaʼaifeʼmo hunoʼaeʼmo, mafaʼne anagaʼmogi afoʼapimo yaʼmo neʼaliya kava hutapa ani neʼyagauva koʼmo aligae, huno hapa paiʼniyaʼmofeʼmae.

1 Pita 2:23

Huʼa faipa huʼa ateʼnagenoʼaeʼmo geʼapileʼmo aeno atagaina huno huno faipa huno oʼapateʼniye. Kana yaʼmo amige amagige huʼnageno lusi kava huno agafu kiʼnigenoʼaeʼmo, lapamagiguve, huno osuʼniyaʼmonanafa alagepa huno alino fako huno neʼapateya vekamo ayapiʼmo maleʼniye.

1 Pita 5:7

Agaemo lapakaefeʼmo hauʼnigeno alagepa huno yagaino nelapateyaʼmofeʼmo lapakesa alaʼamo neʼafitapa lapausoli hisaya kavatapimo alita Gotiʼmo amiyo.

Leveleseni 22:20

Ani kavafeʼmo ava gemo huʼna hapa nepauva vekamoʼnamo, He, huʼna, aise afinaʼmo utesigeʼna emiʼnegauve, huʼna hapa paiʼnove, huno hapa paiʼnigeʼa, He, lama ge. Ala kava neʼmo Yesugamo emikeno, huʼa ha paiʼnae.