Samu 40:16 - The Keyagana NT and 25 OT books

¹⁶ Hapau aigayaʼmonanafa kagaefeʼmo kahauya huliʼa neʼaya vayaʼmogimo apamogaga aiteʼa kagaefeʼmo amuse hiyo. Apakufamo alika katika neʼapatana kavafeʼmo hapauʼnisiya vayaʼmogimo, Ala kava neʼmo ala agiʼamo amiyo, huʼa hiyo.

Samu 40:16 ပူးပေါင်းရင်းမြစ်များ

Samu 105:3

Aote agiʼalefeʼmo ala lapakitapimo alitetapa lapamogaga aiyo. Ala kava nefeʼmo kahauya nehaya vayaʼmogimo apamogaga aiyo.

Samu 119:111

Mafaʼneʼapimogimo afoʼapimogi kagemi yaʼapimo neʼaliya kava huʼna kavayafatiʼmo huʼnana keʼaepa gemo aliʼnovanageno hetamaʼnimo hanege hanege huno hanegaiye. Ani gekaeʼmo naipafiʼmo namogaga neʼauve.

Samu 119:123

Nagufamo alika katika natesanafeʼmo aulu heʼna agege fatago kavakalefeʼmo gekamo agesuvafeʼmo aulu haeʼna agege huʼna maiʼnogenoʼaeʼmo naulagafatiʼmo nagafu nekiye.

Samu 119:81

Nagupi mafaʼnemo alika katika atesanafeʼmo lusi kava huno nahauʼnigeno lokiyaʼnimo ago hano huʼniyaʼmonanafa kaha maegauve, huka huʼnana gekaeʼmo nagesamo afiteʼna navayagunagu nehuve.

Samu 22:26

Ala apakiʼapimo oʼaliʼa yagu yaga huʼa neʼmaiya vayaʼmogi neʼyaʼmo neʼa apamu hugae. Agaefeʼmo kahauya huʼa agesayafeʼmo neʼaya vayaʼmogi Ala kava neʼmo agiʼaleʼmo aliʼa asaga hugae. Muki afinaʼmo yuʼilaga vekatapimo alagepa huno maigiye.

Samu 68:3

Apakaemo hano hugayaʼmonanafa apatenegeʼa fatago vayaʼmo apamogaga aiyo. Apatenegeʼao Goti aulagaleʼmo lusi kava huʼa apamogaga aiyo.

Apa 19:17

Muki vayaʼmo Efasasi taonifiʼmo maiʼnaya Yu vayanagi alu nofi vayanagi huʼa ani kavafeʼmo ava gemo afiteʼapaeʼmo lusi kava huʼa koli huteʼa Ala kava neʼmo Yesu agiʼaleʼmo aliʼa asaga huʼa ateʼnae.