Samu 4:7 - The Keyagana NT and 25 OT books

⁷ Apakaemo hoyaʼapifatiʼmo alopa neʼyaʼmo neʼaliʼapaeʼmo apamogaga neʼaiyaʼmonanafa kagaemo namiʼnana namogaga kavaʼmoʼa apakaemo apamogaga neʼaiya kavaʼmo ago aeno aga seʼniye.

Samu 4:7 ပူးပေါင်းရင်းမြစ်များ

Samu 31:17

O Ala kava nene, huʼna, Nagaemo kagaefeʼmo keya aeʼnovaʼmofeʼmo navagage hisiyafeʼmo oʼnato. Kagaemo hosu vayaʼmo apatenageno apavagage hino. Kagaemo apatenageʼa kanolufiʼmo afaʼa maiyo.

Samu 37:4

Ala kava nefekeʼmo amuse hutapa ategenoʼao lapaipafiʼmo lapauʼnisiya yaʼmo lapamino.

Samu 67:2

Ani kavaʼmo hisanageʼapaeʼmo muki ma mopafi vayaʼmogimo kaʼmo agesageka apakufamo alika katika apategane.

Samu 80:4

Ala kava neʼmo muki lokiyakamo haneʼniya Gotigae, huta, na magi afinaʼmo vayakamogi nunumuʼmo nehaya geʼapilefeʼmo kaipamo legaiye.

Samu 92:4

O Ala kava nene, huʼna, nagaemo lokiya aliʼyakaeʼmo nagesamo afiteʼna naipamo kaliʼneʼna namogaga aiteʼna yokemo huguve.

Salomoni Yokemae 1:4

Kagaemo nayate heka navayu hulika neʼegetao lagaemo nagu nagu huta eta kakame huta ugune. Kini vekamoʼmo navalelinuno noʼafiʼmo maisuvafeʼmo nateʼniye. Kao vayaʼmogitamo kagaefekeʼmo lamogaga aiteta amuse hugune. Apakaemo alagepa nofi alagafati anifeʼmo apakesamo afiteʼa apamogaga neʼaiyaʼmonanafa lagaefeʼmo kahau kayamopafiʼmo kahauʼniya kavafekeʼmo lagesa afifi huta lamogaga aigune. Fatago vayaʼmogi kagaefekeʼmo hapau apayamopafiʼmo nehapaiye.

Napa 6:25

Ala kava neʼmo augosafatiʼmo ha le yaʼamo lapakaeteʼmo aeno ha lesigeno fikumo lapa maeno lapamino.

Apa 14:17

Gotiʼa maiʼniye, huʼa apakesamo afisayafeʼmo alagepa kavaʼmo nehiye. Gotiʼa hunoʼaeʼmo, ko aiyo, huno nehigenoʼaeʼmo koʼmo neʼaigeno kanale neʼyaʼmo hoyafatiʼmo alino hageno ateʼnigeʼapaeʼmo aliʼa neteʼa apamogaga neʼaiye, huʼana hapa paiʼnaʼae.

1 Pita 1:8

Yesu Kalaisiʼmo lapaulagafatiʼmo oʼageʼnayaʼmonanafa agaefeʼmo lapau lapayamopafiʼmo nelapaiye. Hemenimo oʼageʼnayaʼmonanafa agaefeʼmo lapakesamo afita fatago hutetapa lusi kava hutapa lapamogaga neʼaiye. Lapaipafiʼmo lapamogaga neʼaiyaʼmonanafa lapavayafatiʼmo ge hisayafeʼmo lapavayamoʼmo kana nehiye. Lapamogaga neʼaiya kavaʼmoʼa muki ma mopafi yafeʼmo apamogaga neʼaiya kavaʼmo aeno agaseʼniye.