Samu 4:5 - The Keyagana NT and 25 OT books

⁵ Alagepa hutapa ofalinimo amiyo. Ala kava nefekeʼmo alita amufa amiyo.

Samu 4:5 ပူးပေါင်းရင်းမြစ်များ

Samu 2:12

Mafaʼneʼamo haetapa neyo. Fiku yanageno aipamo aiseʼamo leno lapateteno lapamagisigetapa kateʼmo asagautapa aigayanagi. Agaefeʼmo aliʼa amufa amiʼnaya vayaʼmo aulena vayaʼmo maiʼnae.

Samu 26:1

Apakaemo nagaepikeʼmo aliʼa faiʼa nateʼnae. O Ala kava nene, huʼna, Alagepa kavaʼmo huʼnovaʼmofeʼmo kagaemo hukaeʼmo, Haʼao, alagepa kavaʼmo huʼniye, huka hapa paiyo. Nagaemo Ala kava nefeʼmo aliʼna amufa neʼamuvaʼmofeʼmo aeʼna halu oʼvalegauve.

Samu 37:3

Ala kava nefekeʼmo alita amufa amitetapa alagepa kavaʼmo higenoʼao lapa maesigetapa ma mopafiʼmo alagepa hutapa maigayanagi.

Samu 50:14

Gotifekeʼmo hao ke hesaya agufa ofalinimo amiyo. Lapakaemo ani kavaʼmo hugune, hutapa ha paiʼnaya gemo akame hutapa ani agufa ofalinimo hogote vekamo anaga vekamo amiyo.

Samu 51:19

Ani kava hisanageʼapaeʼmo alagepa ofalinimo atafi nekaya ofalinimo kamisageka amuse huka apategane. Ani afinaʼmo ve pulumakamo amagiʼa hiʼyalamuteʼmo atafiʼmo kaeʼa kamigae.

Samu 62:8

Vayaʼmogitapae, huʼna, muki afinaʼmo agaefekeʼmo alita amufa amiyo. Lapaipafatiʼmo aniʼmo lakigekana hutapa nunumuʼmo hutapa ha paiyo. Lagaetegamo hosu kavaʼmo afole neʼaigetaeʼmo Gotipiʼmo alagepa huta fala kita neʼmaune.

Samu 77:7

Ala kava neʼmoʼa muki afinaʼaeʼmo akameʼyamo namisifiye. Agaemo magoʼe huno amuse huno olatesifiye.

Aiyeya 50:10

Lapakaepatiʼmo ina laʼmo Ala kava nefeʼmo koli nehiye. Ina laʼmo aliʼyaʼamo neʼaliya vekamo geʼamo neʼafiye. Ina laʼmo lusi hani huʼniya yapiʼmo umenitata nehiye. Agaemo Ala kava neʼmo agiʼalefeʼmo alino amufa aminoʼaeʼmo naha maegaiye, huno ge hugiye.

Aiyeya 61:8

Na kava higeʼnaene. Nagaemo Ala kava neʼmoʼnamo alagepa huʼa aliʼa fako nehaya kavafeʼmo nahauʼniyaʼmofeʼmae. Kana yaʼmo apamige kumaya alige nehaya kavafeʼmo naini nehuve. Nagaemo aliʼyaʼapimo alisayafeʼmo lama geletiʼmo yagaiʼna apategauve. Nagaemo apakaeʼeʼmo alagi hanege hanege huno hanesiya kotalakemo hu malegauve.

Malakai 1:8

Lapakaemo apaulagamo ali huʼniya afumo ofalini namiya kavaʼmo hosu kavaʼmo osuʼnafiye. Apaiyamo hosuʼniya afumo ofalini namige kaita hapauʼniya afumo ofalini namige huʼnaya kavaʼmo hosu kavaʼmo osuʼnafiye. Lapakaemo yagaino nelapateya gamani vekatapimo ani agufa afumo amiyo. Amisagenoʼaeʼmo amuse huno lapategaifiye. Amisageno alitenoʼaeʼmo lapakaetegamo alagepa kavaʼmo hugifiye, huno lapa paiʼniye.

Matiyu 5:23

Ani gemo haneʼniyaʼmofeʼmo Gotiʼmo ofalinimo amisanafeʼmo hiʼyalamuteʼmo maleʼnekaeʼmo, konagaʼnimoʼmo nagaefeʼmo hosu aipamo kalino neʼnate, huka kagesa neʼafisanana

1 Pita 4:19

Inagi Gotiʼa hauʼniyanageno, kana yaʼmo aligae, huno nehisaya vayaʼmo alagepa kavaʼmo huteʼa Gotiʼa lapakupi mafaʼneleʼmo yagaino apatesiyafeʼmo alita ayapiʼmo maleyo. Agaemo muki yaʼamo alo hu maleʼniya vekamo huguve, huno hu maleʼniya geʼamo alagi akame nehiya vekamo maiʼniyaʼmofeʼmo lapakupi mafaʼnemo alita ayapiʼmo maleyo.