Samu 4:2 - The Keyagana NT and 25 OT books

² Vayaʼmogitapae, huʼna, na magi afinaʼmo nagiʼnileʼmo alita afepi nategae. Na magi afinaʼmo afa kavafeʼmo lapausigetapa humi apatesiyafeʼmo aliʼyaʼmo aligae.

Samu 4:2 ပူးပေါင်းရင်းမြစ်များ

Samu 106:20

Apakaemo ani kava huʼa ha le konali Gotiʼmo ataleʼa agae aimuʼyaleʼmo kahaumo neʼneya pulumakamo auneʼalefeʼmo mono huʼnae.

Samu 14:6

Afa vayaʼmogi ina kava ma kavaʼmo hugune, huʼa apakesamo neʼafiyaʼmonanafa hosu vayaʼmogimo ani apakesamo neʼafiya kavaʼmo afole oʼaisiyafeʼmo kaʼmo akanisayafeʼmo huʼnayaʼmofeʼmo Ala kava neʼmoʼa afa vayaʼmo alagepa huʼa maisayafeʼmo yagaino apategaiye.

Samu 2:1

Na kavaʼmo hisayafeʼmo malaga vayaʼmogi apavamusa valeteʼa apano neʼae. Vayaʼmogimo, mani kavaʼmo hugune, huʼa apakesamo neʼafiyaʼmonanafa afaʼa osugae.

Samu 3:3

Nehayaʼmonanafa Ala kava nene, huʼna, kagaemo haleguʼnimo maiʼnane. Kagaekeʼmo naha maeʼnanageʼna aeʼna neʼapakasove. Kagaekeʼmo alika he tika neʼnatana vekamo maiʼnane.

Samu 31:6

Nagaemo aliʼya noʼaliya gotigi aigofe gotigitefeʼmo mono nehaya vayaʼaifeʼmo naini huʼnovaʼmonanafa kagaefeʼmo aliʼna amufa kamiʼnove.

Samu 5:6

Kagaemo aigofe gemo nehaya vayaʼmo alika apagoʼya lagauka apatalegane. Ala kava neʼmoʼa vayaʼmo nehapaya vayaʼe humi neʼapataya vayaʼefeʼmo avenatuʼnaʼmo heno atalegekana huno neʼmaiye.

Samu 50:15

Hanageke yaʼmo alisaya afinaʼmo nagaefekeʼmo ge higeʼnao alagepa huʼna lapa maesugetapa ala nagiʼnimo namigae.

Samu 57:4

Nagupi mafaʼnemoʼmo laiyoni anagaʼmogi folagapiʼmo maiʼniye. Nagaemo ma mopafi vayaʼmo atagana huʼa maiʼnaya vayaʼai folagapiʼmo maiʼnove. Apaveʼmoʼa hayo kana huno hanege kevegana huno hanege huʼniye. Apavenafuʼnamo aveʼmo neʼneya naipegana huno haneʼniye.

Samu 58:1

Lapakaemo vayatama vayane, huʼna, Lapakaemo agotileʼmo fatago gemo nehafiye. Lapakaemo muki vayaʼmogi geʼapimo alagepa hutapa alita fako nehafiye.

Samu 58:3

Hosu vayaʼmogimo itaʼapimogi aliʼa apateʼnaya afinatetiʼmo alagepa kaʼmo ago ataleʼa hosu katekeʼmo neʼvae. Apakaemo itaʼapimogi aliʼa apateʼnaya afinatetiʼmo hosu kavakeʼmo huteʼa aigofe gemo nehae.

Samu 63:11

Negayaʼmonanafa kini vekamoʼmo Gotifeʼmo amogaga aigiye. Agiʼalefeʼmo ani kavaʼmo nehaya vayaʼmogimo ha le konali yaʼapimo aligayaʼmonanafa aigofe gemo nehaya vayaʼai apavayaleʼmo alino akanigiye.

Hatu maeno apate'niya gemae 10:3

Inagi Moseseʼe Eloniʼeʼmo Felotegamo uʼana ha paiʼanaeʼmo, Ala kava neʼmo Himulu vayaʼmogita Gotitimoʼmo kagaefeʼmo hunoʼaeʼmo, Na magi afinaʼmo geʼnimo amagika ataleteka naiyafiʼmo oʼmaiʼnane. Vayaʼnimo afaʼa apatalegeʼa uʼa nagaetefeʼmo mono hiyo.

Mai'naya kavane 1:22

Oʼafiʼnaya vayaʼmogitapamo na magi afinaʼmo gemo oʼafitapa maime maime neʼutapa gemo noʼafiya kavafeʼmo olapaugiye. Ge neʼafiya kavafeʼmo huʼa faipa huʼa ateteʼa apakameʼyamo neʼamiya vayaʼmogi huʼa faipa huʼa neʼataya kavafeʼmo apamogaga neʼaiye. Negi vayaʼmogi afisayafeʼmo nohapaiye.

Aiyeya 45:17

Afigayaʼmonanafa Ala kava neʼmoʼa Isaleli vayaʼmogi apakufamo alino katino apatesigeʼa alagepa huʼa maige maige huʼa maigae. Lapakaemo hosu lapakitapimo alige lapavagage huge hutapa oʼmaigafa muki afinaʼaeʼmo alagepa hutapa maige maige hutapa maigae.

Aiyeya 59:4

Apakaepatiʼmo mago vekamoʼmo, alagepa hutapa alita fako hiyo, huno nosiye. Mukiʼamogi lama gemo afole aisigeno hapa maesiyafeʼmo agoti gefiʼmo alagepa huʼa akame huʼa ge nosae. Apakaiʼapimo hapa maesiyafeʼmo alu ge alu gemo aigofeʼmo nehae. Apakaemo hosu kavaʼmo apaipaguʼeʼmo maiʼneʼa aʼnemogi mafaʼnemo aliʼa neʼataya kava huʼa ani hosu kavaʼmo aliʼa neʼatae.

Yona 2:8

Aigofe gotiʼapimogitefeʼmo mono nehaya vayaʼmo kahau huka apatesana Gotigamo ago kataleʼnae.

Napa 14:11

Inagi Ala kava neʼmoʼa Mosesefeʼmo ha painoʼaeʼmo, Na magi afinaʼmo ani vayaʼmogi apakameʼyamo namigae. Nagaemo apakae folagapiʼmo asole noʼagaya agufa naune kavaʼmo huʼnovaʼmonanafa na magi afinaʼmo nagaefeʼmo apakesamo afiʼa fatago osugae.

Apa 24:9

Ani agufa gemo huʼa Yu vayaʼmogi huʼapaeʼmo, lama gemo nehiye, huʼa ha paiʼnae.

1 Kolitiyani 1:31

Ani kava nehiyaʼmofeʼmo avoʼmo kae maleʼniya gemoʼa hunoʼaeʼmo, Muki hapao ke heteʼa apamogaga neʼaiya vayaʼmogimo Ala kava nefekeʼmo hao ke heteʼa apamogaga aiyo, huno huʼniye.

Efasasi 4:25

Inagi magoʼe hutapa aigofe gemo osutapa magoke agufafiʼmo alu ya alu yaʼamo maiʼnonaʼmofeʼmo mukiʼamogitapamo konagatapimogifeʼmo lama gemo hiyo.

1 Samiyo 12:21

Ala kava neʼmo oʼataleyo. Atalesayaʼmoʼmo afaʼa ina agufa yaʼmo alisayafeʼmo lahapaugiye. Ina agufa yaʼmo haneʼniyaʼmofeʼmo lapakaemo akamelegatiʼmo magoʼe yaʼmo afaʼa oʼaligae. Lapa oʼmaesiya yaʼmo haneʼniye.