Samu 37:9 - The Keyagana NT and 25 OT books

⁹ Hosu kavaʼmo nehaya vayaʼmo kayoʼmo apamisigeʼa faligayaʼmonanafa Ala kava nefeʼmo agava neʼmaiya vayaʼmogimo ma mopamo aligae.

Samu 37:9 ပူးပေါင်းရင်းမြစ်များ

Samu 25:13

Apakaemo alagepa huʼa maisageʼa apakinago vayaʼmogi ma mopamo aligae.

Samu 37:29

Fatago vayaʼmo mago mopamo apamisigeʼa aliteʼa ani mopaleʼmo maige maige huʼa alagi maigae.

Samu 55:23

O Gotiyo, huʼna, Kagaemo alika apatalesanageʼa faligae. Kame nehaya vayaʼe aigofe gemo nehaya vayaʼeʼmo aupa afinaʼmo maiteʼa faligae. Faligayaʼmonanafa nagaemo aliʼna amufa kamiguve.

Mai'naya kavane 2:21

Muki alagepa fatago vayaʼmo alagepa huʼa muki afinaʼmo mopatileʼmo maigae. Vaiʼmo oʼaliʼnisaya vayaʼmo oʼataleʼa mopatileʼmo maige maige huʼa maigae.

Aiyeya 57:13

Lapakaemo hosu yaʼmo alisaya afinaʼmo aigofe gotigifeʼmo keya aesayaʼmoʼmo eʼa lapa maegafiye. Haʼao, aise yasitomoʼmo afaʼa apavalelino ugiye. Apavalelino ugiyaʼmonanafa nagaefeʼmo aliʼa amufa neʼnamiya vayaʼmo apamisuva mopamo aliteʼa nagae aote aveleʼmo maigae.

Aiyeya 60:21

Muki vayatapimo fatago vayaʼageʼmo maigae. Apakaemo mopa hetamaʼapimo aliteʼa ani mopaleʼmo maige maige huʼa maigae. Nagaemo ala nagiʼnimo alisuvafeʼmo vayatapimo saufamo fai maleʼnogeno muki nehageya yosagana huʼa maigae. Apakaemo nayatetiʼmo alo huʼnova vayaʼmo maigae.

Malakai 4:1

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Afiyo, huno, Mago afinaʼmo afole aisigenoʼaeʼmo alopa sitopufiʼmo ata neleya agufa kavaʼmo huno himuʼnamu kavaʼmo nehaya vayaʼe hosu vayaʼeʼmo vaiʼniya kahaugana huʼa maiʼnisageno atamoʼa apaleno pasaga ligiye. Ani afinaʼmo atamoʼmo yosaʼaʼe hafuʼyaʼaʼeʼmo leno saga lisigeno alagi ohanegaiye.

Himulu 11:16

alagepa koʼmo aeno agaseʼniya kokuʼna kotefeʼmo hapauʼniye. Gotiʼa maisaya taonimo alo huno apateʼniyaʼmofeʼmo Gotitimoʼmo maiʼniye, huʼa agi neʼaya gelefeʼmo avagage nosiye.

Yasuva 14:9

Huʼnovaʼmofeʼmo Moseseʼmo agoʼyamo ataleno ina gemo hunoʼaeʼmo, Kagaemo Ala kava neʼmo Gotitimoʼmo alagi muki kaipafatiʼmo akame huʼnanaʼmofeʼmo kagaeʼe mafaʼne anagakaʼeʼmo ani ukeka nehana mopamo mopatapimo hanesiyafeʼmo aligae, huno naha paiʼniye.

Leveleseni 5:10

Kagaemo yagaita apatesuna kini vayaʼmo maige mono huta apatesuna vayaʼmo maige huʼneta Goti aliʼyaʼamo alisunafeʼmo alika hamaleka lateʼnananageta ma mopafiʼmo yagaita apategaune, huʼa huʼnae.