Samu 37:4 - The Keyagana NT and 25 OT books

⁴ Ala kava nefekeʼmo amuse hutapa ategenoʼao lapaipafiʼmo lapauʼnisiya yaʼmo lapamino.

Samu 37:4 ပူးပေါင်းရင်းမြစ်များ

Samu 104:34

Nagaemo Ala kava nefeʼmo namogaga neʼauvaʼmofeʼmo agaefeʼmo nagesa afifi nehuva kavafeʼmo amuse huno nateno.

Samu 145:19

Agaefeʼmo koli huʼneʼa mono nehaya vayaʼaiteʼmo hapauʼnisiya kavaʼmo afaʼa hugiye. Keya aeʼa ge nehagenoʼaeʼmo apakufamo alino katino neʼapate.

Mai'naya kavane 10:24

Hosu vayaʼmogi koli nehaya kavaʼmo apakaeteʼmo afole aigiyaʼmonanafa fatago vayaʼmogi afole aisiyafeʼmo nehapaiya kavaʼmo aligae.

Salomoni Yokemae 2:3

Alagepa alagamo neʼaeya yosamo yahaofilaga yosamo haneʼniya folagapiʼmo haneʼniya kava huno nahau nayamopafiʼmo neʼnahaiya vekaʼnimo ve mafaʼne anagaʼai folagapiʼmo maiʼniye. Nagaemo lusi yegemo nelegeʼnaeʼmo ani yosamo ulunapiʼmo itopaleʼmo maiʼneʼnaeʼmo lusi kava huʼna namogaga aiʼnove. Ani yosa alagamo lagiʼna neʼnogeno navayafilagatiʼmo lusi kava huno haga neʼnahaiye.

Yoni 15:16

Lapakaemo lekana paitapa oʼnateʼnafa nagaekeʼmo lekana paiʼna lapateʼnovanagetapa alagamo hanege hanege huno hanesiya alagamo aesayafeʼmo lekana paiʼna lapateʼnove. Afoʼnimofeʼmo nagiʼniletiʼmo muki kavafeʼmo ge hutapa afi gesayana afaʼa lapamigiye.

Yoni 15:7

Lapakaemo nagaepiʼmo aeta hanitapa maiʼnisageno geʼnimo lapaipafiʼmo haneʼninagetapa lapauʼnisiya yafeʼmo Gotifeʼmo ge hutapa afi gesagenoʼaeʼmo afaʼa lapamigiye.

1 Pita 1:8

Yesu Kalaisiʼmo lapaulagafatiʼmo oʼageʼnayaʼmonanafa agaefeʼmo lapau lapayamopafiʼmo nelapaiye. Hemenimo oʼageʼnayaʼmonanafa agaefeʼmo lapakesamo afita fatago hutetapa lusi kava hutapa lapamogaga neʼaiye. Lapaipafiʼmo lapamogaga neʼaiyaʼmonanafa lapavayafatiʼmo ge hisayafeʼmo lapavayamoʼmo kana nehiye. Lapamogaga neʼaiya kavaʼmoʼa muki ma mopafi yafeʼmo apamogaga neʼaiya kavaʼmo aeno agaseʼniye.