Samu 37:34 - The Keyagana NT and 25 OT books

³⁴ Ala kava nefekeʼmo agava maiʼnetapa geʼamo afigenoʼao lapakitapileʼmo alino asaga huno lapateteno mopamo lapamino. Agaemo hosu vayaʼmo alino hapa faitalesigeʼa visagetapa apakegae.

Samu 37:34 ပူးပေါင်းရင်းမြစ်များ

Samu 112:8

Agaemo mago yafeʼmo agesa afiteno koli nosiye. Agaemo agesiyana Gotiʼa ha maeno kame vayaʼamo aeno apaka sesigeno agegaiye.

Samu 112:9

Ani fatago vekamoʼmo kagemi yaʼamo alino fako huno kagemi yaʼapimo ohaneʼniya vayaʼaina apamiʼniye. Fatago kavaʼamoʼmo muki afinaʼmo hanege hanege huno hanegaiye. Lokiyaʼamo hanesigeʼapaeʼmo ala agimo amigae.

Samu 25:13

Apakaemo alagepa huʼa maisageʼa apakinago vayaʼmogi ma mopamo aligae.

Samu 27:14

Ala kava nefekeʼmo agava maiyo. Lokiya vaita maiʼnigenoʼao lokiya vaino lapateno. Ala kava nefekeʼmo agava maiyo, huʼna nehuve.

Samu 37:3

Ala kava nefekeʼmo alita amufa amitetapa alagepa kavaʼmo higenoʼao lapa maesigetapa ma mopafiʼmo alagepa hutapa maigayanagi.

Samu 37:7

Ala kava neʼmo aulagaleʼmo afaʼa maiʼnetapaeʼmo agava huta maige maige hutapa maiyo. Hosu kavaʼmo huteʼa alagepa huʼa neʼmaiya kavafeʼmo lapakesa alaʼamo afitetapa lapausoli osiyo.

Samu 37:9

Hosu kavaʼmo nehaya vayaʼmo kayoʼmo apamisigeʼa faligayaʼmonanafa Ala kava nefeʼmo agava neʼmaiya vayaʼmogimo ma mopamo aligae.

Samu 91:8

Kahaopaleʼmo afole oʼaigiyaʼmonanafa kaulagafatikeʼmo hosu vayaʼmogimo hosu kavaʼmo anonaʼapilefeʼmo hosu yaʼmo alisageka apakegane.

Samu 92:12

Alagepa kokanasi yosamo alagepa huno koʼnesiya kava huʼa fatago vayaʼmo maigae. Apakaemo Sita yosagana huʼa alagepa huʼa maige maige huʼa maige.

Mai'naya kavane 16:17

Fatago vayaʼmogimo hosu kavaʼmo aeʼa aga sesaya kateʼmo neʼvae. Vayaʼmogimo kavaʼapileʼmo alagepa huʼa yagaiʼa neʼataya vayaʼmogi apauneʼapameʼmo alagepa huno maigiye.

Mai'naya kavane 20:22

Kagaemo hukaeʼmo, hosu kavaʼamo anonaʼalefeʼmo aeʼna atagaina huʼna huguve, huka osuvo. Ala kava nefekeʼmo agava maiʼnegenoʼao kaha maegaiye.

Mai'naya kavane 29:16

Hosu vayaʼmo magoʼe magoʼe huʼa afole aisayaʼmoʼmo hosu kavaʼmo magoʼe magoʼe huno afole aigiyaʼmonanafa fatago vayaʼmogimo apakesayana asagauʼa aisageʼa apakegae.

Aiyeya 57:13

Lapakaemo hosu yaʼmo alisaya afinaʼmo aigofe gotigifeʼmo keya aesayaʼmoʼmo eʼa lapa maegafiye. Haʼao, aise yasitomoʼmo afaʼa apavalelino ugiye. Apavalelino ugiyaʼmonanafa nagaefeʼmo aliʼa amufa neʼnamiya vayaʼmo apamisuva mopamo aliteʼa nagae aote aveleʼmo maigae.

Matiyu 24:13

Hugayaʼmonanafa oʼataleʼa atafauʼa alagi huʼa maime maime uʼa atupa afinaʼmo afole aisagenoʼaeʼmo apakufamo alino katino apateteno hapau vaigiye.

Luki 14:11

Muki vayaʼmogimo apakaiʼapi apakiʼapileʼmo aliʼa asaga nehisayaʼmoʼmo Gotiʼa apakiʼapileʼmo alino afepi apategaiye. Mago vayaʼmogimo apakaiʼapi apakiʼapileʼmo aliʼa afepi neʼatesayaʼmoʼmo Gotiʼa apakiʼapileʼmo alino asaga huno apategaiye, huno hapa paiʼniye.

1 Pita 1:7

Gotiʼa lapakesamo afita fatago nehaya kavafeʼmo amalageka huno agegenoʼaeʼmo, Lama ge kavaʼmo haneʼniye, huno hisiyafeʼmo hanageke yaʼmo lapamiʼniye. Vayaʼmogimo hano hisiya goli yafaʼmo atafiʼmo kaeʼa age nekaya kava huno Gotiʼa lapakesamo afita fatago nehaya kavaʼmoʼa alopa monileʼyaʼmo aeno agaseʼniya kavaʼmo goli yafaʼmo ago aeno agaseʼniya kavaʼmogeno amalageka huno age neke. Agegenoʼaeʼmo lama ge kavaʼmo haneʼninagenoʼaeʼmo Yesu Kalaisiʼa afole aisiya afinaʼmo ala lapakitapimo lapamige ha le konali yaʼamo lapamige lapakitapileʼmo alino asagauno lapatege hisiyafeʼmo amalageka huno age neke.

1 Pita 5:6

Ani kavaʼmo nehiyaʼmofeʼmo lapakufamo alino afepi lapatesigetapaeʼmo Gotiʼa lokiya vekamo aiya afeʼalumelaga maiʼnigenoʼao hauʼnisiya afinaʼmo alino asaga huno lapateno.