31 Goti keʼaepa geʼamo apaipafiʼmo haneʼniyanageʼa afaʼa aeʼa halu oʼvalegae.
Ani agufa kavaʼmo nosayaʼmonanafa Ala kava neʼmo keʼaepa geʼalefekeʼmo amuse huteʼa apamogaga neʼaiye. Apakaemo felugaʼe haniʼilagaʼeʼmo keʼaepa geʼaekeʼmo apakesa afifi huʼa neʼmaiye.
Kagaetegamo hosu kavaʼmo osisuvafeʼmo gekamo naipafiʼmo aliʼna fala ki maleʼnove.
Muki afinaʼmo kagaemo hiyo, huka huʼnana keʼaepa gekamo nagaeʼeʼmo magokepi lokaeno haneʼniyaʼmofeʼmo keʼaepa gekaletiʼmo alika naya neʼmalanageʼnaeʼmo nagaemo afiteʼna ageʼnova kavaʼmoʼa kame vayaʼnimogi afiteʼa ageʼnaya kavaʼapimo ago aeno agaseʼniye.
Yagaino kateʼnisigeka aeka halu vale lamika asagauka oʼaigane. Yagaino nekateya vekamo au okalegaiye.
Nagaemo kakaleʼmo neʼuʼnaeʼmo aeʼna halu oʼvalesuvafeʼmo natafauvo.
Ala kava neʼmoʼa alagepa vayaʼmogi hisaya kavaʼmo aepa vekamo maiʼnenoʼaeʼmo ani kavaʼmo ago hu maleʼniye. Ani kava huno nehaya kavaʼapimo agetenoʼaeʼmo amuse huno neʼapate.
O Gotiʼnimogae, huʼna, keʼaepa gekamo naipafiʼmo haneʼniye. Kagaemo huvo, huka naha paiʼnana gekamo akame hisuvafeʼmo amuse huteʼna namogaga neʼauve.
Nagaemo asole vayaʼmo eʼa aliʼa anupa huʼa maiʼnaya yateʼmo fatago kavakaeʼmo alagepa faigoko gekamo aeʼna hakalo huʼna hapa paiʼnove. Ago nageʼnanana afaʼa oʼmaiʼna gekamo aeʼna hakalo huʼna hapa nepauve.
Alagepa kavaʼmo nehiyaʼmonanafa nagaemo alagi ago hogoʼamo asagauʼna aisuva agufa kavaʼmo huʼnove. Alagi hogoʼamo lole nagesamo afiteʼna aeʼna halu vale lamiʼna asagauʼna aisuva agufa kavaʼmo huʼnove.
Alagepa huno oʼafiʼniya vekamoʼmo muki geʼapieʼmo lama geʼageʼmo haneʼniye, huno nehiyaʼmonanafa alagepa kavaʼmo hisiyafeʼmo ageʼniya vekamoʼmo nehiya kavaʼaeʼmo alagepa huno agesamo neʼafiye.
Afoʼnimoʼmo alino naya malenoʼaeʼmo ani gemo huno alino naya maleʼniye. Geʼnimo atafauka alika kaipafiʼmo malo. Huvo, huʼna kaha paiʼnova gemo akame hisanana ofalika afaʼa maigane.
Fatago kavaʼnimo alagepa hutapa ageteta keʼaepa geʼnimo lapaipafiʼmo haneʼnisiya vayaʼmogitapae, huʼna, geʼnimo afiyo. Vayaʼmogi lapakaetegamo hosu gemo hisageno lapavagage hisiyafeʼmo koli osiyo. Apakaemo huʼa faipa huʼa lapatesayafeʼmo lapamoʼya oʼaiyo.
Inagi ani afinaʼmo hano hutesigeʼnaeʼmo Isaleli vayaʼeʼmo kotalakemo hu maleteʼnaeʼmo keʼaepa geʼnimo aliʼna apakesafiʼmo maleteʼna apaipafiʼmo avoʼmo kae malegauve. Gotiʼapimoʼnamo maisugeʼa nagaiʼni vayaʼnimo maigae.