Samu 37:3 - The Keyagana NT and 25 OT books

³ Ala kava nefekeʼmo alita amufa amitetapa alagepa kavaʼmo higenoʼao lapa maesigetapa ma mopafiʼmo alagepa hutapa maigayanagi.

Samu 37:3 ပူးပေါင်းရင်းမြစ်များ

Aepa Gemae 26:2

Ala kava neʼmo Aisakitegamo afole aiteno, Kagaemo Isipi kotegamo uka olamiyo. Nagaemo kaha paisuva haopalegageʼmo maiyo.

Aepa Gemae 26:3

Kalaga hageka uka kalaga vekamo mani mopale maiʼnegeʼnao aliʼna auleʼna kategauvanagi. Nagaemo kagaeʼe kaginago vayaʼeʼmo muki mani mopamo lapamiguve. Nagaemo afokamo Emalehamufeʼmo nagoʼyamo ataleteʼna ha paiʼnova polomasi gemo akame huʼna aliʼna afole aiʼna ategauve.

1 Kini 19:6

Inagi Ilaiyaʼmo ageyana agenopamo haopaleʼmo mago peleti mayamo ata hokanufaleʼmo kaeʼnaya peleti mayaʼe ani samoʼeʼmo haneʼnigeno ageteno alino neteno halate havaeʼniye.

Samu 26:1

Apakaemo nagaepikeʼmo aliʼa faiʼa nateʼnae. O Ala kava nene, huʼna, Alagepa kavaʼmo huʼnovaʼmofeʼmo kagaemo hukaeʼmo, Haʼao, alagepa kavaʼmo huʼniye, huka hapa paiyo. Nagaemo Ala kava nefeʼmo aliʼna amufa neʼamuvaʼmofeʼmo aeʼna halu oʼvalegauve.

Samu 4:5

Alagepa hutapa ofalinimo amiyo. Ala kava nefekeʼmo alita amufa amiyo.

Samu 62:8

Vayaʼmogitapae, huʼna, muki afinaʼmo agaefekeʼmo alita amufa amiyo. Lapaipafatiʼmo aniʼmo lakigekana hutapa nunumuʼmo hutapa ha paiyo. Lagaetegamo hosu kavaʼmo afole neʼaigetaeʼmo Gotipiʼmo alagepa huta fala kita neʼmaune.

Mai'naya kavane 3:5

Kagaemo muki kaipafatiʼmo Ala kava neʼmo alika amufa amiyo. Afiʼnovanageʼna afaʼa huguve, huka kagesamo oʼafiyo.

Aiyeya 40:11

Agaemo sipisipileʼmo yagaiʼa neʼapataya vayaʼmogimo sipisipileʼmo alagepa huʼa yagaiʼa neʼapataya agufa kavaʼmo huno ve aʼneʼaleʼmo alagepa huno yagaino apategaiye. Agaemo yagaino neʼapateya vekamoʼmo sipisipi apanaʼaumo apavaleno haifiʼyafiʼmo apateteno apavalelinuneno hugiye. Agaemo vase vase huno neʼunoʼaeʼmo aikeli sipisipiʼeʼmo maiʼnaya sipisipi anagaʼmo visaya kaʼmo alino apave ligiye.

Aiyeya 50:10

Lapakaepatiʼmo ina laʼmo Ala kava nefeʼmo koli nehiye. Ina laʼmo aliʼyaʼamo neʼaliya vekamo geʼamo neʼafiye. Ina laʼmo lusi hani huʼniya yapiʼmo umenitata nehiye. Agaemo Ala kava neʼmo agiʼalefeʼmo alino amufa aminoʼaeʼmo naha maegaiye, huno ge hugiye.

Luki 22:35

Yesuʼa hunoʼaeʼmo, monitapigi kutapigi sutapigi hutapa alinita oʼviyo, huʼna lapa paiteʼna aliʼna lapateʼnogeta uʼnaya afinaʼmo mago yatapimo ohaneʼnifiye, huno ge huno apafi geʼnigeʼapaeʼmo, haʼao, muki yatimo afaʼa haneʼniye, huʼa ha paiʼnagenoʼaeʼmo,

1 Samiyo 26:19

Kini vekae, huʼna, kahaoke hovanagi geʼnimo afiyo. Ala kava neʼmoʼa alika hosu huka natesanafeʼmo alino he tino kateʼnisiyaʼmoʼmo ofalinimo amiguve. Vayaʼmogimo kagesamo faiʼnisayaʼmoʼmo Ala kava neʼmoʼa lifana huno apateno. Apakaemo Ala kava neʼmoʼa agae vayaʼaina fikumo neʼapamiya yapatiʼmo oʼalisuvafeʼmo naha faiʼa nataleʼnae. Apakaemo huʼapaeʼmo, Kagaemo uka alu gotigitefeʼmo mono hiyo, huʼa nehae.