Samu 37:28 - The Keyagana NT and 25 OT books

²⁸ Ala kava neʼmoʼa alagepa kavafekeʼmo hauʼniyanageno aote vayaʼamo alagi apataleno oʼugiye. Yagaino apatesigeʼa hano osuʼa maige maige huʼa maigayaʼmonanafa hosu vayaʼai mafaʼneʼapimo alino hapa faino apatalegaiye.

Samu 37:28 ပူးပေါင်းရင်းမြစ်များ

Samu 11:7

Na agufa kavafeʼmo hauʼniyanagenoʼaene. Ala kava neʼmo fatago vekamo maiʼnenoʼaeʼmo fatago kavafekeʼmo hauʼniyaʼmofeʼmae. Alagepa kavaʼmo nehaya vayaʼmogimo uʼa haiʼa augosafiʼmo agegae.

Samu 21:10

Kagaemo muki mafaʼne anagaʼapimo kamitimo apamagigane. Apakinago vayaʼmo ma mopafi vayapatiʼmo alika hano huka apatalegane.

Samu 37:25

Nagaemo yatala afinaʼmo maime maime eʼna hemenimo ago kosuna leʼnovaʼmonanafa Ala kava neʼmoʼa fatago vayaʼamo apataleno uʼniya kavaʼamo oʼagege mafaʼneʼapimogi neʼyafeʼmo aukaya huʼnaya kavaʼmo oʼagege huʼnove.

Samu 37:40

Apakaemo Ala kava nefekeʼmo aliʼa amufa neʼamiyaʼmofeʼmo hatu maeno apateteno hosu vayaʼai apayapatiʼmo apavalelineno apakufamo alino katino neʼapate.

Samu 99:4

Lokiya kini vekamogae, huʼna, fatago kavafekeʼmo kahauʼniye. Kagaemo Yekopu vayaʼai folagapiʼmo fatago kavaʼmo alika afole aika ateʼnane. Kagaemo fatago kavaʼmo huge alagepa huka alika fako huge huka maiʼnane.

Hatu maeno apate'niya gemae 20:5

Nagaemo Ala kava neʼmo Gotitapimoʼnamo neʼmauva naimuʼyaleʼmo maiʼnaya aigofe gotigifeʼmo naipa kafamo hapaeteʼna kaino nefauva vekamo maiʼnovaʼmofeʼmo alu gotigitefeʼmo lapaleʼyamo faiʼnetapa ape hutapa mono osiyo. Afoʼapimogi hosu kavaʼapilefeʼmo nagaefeʼmo ohapauʼnigeʼa apaini huʼa neʼnataya vayaʼmogi mafaʼne anagaʼapimo nagaemo kayo apamiguve. Nagaemo mafaʼneʼapimogi aliʼa apatesaya mafaʼnemo kayoʼmo apamige apakaemo aliʼa apateme apateme visaya mafaʼnemo kayoʼmo apamige huguve.

Mai'naya kavane 2:22

Maigayaʼmonanafa Gotiʼa hosu vayaʼmo alagi alino hano huno apatalegaiye. Vayaʼmogimo kahaumo aliʼa neʼvakaiya kava huno geʼapimo akame nosaya vayaʼmo alino vakaino apatalegaiye.

Aiyeya 61:8

Na kava higeʼnaene. Nagaemo Ala kava neʼmoʼnamo alagepa huʼa aliʼa fako nehaya kavafeʼmo nahauʼniyaʼmofeʼmae. Kana yaʼmo apamige kumaya alige nehaya kavafeʼmo naini nehuve. Nagaemo aliʼyaʼapimo alisayafeʼmo lama geletiʼmo yagaiʼna apategauve. Nagaemo apakaeʼeʼmo alagi hanege hanege huno hanesiya kotalakemo hu malegauve.

Yoni 15:9

Afoʼnimoʼmo nagaefeʼmo hau ayamopafiʼmo hauʼniya kava huno lapakaefeʼmo nahau nayamopafiʼmo nahauʼniye. Nahau nayamopafiʼmo nahauʼniya kavapiʼmo aeta hanitapa maiyo.

Yoni 5:24

Lama gemo lapa nepauve, huno, ina lagimo geʼnimo afiteʼa alino nateʼnigeʼna emineʼnova vekaeʼmo apakesamo afiʼa fatago nehisafigeʼa alagepa huʼa maige maige huʼa maisaya yaʼmo aliʼnae. Apakaemo fali kavategatiʼmo atale eʼa afaʼa neʼmaiyategamo maiʼnayanageʼna agoti huʼna apateteʼnaeʼmo, hosu vayaʼmo maiʼnae, huʼna hapa opaiguve.

1 Pita 1:5

Gotiʼa himamuʼaletiʼmo yagaino lapatege lapakesamo afita fatago nehaya kavatetiʼmo yagaino lapatege nehiyanageno lapakufamo alagi alino katino lapategaiye. Gotiʼa alo huno maleʼniyanageno henagaʼamo afole aigiye.

1 Yoni 2:19

Apakaemo ago lataleʼa uʼnayaʼmonanafa vayatimo oʼmaiʼnae. Apakaemo lagaepatiʼmo maiʼnaesinana olataleʼa lagaeʼeʼmo magokepi lokaeʼa maiʼnaesine. Ani vayapatiʼmo mago vayaʼmogi vayatimo oʼmaiʼnae, huta apakesunafeʼmo ago lataleʼa uʼnae.

Yuti 1:1

Nagaemo Yutiʼnamo Yesu Kalaisi aliʼyaʼamo neʼaluva vekamo Yemisi aganaʼamoʼnamo maiʼnove. Afotimo Gotiʼa keya aeno ge huno lapavaleno alino lapaote lapateʼnenoʼaeʼmo Yesu Kalaisipiʼmo afaʼa maisayafeʼmo yagaino nelapateya vayaʼmogitapaeʼmo mani gemo avoʼmo nekaove.