Samu 37:25 - The Keyagana NT and 25 OT books

²⁵ Nagaemo yatala afinaʼmo maime maime eʼna hemenimo ago kosuna leʼnovaʼmonanafa Ala kava neʼmoʼa fatago vayaʼamo apataleno uʼniya kavaʼamo oʼagege mafaʼneʼapimogi neʼyafeʼmo aukaya huʼnaya kavaʼmo oʼagege huʼnove.

Samu 37:25 ပူးပေါင်းရင်းမြစ်များ

Aepa Gemae 17:7

Nagaemo kagaegi henagaʼamo kagaepati afole aisaya vayaʼenagi uʼa aiʼa atagu faesaya vayaʼenagi huʼna kotalakeʼnimo hu malegauve. Ani kotalakemo hanege hanege huno hanegaiye. Ani kotalakemo haneʼniyana nagaemo Gotikamoʼnamo maiʼneʼna kagae kakamelega kaginago vayaʼai Gotiʼapimoʼnaʼeʼmo maiguve.

Samu 112:2

Mafaʼneʼamogimo ma mopafiʼmo lokiya vayaʼmo maigae. Gotiʼa aginago vayaʼamo alino auleno apategaiye.

Samu 25:13

Apakaemo alagepa huʼa maisageʼa apakinago vayaʼmogi ma mopamo aligae.

Samu 37:28

Ala kava neʼmoʼa alagepa kavafekeʼmo hauʼniyanageno aote vayaʼamo alagi apataleno oʼugiye. Yagaino apatesigeʼa hano osuʼa maige maige huʼa maigayaʼmonanafa hosu vayaʼai mafaʼneʼapimo alino hapa faino apatalegaiye.

Samu 59:15

Apakaemo neʼyafeʼmo kahauya huliʼa uʼeʼa nehuʼapaeʼmo apamu osuʼnigeʼapaeʼmo kala anagagana huʼa lusi kava huʼa keya neʼae.

Mai'naya kavane 13:22

Alagepa vekamo mafaʼne anagaʼamogimo falisigeʼapaeʼmo alisayafeʼmo apateʼniya kagemi yaʼapimo aligayaʼmonanafa hosu vekamoʼmo apateʼniya kagemi yaʼamo fatago vayaʼmogimo aligae.

Apa 21:16

Mago Sisaliya vayaʼmo geʼamo neʼafiya vayaʼmogimo lagaemo lavaleliʼuʼa Nesoni nopiʼmo maigae, huteʼa noʼafiʼmo lateʼnae. Nesoniʼa Saipalasi kotega vekamo akeyaʼvilagamo agesamo afino fatago huʼniya vekamo maiʼniye.

2 Kolitiyani 4:9

Apaini huʼa nelatayaʼmonanafa Gotiʼa lataleno noʼviye. Lamagiʼnageta asagauta neʼaunaʼmonanafa nofalune.

Himulu 13:5

Lapaʼye osino. Aliʼnaya yafekeʼmo hutapaeʼmo, alagi haiʼmo aliʼnone, hutapa lapakesamo afitetapa lapaipamoʼmo falu hino. Na kava higetapaene. Agaiʼamo hunoʼaeʼmo, muki afinaʼmo olapataleʼna lapakaeʼeʼmo magokepi lokaeʼna maige maige huʼna maiʼneʼna lapa maegauve, huno huʼniyaʼmofeʼmae.

Yasuva 1:5

Yasuvao, huno, Ma mopafiʼmo maiʼnekaeʼmo muki vayaʼeʼmo kame hisanana huka aeka apakasegane. Nagaemo Moseseʼeʼmo magokepi lokaeʼna maiʼnova kava huʼna kagaeʼeʼmo magokepi lokaeʼna maiguve. Nagaemo alagi kataleʼna oʼuguve, huno ha paiʼniye.

1 Samiyo 12:22

Ala kava neʼmoʼa agaiʼamo hauʼnigeno ala agiʼalefeʼmo agaiʼa vayaʼamo alino lapatesiyafeʼmo alino hamaleno lapateʼniyaʼmofeʼmo Ala kava neʼmoʼa vayaʼamo apataleno oʼugiye.