Samu 37:22 - The Keyagana NT and 25 OT books

²² Ala kava neʼmoʼa alino auleno neʼapateya vayaʼmogimo ma mopamo alitesagenoʼaeʼmo lifana huno neʼapateya vayaʼmo alagi afela hegae.

Samu 37:22 ပူးပေါင်းရင်းမြစ်များ

Samu 115:15

Kokuʼnaʼe ma mopaʼeʼmo alo huʼniya Ala kava neʼmoʼa alino auleno lapateno.

Samu 119:21

Himuʼnamu kavaʼmo nehaya vayaʼaifeʼmo lifana huka apateʼnana vayaʼmogimo kakamo ataleʼa neʼvagekaeʼmo ge nehapane.

Samu 128:1

Muki vayaʼmogi Ala kava nefekeʼmo koli huge agae kateʼmo uge huʼa maiʼnaya vayaʼmogimo aulena vayaʼmo maiʼnae.

Samu 25:13

Apakaemo alagepa huʼa maisageʼa apakinago vayaʼmogi ma mopamo aligae.

Samu 32:1

Gotiʼa keʼaepa geʼamo amagiʼa ataleʼnaya kavaʼapimo alino atalege hosu kavaʼapimo aeno ati kaeno atalege huʼnisiya vayaʼmogimo aulena vayaʼmo maiʼnae.

Samu 37:11

Oʼapakegayaʼmonanafa falu fala apaipa vayaʼmogimo ma mopamo aliteʼa alagepa huʼa magokepi lokaeʼa maiʼneʼa apamogaga aiʼa maigae.

Samu 37:18

Ala kava neʼmoʼa fatago vayaʼmo alagepa huʼa maigae, huno apakeʼniye. Hetamaʼapimo afaʼa hanege hanege huno hanegaiye.

Samu 37:28

Ala kava neʼmoʼa alagepa kavafekeʼmo hauʼniyanageno aote vayaʼamo alagi apataleno oʼugiye. Yagaino apatesigeʼa hano osuʼa maige maige huʼa maigayaʼmonanafa hosu vayaʼai mafaʼneʼapimo alino hapa faino apatalegaiye.

Samu 37:9

Hosu kavaʼmo nehaya vayaʼmo kayoʼmo apamisigeʼa faligayaʼmonanafa Ala kava nefeʼmo agava neʼmaiya vayaʼmogimo ma mopamo aligae.

Mai'naya kavane 3:33

Ala kava neʼmoʼa hosu vayaʼmo afamo anagaʼapimo lifana huno neʼapateyaʼmonanafa fatago vayaʼmogi afamo anagaʼapimo alino auleno neʼapate.

Aiyeya 57:13

Lapakaemo hosu yaʼmo alisaya afinaʼmo aigofe gotigifeʼmo keya aesayaʼmoʼmo eʼa lapa maegafiye. Haʼao, aise yasitomoʼmo afaʼa apavalelino ugiye. Apavalelino ugiyaʼmonanafa nagaefeʼmo aliʼa amufa neʼnamiya vayaʼmo apamisuva mopamo aliteʼa nagae aote aveleʼmo maigae.

Matiyu 25:41

Huno hapa paiteno hoga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo lifana huno lapateʼniya vayanagi nagaetegatiʼmo ataleta lapaune heta viyo. Gotiʼa Nevoʼe hosu apaune vayaʼaʼeʼmo maisayafeʼmo alo hu maleʼniya ata kopiʼmo leno yu oseno lege lege huno neʼmaiya ata kopiʼmo lamitapa maiyo.

1 Kolitiyani 16:22

Ala kava nefeʼmo hapau apayamopafiʼmo nohapaiya vayaʼmo Gotiʼa alagi apatalesigeʼa afela heyo. Ala kava netimo emikeno.

Galesiya 3:10

Goti Mukufiʼmo avoʼmo kae maleʼniya gemoʼmo hunoʼaeʼmo, Ina lagimo muki afinaʼmo muki keʼaepa geʼamo akame huʼa hano nosisafigeno Gotiʼa lifana huno neʼapate, huno huʼniyaʼmofeʼmo Goti keʼaepa gemo akame nehaya kavaʼapilefeʼmo aliʼa amufa amiʼnaya vayaʼaifeʼmo lifana huno apateʼniye.

Galesiya 3:13

Kalaisiʼa lagaetefeʼmo lifana vekamo hamaleʼniyaʼmofeʼmo Gotiʼa lifana huno ateʼnigeno Kalaisiʼa keʼaepa gemoʼmo lifana huno lateʼniya kavapatiʼmo miya faino hatu maeno lateʼniye. Goti mukufiʼmo avoʼmo kae maleʼniya gemoʼmo ani kavatefeʼmo hunoʼaeʼmo, Gotiʼa hosu kavaʼapilefeʼmo yosaleʼmo apaneʼmu aeʼa asai maleʼnaya vayaʼmo lifana huno neʼapate, huno huʼniye.