Samu 36:5 - The Keyagana NT and 25 OT books

⁵ Ala kava nene, huʼna, olataleka lagaefeʼmo kahau huka nelatana kavakamoʼmo lusi yatala yaʼmo kokuʼnapiʼmo uno nehaiya agufa yatala yakana huno haneʼniye. Ani kavaʼmo huguve, huka nehana gekamo alagi amagika oʼataleka akame huka nehana kavakamoʼmo ina kava huno hiyateʼmo uno nehaiya agufa yakana huno haneʼniye.

Samu 36:5 ပူးပေါင်းရင်းမြစ်များ

Aepa Gemae 9:10

Nagaemo muki afaʼa neʼmaiya yaʼapimo haneʼniya yaʼenagi huʼna hu malove. Muki namagi yagagafagi yuna afugi afela afugi huʼa muki sipifatiʼmo ataleʼa emiʼeʼnaya yaʼaʼeʼmo kotalakemo hu malove.

Samu 100:5

Ala kava neʼmo alagepa vekamo maiʼniyaʼmofeʼmae. Agaemo lagaefeʼmo hau ayamopafiʼmo haume haume neʼviya kavaʼamoʼmo hauno hano osuno muki afinaʼaeʼmo nehaiye. Lama gemo hunoʼaeʼmo, lapa maeʼna lapamiguve, huno huʼniya geʼamo alagi oʼataleno akame huno muki hemenimo maiʼnaya vayaʼaitegaʼe aliʼa apateme apateme visaya vayaʼaitegaʼeʼmo ani agufa kavaʼmo afaʼa hugiye.

Samu 103:11

Kokuʼnaʼmo muga anagamo haneʼniya kava huno agaefekeʼmo koli huteʼa mono nehaya vayaʼmo magoke aiyaya kava huno hau huno neʼapate.

Samu 108:4

Kahau huka nelatana kavaʼmo atupaʼamoʼmo kokuʼnapiʼmo uno haino aeno aga seʼniye. Muki afinaʼmo gekamo akame nehana kavaʼmoʼa hiyateʼmo uno haiʼniye.

Samu 57:10

Kahau huka nelatana kavaʼmo atupaʼamoʼmo kokuʼnapiʼmo uno haino aeno aga seʼniye. Muki afinaʼmo gekamo akame nehana kavaʼmoʼa hiyateʼmo uno haiʼniye.

Samu 89:2

Nagaemo, kagaemo noʼmo kigekana huka muki afinaʼmo afaʼa hanesiyafeʼmo kahau huka apatege apatege huka maigane, huʼna hapa paiʼnove. Kagaemo gekamo alagi akame nehana kavakamoʼmo kokuʼnapiʼmo noʼmo faika ategekana huka maleʼnane.

Samu 92:2

Muki neteʼae neteʼaeʼmo nagaemo kagaemo muki afinaʼmo nagaefeʼmo kahau kayamopafiʼmo kahauʼniya kavafeʼmo aeʼna hakalo huge muki haniʼilagaʼae haniʼilagaʼaeʼmo nagaemo kagaemo gekamo alagi akame nehana kavafeʼmo aena hakalo huge huguve.

Aiyeya 65:2

Nagaemo muki neteʼaʼe uneʼaʼeʼmo geʼnimo oʼafiʼa himuʼnamu kavaʼmo nehaya vayaʼmo apavalesuvafeʼmo nayatalaʼmo aliʼna ataleʼna apakava maiʼnove. Apakaemo apakaiʼapimo apakesamo neʼafiya kavaʼmo kanale osu kavaʼmo nehae.

Maika 2:1

Hosu kavaʼmo hisayafeʼmo apakesamo neʼafiya vayaʼmogi kage kage huʼa yulagefaʼmo aigae. Apakaemo hosu kavakeʼmo hisayafeʼmo hipaleʼmo havaeʼa maiʼneʼapaeʼmo apakesamo afiʼapaeʼmo gotilamisiyapiʼmo hosu kavaʼmo hisaya himamuʼapimo haneʼniyaʼmofeʼmo gotilamiyapiʼmo he tiʼa ani kavaʼmo nehae.

Matiyu 24:35

Kokuʼnaʼe mopaʼeʼmo hano hugiyaʼmonanafa geʼnimo alagi hano osuno afaʼa hanege hanege huno hanegaiye.