Samu 36:11 - The Keyagana NT and 25 OT books

¹¹ Himuʼnamuʼmo nehaya vayaʼmo nagaetegamo oʼmesayafeʼmo kateʼmo kaʼmo akani malo. Hosu vayaʼmogimo aliʼa nahafaiʼa oʼnatalesayafeʼmo naha mao.

Samu 36:11 ပူးပေါင်းရင်းမြစ်များ

Samu 10:2

Hosu vayaʼmogimo apakaiʼapieʼmo apakesamo afiteʼapaeʼmo kagemi yaʼapimo ohaneʼniya vayaʼaifeʼmo apaini nehae. Apakeka apatalenegeʼa aneʼaiʼmo hanagi maleʼnaya aneʼaifiʼmo apakaiʼapimo hegae.

Samu 119:122

Anonaʼnilefeʼmo eka naimuʼyaleʼmo maigeʼnao alagepa huʼna maino. Fiku yanageʼa ala apaki aliteʼa apakufamo avaleliʼa nehaiya vayaʼmogi kana yaʼmo aliʼa namigayanagi naha mao.

Samu 119:51

Apakiʼapileʼmo aliʼa asaga huʼa neʼapataya vayaʼmogimo kigi yokalo gegeʼmo huʼa neʼnatayaʼmonanafa keʼaepa gekamo oʼataleʼnove.

Samu 119:69

Himuʼnamu kavaʼmo nehaya vayaʼmogi aigofe nava gemo huteʼa huʼa faipa huʼa nateʼnayaʼmonanafa muki naipafatiʼmo namiʼnana gekamo akame huguve.

Samu 119:85

Ala apaki aliteʼa apakufamo avaleliʼa nehaiya vayaʼmogimo kelifiʼmo asagauʼna aisuvafeʼmo kelimo kafi maleʼnae. Ani kavaʼmo keʼaepa gekamo akame nosaya kavaʼmo haneʼniye.

Samu 16:8

Nagaemo muki afinaʼmo Ala kava neʼmo aliʼna naulagaleʼmo neʼatove. Lamaga nahaopaleʼmo neʼmaiyaʼmofeʼmo alagepa katetiʼmo navaleliʼa oʼvisageʼna aliʼyaʼnimo oʼatalegauve.

Samu 62:6

Agaiʼageʼmo yafaʼnimo maiʼneno nagufamo alino katino neʼnateya Gotiʼnimoʼmo maiʼniye. Naha maesigeʼna afaʼa maiguve.

Aiyeya 51:23

Oʼnegayaʼmonanafa ani kapumo aliʼna hanageke yaʼmo lapamiʼnaya vayaʼai apayapiʼmo malegauve. Apakaemo lapakaemo aliʼa mopafiʼmo havaeʼa lapateʼneʼa aeʼa lata paiteʼa mopalafateʼmo umenitata nehaya agufa kava huʼa lapagotofuleʼmo aeʼa umenitata huʼnae.

Neniyo 4:37

Hemenimo nagaemo Nepukanesaʼnamo kokuʼnapi kini vekaeʼmo aliʼna auleʼna atege agiʼaleʼmo aliʼna asaga huge ala agiʼamo amige nehuve. Muki afinaʼmo agaemo lama ge kavaʼmo huge fatago kavaʼmo huno alino fako huge nehiye. Vayaʼmogimo apakaiʼapi apakiʼapileʼmo aliʼa asaga hugefeʼmo hisaya vayaʼmo afaʼa alino afepi apategaiye, huno huʼniye.