Samu 34:11 - The Keyagana NT and 25 OT books

¹¹ Mafaʼne anagaʼmogitapamo eta geʼnimo afiyo. Ala kava nefekeʼmo koli hutetapa akame hisaya kavaʼmo aliʼna lapaya malegauvanagi eyo.

Samu 34:11 ပူးပေါင်းရင်းမြစ်များ

Samu 107:9

Agaemo hapauʼnigeʼa hapaʼye nehiya vayaʼmo alino falu huno apatege apaka neteya vayaʼmo alagepa yaʼmo apamige nehiyaʼmofeʼmae.

Samu 111:10

Ala kava nefeʼmo koli nehisaya vayaʼmogi aepa nefaiyanageʼa afiteʼa agegae. Agiʼaleʼmo aliʼa asaga huʼa neʼataya kavaʼmo hanege hanege huno hanegaiye.

Samu 112:3

Moniʼaʼe asole kagemiyaʼaʼeʼmo noʼafiʼmo hanesigeno fatago kavaʼamo hano osuno hanege hanege huno hanegaiye.

Samu 23:1

Vayaʼmogimo sipisipileʼmo yagaiʼa neʼapataya kava huno Ala kava neʼmoʼa yagaino neʼnateyanageʼna mago yafeʼmo alagi kafu osuguve.

Samu 32:8

Gotiʼa hunoʼaeʼmo, nagaemo visana kaʼmo alagepa huʼna aliʼna kaya maleteʼnaeʼmo kave liguve, huno huʼniye. Naulagaletiʼmo visana kaʼmo kave liguve.

Samu 66:16

Gotifeʼmo koli nehaya vayanagi eta geʼnimo afiyo. Nagaemo nagupi mafaʼnemo alagepa huno naha maeʼniya kavafeʼmo ava gemo aeʼna hakalo huʼna lapa paiguve.

Mai'naya kavane 1:7

Inagi Ala kava nefeʼmo koli nehaya kavaʼmoʼa afiteʼa agesaya kavaʼmo aepa nefaiya kavaʼmo haneʼniyaʼmonanafa negi vayaʼmogimo afiteʼa ageʼnaya gelefeʼmo apakameʼyamo amiteʼa aliʼa apaya neʼmalaya gemo noʼafiye.

Mai'naya kavane 22:6

Lapakaemo neʼvaya kateʼmo mafaʼne anagatapimogi visayafeʼmo alita apaya maleta aepa faitapa apateʼnigeʼa kosuna lesaya afinaʼmo oʼatalegae.

Mai'naya kavane 4:1

Mafaʼneʼnimogitapae, huʼna, afotapimoʼna geʼnimo alagepa hutapa afiyo. Afitapa aeto hisayafeʼmo lapaipamo namiyo.

Mai'naya kavane 7:24

Inagi mafaʼne anagaʼmogitapae, huʼna, geʼnimo alagepa huta lapaketafo hutapa afiyo.

Mai'naya kavane 8:17

Nagaefeʼmo hapau apamopafiʼmo nehapaiya vayaʼaifeʼmo nahau nayamopafiʼmo neʼnahaiye. Apaya mukiki huʼa kahauya nehisaya vayaʼmogi nagegae.

Mai'naya kavane 8:32

Mafaʼneʼnimogitapae, huʼna, Geʼnimo akame nehaya vayaʼmo aliʼna auleʼna neʼapatovaʼmofeʼmo geʼnimo afiyo.

Yoni 13:33

Mafaʼneʼnimogitapae, huno, aise afinaʼmo lapakaeʼeʼmo magokepi lokaeʼna maiguve. Kahauya hutapa nagesayafeʼmo hugayaʼmonanafa oʼnagegae. Yu vayaʼaifeʼmo huʼnaeʼmo, visuva koteʼmo afaʼa oʼugae, huʼna hapa paiʼnovanageʼna hemeniʼeʼmo lapakaeʼeʼmo ani agufa gemo huʼna lapa nepauve.

2 Timoti 3:15

Kagaemo aise mafaʼnemo maiʼnana afinatetiʼmo Goti aote mukufiʼmo avoʼmo kae maleʼnaya gemo afime afime eka hemenimo maiʼnane. Gotiʼa ani geletiʼmo afiteka agesana kaipamo afaʼa kamiteka Kalaisi Yesufeʼmo kagesamo afika fatago nehana kavatetiʼmo kagufamo alino katino kateteno kahau vaigiye.