Samu 34:1 - The Keyagana NT and 25 OT books

¹ Nagaemo Ala kava nefekeʼmo muki afinaʼae afinaʼaeʼmo hao ke hegauve. Agiʼaleʼmo aliʼna asaga huge huge huʼna maiguve.

Samu 34:1 ပူးပေါင်းရင်းမြစ်များ

Aepa Gemae 20:2

Emalehamuʼa Gela taonifi vayaʼaifeʼmo hapa painoʼaeʼmo, Selaʼmo nasaʼnimoʼae, huno hapa paiʼnigeno Amimelekiʼa Gela kini vekamoʼmo mago vayaʼmo alino apateʼnigeʼa uʼa Selaʼmo avaleliʼa eʼnageno aliʼniye.

Aepa Gemae 26:1

Emalehamu maiʼniya afinaʼmo neʼyafe kafu huʼnaya agufa kavaʼmo huno halate Kenani mopaleʼmo magoʼe huno kafu kavaʼmo afole aiʼniye. Inagi Aisakiʼa Filisatini nofi vayaʼaiteʼmo neʼyagaiya kini vekamo Amimalekiʼa maiʼniya taonimo Gela taonifilagamo uʼniye.

Mai'naya kavane 29:25

Vayaʼaifeʼmo koli nehaya kavaʼmoʼmo aneʼaifiʼmo hegekana huno apatafaugiyaʼmonanafa Ala kava neʼmoʼa laha maegaiye, huʼa aliʼa amufa neʼamiya vayaʼmo alagepa huʼa maigae.

Apa 16:25

Haniʼilaga folaguʼmo Poloʼe Sailasiʼeʼmo nunumuʼmo huge mono yokemo huge huʼnaʼageʼapaeʼmo kalavusi huʼa apateʼnaya vayaʼmogimo afiʼa maiʼnae.

Apa 5:41

Apa vayaʼmo kanisole vayaʼai nopatiʼmo ataleʼa kumatega uʼa nelamiʼapaeʼmo, Vae, huʼa, Gotiʼa lagaefeʼmo hunoʼaeʼmo, Yesu agiʼalefeʼmo apavagage hisaya yaʼmo afaʼa alisaya agufa kavaʼmo huʼa maiʼnae, huno agesa afiʼniye, huʼa huteʼa lusi kava huʼa apamogaga aiʼnae.

Efasasi 5:20

Muki afinaʼmo muki yaʼe kavateʼefeʼmo Afotimo Gotifeʼmo Ala kava netimo Yesu Kalaisi agiʼaletiʼmo hao ke hetapa maiyo.

Kolosi 3:17

Muki agufa kavaʼmo huge muki agufa gemo huge nehisayana Ala kava neʼmo Yesu agiʼalefeʼmo hutetapa agaetetiʼmo afotimo Gotifeʼmo hao ke heta maiyo.

1 Tesaloniyani 5:18

Muki agufa kavatefeʼmo Gotifekeʼmo hao ke heyo. Kalaisi Yesupiʼmo maiʼnetapaeʼmo ani kavaʼmo hisayafeʼmo Gotiʼa hauʼniye.

2 Tesaloniyani 1:3

Konagatimogitapae, huta, lapakesamo afita fatago nehaya kavaʼmoʼa ko sino alopa heʼnigetapaeʼmo konagatapimogifeʼmo lapauʼniyanageno magoʼe magoʼe huno nelapaiye. Ani kavaʼmo nehayaʼmofeʼmo kanale kavaʼmogeta lapakaefeʼmo muki afinaʼmo Gotifeʼmo hao ke hesuna kavaʼmo haneʼniye.

2 Tesaloniyani 2:13

Ala kava neʼmoʼa hau ayamopafiʼmo hauʼniya konagatimogitapae, huta, Gotiʼa aepa faiʼniya afinatetiʼmo lekana paino lapateʼniye. Aunemeʼamoʼmo alino lapaote lapatesigetapa lama geʼaeʼmo lapakesamo afita fatago hisageno Gotiʼa lapakufamo alino katino lapatesiyafeʼmo lekana paino lapateʼniyaʼmofeʼmo muki afinaʼmo Gotifeʼmo hao ke heta lapatesuna kavaʼmo haneʼniye.

1 Samiyo 21:11

Apakaemo kini vekamo Ekisi aliʼyaʼamo neʼaliya vayaʼmogimo kini vekaeʼmo huʼapaeʼmo, Ani vekamo Neviniʼmo koʼaleʼmo neʼyagaiya kini vekamoʼmo maiʼniye. Aʼne anagaʼmogimo yokemo huʼa ateʼapaeʼmo ina ge huʼa yoke huʼapaeʼmo, Soloʼmo tauseni tauseniʼa vayaʼmo kamitimo apamagiʼniye. Neviniʼmo teni tauseni teni tauseniʼa vayaʼmo kamitimo apamagiʼniye, huʼa huʼnae.