Samu 32:5 - The Keyagana NT and 25 OT books

⁵ Ani afinaʼmo hosu kavaʼnieʼmo aeʼna hakalo huʼna kaha paiʼnova afinaʼmo hosu kavaʼnimo aeʼna ati okaeʼnove. Nagaemo, keʼaepa gekamo ago amagiʼna ataleʼnova kavaʼnieʼmo Ala kava neʼmogaeʼmo aeʼna hakalo huʼna kaha paiguve, huʼna huʼnogekaeʼmo hosu kavaʼnimo ago alika ataleʼnane.

Samu 32:5 ပူးပေါင်းရင်းမြစ်များ

2 Samiyo 12:13

Neviniʼa Netanifeʼmo ha painoʼaeʼmo, Nagaemo Ala kava netegamo hosu kavaʼmo huʼnove, huno huʼnigeno Netaniʼmo hunoʼaeʼmo, Ala kava neʼmoʼa hosu kavakamo alino ataleʼniyanageka afa ofaligane.

2 Samiyo 12:9

Na kava higekaeʼmo Ala kava neʼmo geeʼmo ina agufa ge, huteka kakameʼyamo amiteka aulagaleʼmo hosu kavaʼmo huʼnane. Kagaemo naipeletiʼmo Yulaiyaʼmo aiʼnanageno falitegeka aʼamo aliʼnane. Kagaemo Amoni vayaʼai apayapatiʼmo amagiʼnanageno faliʼniye.

2 Samiyo 24:17

Inagi Neviniʼmo ageyana mago enisole vekamoʼmo Isaleli vayaʼaina kamitimo apamagiʼnigeno agetenoʼaeʼmo Ala kava nefeʼmo hunoʼaeʼmo, Lama gemo haneʼniyana nagaemo alopa hosu kavaʼmo huʼnovaʼmonanafa mani vayaʼmogi sipisipigana huʼa maiʼnaya vayaʼmogimo haiya agufa hosu kavaʼmo huʼnae. Kagaemo nagaeʼe afamo anaga vayaʼniʼeʼmo kayoʼmo lamiyo, huno ha paiʼniye.

Esala 10:11

Inagi afiyo. Lapakaemo Ala kava neʼmo lapakinago vayaʼmogi Gotiʼapimofeʼmo hosu kavatapimo aeta hakalo hutetapa Gotiʼa hauʼniya kavaʼmo hiyo. Lapakaemo malaga vayaʼmo ma mopafiʼmo maiʼnaya vayaʼeʼmo afalu afalu kavaʼmo huta oʼmaita lapaote maiʼnetapa ani malaga aʼne anagaʼmo aliʼnaya aʼnemo hapa faitapa apataleyo, huno hapa paiʼniye.

Samu 103:12

Yegemo haine neʼeya haopalegaʼe yegemo uno lamino nefaleya haopalegaʼeʼmo lusi kava huno afagiʼaleʼmo haneʼniya kava huno Gotiʼa hosu kavatimo magoke aiyaya kava huno alino afagiʼaleʼmo yaga auno neʼatale.

Samu 103:3

Agaemo muki hosu kavaʼnimo alino ataleteno muki kaitaʼnimo alino nahageno neʼnate.

Samu 25:16

Nagaemo nagaiʼnigeʼmo magokeʼageʼmo maiʼneʼna kana yaʼmo aliʼnovaʼmofeʼmo aika afe leka nagaemo nageteka kahau huka nato.

Samu 25:18

Kana yaʼmo alige nagafu kige huʼna maiʼnisugeka nagetekaeʼmo muki hosu kavaʼnimo alika atalo.

Samu 30:5

Agaemo aise aise afinaʼmo aipamo neleyaʼmonanafa fikumo hapa maeno neʼapamiya vayaʼmogi maige maige huʼa maigae. Lagaemo haniʼilagamo aviʼyaʼmo hugunaʼmonanafa neteʼmo lamogaga aigune.

Samu 38:18

Hosu kavaʼnieʼmo nahau huteʼnaeʼmo aeʼna hakalo nehuve.

Samu 38:19

Apakaetegamo hosu kavaʼmo osuʼnogeʼa afaʼa neʼmaiya kame vayaʼnimogiʼeʼmo lokiya vayaʼageʼmo maiʼnae. Asole vayaʼmogimo nagaefeʼmo fikumo apaini nehae.

Samu 51:6

Vae, huʼna, lama ge kavaʼmo naipafiʼmo hanesiyafeʼmo kahauʼniyaʼmofeʼmo ageʼna aeto hisuvafeʼmo naipafiʼmo alika naya malegane.

Mai'naya kavane 28:13

Hosu kavaʼapimo aeʼa ati nekaya vayaʼmo alagepa huʼa oʼmaigayaʼmonanafa hosu kavaʼapieʼmo Gotifeʼmo aeʼa hakalo huʼa ha nepaiya vayaʼaifeʼmo hau huno neʼapate.

Mai'naya kavane 30:20

Kumai kavaʼmo nehaya aʼnemogimo neʼyaʼmo neteʼapaeʼmo apavayalegatiʼmo aliʼa kalo paeʼa ataleteʼapaeʼmo, nagaemo hosu kavaʼmo osuʼnove, huʼa nehae.

Aiyeya 65:24

Apakaemo nagaefeʼmo hapauʼnisiya yafeʼmo nunumuʼmo huʼa ge huʼa nafi okeʼnaya afinaʼmo hogoteʼna geʼapileʼmo aeʼna atagaina huteʼna apamiguve. Mago afinaʼmo apakaemo nunumuʼmo nehisageʼnaeʼmo afiteʼnaeʼmo apamiguve.

Malakai 3:8

Mago vekamoʼmo Goti yaʼmo kumayaʼmo aligifiye. Kumayaʼmo oʼaligiyaʼmonanafa lapakaemo nagae yaʼmo ago kumayaʼmo aliʼnae, huʼna nehuvaʼmonanafa lapakaemo hutapaeʼmo, Na agufa yakamo kumayaʼmo aliʼnone, hutapa huʼnageʼnaeʼmo ofalinimo oʼnamiʼnae, huʼna huʼnove.

Luki 16:15

Yesuʼa apakaefeʼmo hunoʼaeʼmo, lapakaemo vayaʼmogi apaulagaleʼmo kanale vayaʼmo maisayafeʼmo muki kavaʼmo nehayaʼmonanafa Gotiʼa lapaipafiʼmo ageʼniye. Vayaʼmogimo mago kavafeʼmo agiʼaleʼmo aliʼa neʼasagayaʼmonanafa Goti aulagaleʼmo alagi hosuʼniya kavaʼmo haneʼniye.

Luki 7:47

Ani kavaʼmo huʼniyaʼmofeʼmo kaha paiʼnaeʼmo, ani a kanomoʼmo nagaefeʼmo lusi kava huno hau ayamopafiʼmo hauʼniya kavaʼaletiʼmo hunoʼaeʼmo, alopa hosu kavaʼnimo anonaʼnimo ago alino ataleʼniye, huno alino lapave neliye. Aise hosu kavaʼnimo alino ataleʼniye, huno agesamo afiʼnisiya vekamoʼmo aiseʼatoʼamo hau ayamopafiʼmo nehaiye, huno ha paiteno

Efasasi 4:32

Lapaipamo lapamete lapamete hutapa apamiteta afalu afalu kavaʼmo hutapa lapau hutapa apateyo. Gotiʼa Kalaisitefeʼmo hosu kavatapimo afaʼa alino ataleʼniya kava hutapa konagatapimogiʼeʼmo afalu afalu kavaʼmo hutapa hosu kavaʼapimo alita ataleyo.

Yasuva 7:19

Yasuvaʼa Ekanifeʼmo ha painoʼaeʼmo, Mafaʼneʼnimogae, huno, kahao ke hovanagi, Kagaemo Ala kava neʼmo Isaleli vayaʼmogita Gotitimofeʼmo hosu kavakaeʼmo ha paiteka ala agiʼamo amiyo. Hemenimo hosu kavakaeʼmo naha paiyo. Ati kaeka oʼnato, huno huʼnigenoʼaeʼmo