Samu 31:7 - The Keyagana NT and 25 OT books

⁷ Kagaemo muki afinaʼmo oʼnataleka nagaefeʼmo kahau kayamopafiʼmo kahauʼniya kavakalefeʼmo namogagamo neʼauve. Kagaemo aliʼnova kana kavaʼmo ageteka nagaeteʼmo afole aiʼniya hanagekayaʼmo afiteka ageʼnane.

Samu 31:7 ပူးပေါင်းရင်းမြစ်များ

Samu 1:6

Ala kava neʼmoʼa fatago vayaʼmogimo nehaya kavaʼapieʼmo apakeno amuse nehiyaʼmonanafa agaefeʼmo mono nosaya vayaʼai aliʼyaʼapimo alino hano huno atalesigeʼa alagi afela hegae.

Samu 10:14

Apakesamo neʼafiyaʼmonanafa kagaemo anonaʼapilefeʼmo apamisanafeʼmo kana yaʼmo aliʼa apamiʼnageno apakafu nekiya vayaʼaina apakeʼnane. Alagepa huʼa oʼmaiʼnaya vayaʼmo hapa maesanafeʼmo apakufamo kagae kayapiʼmo maleʼnae. Vayaʼmogi hapa noʼmaya vayaʼaina hapa neʼmane.

Samu 119:153

Nagaemo keʼaepa gekaeʼmo nage okaniʼniyaʼmofeʼmo kana yaʼmo aliʼnovanagi kagesamo afiteka hatu maeka nato.

Samu 13:5

Muki afinaʼmo oʼnataleka nagaefeʼmo kahau kayamopafiʼmo kahaugiye, huʼna aliʼna amufa nekamuve. Nagufamo alika katika nateganaʼmofeʼmo naipafiʼmo namogaga aiguve.

Samu 142:3

Nagaemo naipamoʼmo magoʼe huno kana huʼniya afinaʼmo neʼuva kaʼmo ago ageʼnane. Kame vayaʼnimogi nagae kateʼmo mago umenimoʼmo natafausiyafeʼmo ago fala ki maleʼnae.

Samu 25:18

Kana yaʼmo alige nagafu kige huʼna maiʼnisugeka nagetekaeʼmo muki hosu kavaʼnimo alika atalo.

Samu 9:13

O Ala kava nene, huʼna, kahau huka nato. Ago, nagaefeʼmo apaini nehaya vayaʼmogi alopa kana yaʼmo namiʼnae. O Ala kava nene, huʼna, falisuva kavategatiʼmo nagufamo alika katika nato.

Samu 90:14

Muki afinaʼmo lamogaga aige amuse huge huta maisunafeʼmo muki afinaʼmo neteʼae neteʼaeʼmo olataleka kahau huka lato.

Aiyeya 43:2

Lapakaemo aniʼmo lakaesaya afinaʼmo lapakaeʼeʼmo magokepi lokaeʼna maiguve. Alopa aniʼmo lakaesayaʼmoʼmo aeno lapati okaegaiye. Lapakaemo atafatiʼmo faitapa kasalo paesaya afinaʼmo leno lapasaga olisigeno ata vaiʼmoʼa lapaleno lapafo osugiye.

Aiyeya 49:13

Ala kava neʼmoʼa agaiʼa vayaʼamogi apaipamo alino falu huno apateʼniye. Apakaemo lusi kava huʼa asole kana yaʼmo aliʼnayaʼmonanafa hau huno apategaiyaʼmofeʼmo kokuʼnamogae, huʼna, yokemo huvo. Mopamogae, huʼna kamogaga aiyo. Avemogitapae, huʼna, lapamogaga aita yokemo hiyo.

Aiyeya 63:16

Huʼnanaʼmonanafa kagaemo afotimogamo alagi maiʼnane. Emalehamuʼmo hemenimo olageʼnigeno Isaleliʼmo gemo laha nopaiyaʼmonanafa kagaemo O Ala kava neʼmogae, huta, afotimogamo maiʼnane. Alagi akeyaʼvilagamo miya faika hatu maeka nelatana Gotigae, huta kagi neʼaone.

Aiyeya 63:9

Apakaemo muki kana yaʼmo aliʼnagenoʼaeʼmo ani kana yaʼmo aipafiʼmo asagauno aiʼnigeno agaeʼeʼmo aliʼniye. Goti aulagaleʼmo maiʼniya enisole vekamoʼmo apakufamo alino katino apateʼniye. Hau ayamopafiʼmo hauʼnigeno hau huno apateteno miya faino hatu maeno apateʼniye. Akeyaʼvilagamo muki afinaʼae afinaʼaeʼmo apasagauno apavalelino uʼniye.

1 Kolitiyani 8:3

Oʼafiʼnayaʼmonanafa Gotifeʼmo hapau apayamopafiʼmo nehapaiya vayaʼmo apakeno aeto hutenoʼaeʼmo vayaʼnimo maiʼnae, huno nehiye.

Galesiya 4:9

hemenimo Gotiʼa ago ageʼnae, huʼna huguvaʼmonanafa Gotiʼa lapakeʼniye, huʼna hisuva gemo haneʼniye. Lapakeʼniyaʼmofeʼmo na kava higetapaeʼmo Gotiʼa ataletapa aita atagi netapa keʼaepa gemoʼmo afaʼa lapa oʼmaeno lokiya vaino olapatesiya gemo afeʼalumelagamo maisayafeʼmo lapauʼniye. Halate kalavusi aliʼyaʼmo neʼaliya vayaʼmo maisayafeʼmo nehafiye.

2 Timoti 2:19

Asagauno aiʼniyaʼmonanafa Goti noʼamo lokiya yafateʼmo faino ateʼniya yafaʼmo afaʼa haneʼniye. Gotiʼa faino ateʼniya yafateʼmo alagena yaʼmo hu maleʼniya yateʼmo haneʼniya gemoʼmo hunoʼaeʼmo, Ala kava neʼmoʼa vayaʼamo apakeʼniye, huno huteno magoʼe gemoʼmo hunoʼaeʼmo, Muki vayaʼamogimo Kalaisi agiʼamo neʼaya vayaʼmogi hosu kavategatiʼmo ataleʼa viyo, huno hu maleʼniye.