Samu 31:3 - The Keyagana NT and 25 OT books

³ Kagaemo alopa yafaʼnimo maige avaʼe noʼnimo maige huʼnanaʼmofeʼmo kagikalefeʼmo hogoteteka uka navalelika uvo.

Samu 31:3 ပူးပေါင်းရင်းမြစ်များ

Samu 116:2

Keya aeʼna ge huʼnogeno geʼnimo afiʼniyaʼmofeʼmo ofaliʼna afaʼa maiʼneʼnaeʼmo muki afinaʼaeʼmo keya aeʼna ge huguve.

Samu 139:24

Naipafiʼmo hosu kavaʼnimo haneʼnifigi ageteka alagepa huʼna maige maige huʼna maisuva kateʼmo navalelika uvo.

Samu 18:2

Ala kava neʼmo yafaʼnimo maige avaʼe note lafi kegiʼyaʼnimo maige nagufamo alino katino neʼnateya vekaʼnimo maige huʼniye. Gotiʼnimoʼmo yafakana huno maiʼniyanageʼna aliʼna amufa amiguve. Agaemo haleguʼnimo maige kokuʼnapi uno haiʼniya nokana huno maige huʼneno yagaino nateʼnigeʼna alagepa huʼna maiʼnove.

Samu 25:11

O Ala kava nene, huʼna, ala kagikalefeʼmo hosu kavaʼnimo alika atalo. Asole hosu kavaʼmo huʼnovaʼmofeʼmo alika atalo.

Samu 25:5

Nagufamo alika katika neʼnatana Gotigamo maiʼnanaʼmofeʼmo lama gekamo akame hisuvafeʼmo alika naya malo. Muki afinaʼaeʼmo kagava neʼmauve.

Samu 25:9

Agaemo fatago kavaʼaletiʼmo yagu yaga kavaʼmo nehaya vayaʼmo alino ho huno neʼapate. Agaemo yagu yaga kavaʼmo nehaya vayaʼmo kaʼamo apave ligiye.

Samu 79:9

O Gotiyo, huʼna, Lagufamo alika katika nelatana Gotigamae. Kagikamo ha le konali yakalefeʼmo laha mao. Ala kagikalefeʼmo hosu kavategatiʼmo lavalelikeka hosu kavatimo alika atalo.

Aiyeya 49:10

Hau huno neʼapateya vekamoʼmo alagepa huno yagaino apateteno apavalelino visigeʼa kanale meti aniʼmo haneʼniyategamo sipisipi anagagana huʼa ugae. Apakaemo neʼyaʼe aniʼeʼmo kafu osisageno amuko yegemoʼe yasimoʼeʼmo apakufaleʼmo oʼapalegaiye.

Luki 1:79

Lagaetegamo enoʼaeʼmo hanipiʼmo fali kavaʼmo auneʼafiʼmo fai maiʼnona vayaʼmogitalegamo ha le yaʼmo lamiteno alagepa kaʼmo Gotiʼeʼmo lokaelita visuna kaʼmo alino lave ligiye, huka hapa paigane, huno huʼniye.

Yoni 16:13

Hemenimo oʼafigayaʼmonanafa Aunemeʼamo lama gemo aepa vekamo eminenoʼaekeʼmo muki lama geʼamo alino lapave ligiye. Agaiʼamo agesafatiʼmo agesa afino ani gemo osugifa afiʼniya gemo lapa paiteno afole aisiya kavafeʼmo ava gemo huno lapa paigiye.

Efasasi 1:12

Gotiʼa lagaetetiʼmo ha le konali yaʼamo alino apave lisigeʼa ageteʼapaeʼmo agiʼaleʼmo aliʼa asaga huʼa atesayafeʼmo mafaʼneʼnimo maigae, huno hu maleʼniye. Lagaemo Yu vayaʼmogita hogoteta Kalaisifeʼmo alita amufa amiʼnone.

Yasuva 7:9

Kenani vayaʼe muki alu vayaʼmo mani koteʼmo maiʼnaya vayaʼmogiʼeʼmo ani kavafeʼmo ava gemo afiteʼapaeʼmo faiʼa vego huʼa lateʼneʼa mukiʼamo kamitimo lahaegae. Ani afinaʼmo ala kagikalefeʼmo na agufa kavaʼmo hugane, huno nunumuʼmo huʼniye.