Samu 31:19 - The Keyagana NT and 25 OT books

¹⁹ Kagaefeʼmo koli nehaya vayaʼaiteʼmo magoʼe magoʼe huka alagepa kavaʼmo nehane. Apamisanafeʼmo alagepa kavaʼmo alika anupa huka neʼatane. Kagaemo vayaʼai apaulagaleʼmo kagaefeʼmo aliʼa amufa nekamiya vayaʼmogi kanale alagepa kavaʼmo apamisanafeʼmo alika alo huka ateʼnane.

Samu 31:19 ပူးပေါင်းရင်းမြစ်များ

Samu 12:5

Ala kava neʼmoʼa hunoʼaeʼmo, apakaemo kagemi yaʼapimo ohaneʼniya vayaʼmo aliʼa afepi neʼapatae. Kafu huteʼa alagepa huʼa noʼmaiya vayaʼmogimo ha ha nehayaʼmofeʼmo he tiʼna hapa maegauve. Afaʼa maisayafeʼmo hapauʼniyanageʼna hapa maeteʼna aliʼna alagepa huʼna apategauve, huno huʼniye.

Samu 16:11

Kagaemo alagepa huʼna maige maige huʼna maisuva kaʼmo alika nave ligane. Kaulagaleʼmo maisaya vayaʼmogimo apaipafiʼmo apamogaga aisaya kavaʼmo havai tegaiye. Lamaga kahaopaleʼmo hapausiya kavaʼmo hanage hanege huno hano osuno hanegaiye.

Samu 23:5

Kagaemo kame vayaʼnimogi apaulagaleʼmo neʼyaʼnimo nesuvafeʼmo naulagaleʼmo hiʼyalamuteʼmo neʼmalane. Kagaemo nagenopafiʼmo uvelimo lakika neʼnatane. Aniʼmo kapuʼnifiʼmo lakiʼnanageno lamino havai teteno aino vali nelamiye.

Samu 68:28

O Gotiyo, huʼna, lokiyakamo alika laveliyo. Laha maeʼnana lokiyakamo halate alika laveliyo. Yulusalemu taonifiʼmo mono nokafatiʼmo lokiyakamo alika laveliyo.

Samu 73:1

Ina ge huʼa alagi lama gemo huʼnae. Gotiʼa Isaleli vayaʼmo yaveyave apaipa vayaʼalegamo alagepa kavaʼmo huno hapa neʼmae. Yaveyave apaipa vayaʼalegamo alagepa kavaʼmo nehiye.

Aiyeya 26:12

Ala kava nene, huʼna, alagepa aliʼyatimo lagaepiʼmo alo huʼnanaʼmofeʼmo laha maesanageno laipamoʼmo falu hisigeta alagepa huta maigune.

Aiyeya 35:10

Ala kava neʼmoʼa miya faino hatu maeno apateʼniya vayaʼmogimo yokemo nehuʼapaeʼmo aiʼa atagi neʼa Saiyoni taonifiʼmo egae. Muki afinaʼaeʼmo apamogaga aiʼa maigae. Apakaemo magoʼe huʼa kana yaʼmo oʼalige magoʼe huʼa yulagefamo oʼaige huteʼa alagepa huʼa maige maige huʼa maigae.

Aiyeya 64:4

Ma mopamo afole aiʼniya afinatetiʼmo mago vayaʼmogimo kagaekana agufa gotiʼa oʼagege kagaekana agufa gotifeʼmo ava gemo oʼafige huʼa maiʼnae. Kagaikaekeʼmo kagava neʼmaiya vayaʼmo hapa maesanafeʼmo aliʼyaʼmo neʼaline. Magoʼe huno ani agufa Gotiʼa alagi oʼmaiʼniye.

Napa 23:23

Kame vayaʼapimogimo Isaleli vayaʼaitegamo analisamo hapaege sakuma kavaʼmo huge hisayana ani kavaʼmoʼa alino hosu huno oʼapategaiye. Oʼapategaiyaʼmofeʼmo hemenimo alu nofi vayaʼmogimo Isaleli vayaʼaifeʼmo ina ge hugae. Apakeyo, huʼa, Gotiʼa lusi kavaʼmo huno Isaleli vayaʼaina hapa maeʼniye, huʼa hugae.

Yoni 3:21

Noʼmayaʼmonanafa lama gemo akame nehaya vayaʼmogi Goti geʼamo neʼafiya kavaʼmo afole aisiyafeʼmo ha le yategamo neʼae.

Apa 15:12

Hapa paiʼnigeʼa afiteʼapaeʼmo muki vayaʼmogimo ge osuʼa afaʼa maiʼneʼapaeʼmo Manamasiʼe Poloʼeʼmo Gotiʼa anakaetetiʼmo alu nofi vayaʼaitegamo noʼagaya agufa lokiya aune kavaʼmo huʼniya kavafeʼmo ava gemo huʼana hapa paiʼnaʼae.

Lomu 11:22

Gotiʼa ani kavaʼmo huʼniyaʼmofeʼmo yuna aipamo kalino nelapateya kavaʼaʼe lokiya aipamo kalino neʼapateya kavaʼaʼefeʼmo lapakesamo afiyo. Agaemo asagauʼa aiʼnaya vayaʼaifeʼmo lokiya aipamo kalino neʼapateyaʼmonanafa lapakaefeʼmo yuna aipamo kalino nelapate. Lapakaemo yuna aipamo kalino nelapateya kavaʼafiʼmo maime maime neʼvisayana yuna aipamo kalino lapategaiyaʼmonanafa atalesayaʼmoʼmo Gotiʼa ani kava huno lapakaeʼeʼmo alino lo aeno lapatalegaiye.

1 Kolitiyani 2:9

Apakaemo oʼafiʼnayaʼmonanafa avoʼmo kae maleʼniya gemoʼa hunoʼaeʼmo, Gotiʼa agaefeʼmo hapau apayamopafiʼmo hapauʼniya vayaʼmogi alisayafeʼmo muki vayaʼmo alo huno apateʼniya yaʼmo apaulagafatiʼmo oʼagege apakesafatiʼmo oʼafige apaipafiʼmo afole oʼaige huʼniya yaʼmo haneʼniye, huno huʼniye.

2 Kolitiyani 5:5

Ani kavaʼmo huta maisunafeʼmo alo huno lateʼniya vekamo Gotiʼa maiʼniye. Agaemo lamisiya yapatiʼmo Aunemeʼamo ago alino lamiʼniyaʼmofeʼmo muki yaʼamo alagi lamigiye, huta ago afiʼnone.

Himulu 10:34

Nagaemo kalavusifiʼmo maiʼnogetapaeʼmo lapau hutapa nateʼnae. Kagemi yatapimo kumayaʼmo aliʼnagetapaeʼmo kanalene, hutapa huʼnae. Hogote kagemi yatimo kokuʼnapiʼmo okasalisiya kagemi yatimo haneʼniye, hutapa lapaipafiʼmo lapakesamo afiʼnayaʼmofeʼmae.

Yemisi 2:5

Neʼnahaiya konagaʼnimogitapamo afiyo, huʼna, Gotiʼa kagemi yaʼapimo ohaneʼniya vayaʼmo apakesamo afiʼa fatago nehaya kavaʼmoʼa kagemi yaʼapikana huno hanesigeʼa neʼyagaiya koʼmo alisayafeʼmo lekana paino apateʼniye. Gotiʼa agaefeʼmo hapau apayamopafiʼmo hapauʼnisiya vayaʼaifeʼmo hunoʼaeʼmo, mafaʼne anagaʼmogi afoʼapimo yaʼmo neʼaliya kava hutapa ani neʼyagauva koʼmo aligae, huno hapa paiʼniyaʼmofeʼmae.