Samu 31:18 - The Keyagana NT and 25 OT books

¹⁸ Fatago vayaʼaifeʼmo aigofe himuʼnamu gemo nehaya geʼapimo alika hano huka apatalo.

Samu 31:18 ပူးပေါင်းရင်းမြစ်များ

Samu 12:3

Ala kava neʼmoʼa aigofe gemo huteʼa huʼa hapaoke nehaya vayaʼmo kayoʼmo apamigiye. Ala apakimo alisayafeʼmo ge nehaya vayaʼmo alagi alino hano huno apatalegaiye.

Samu 120:2

O Ala kava nene, huʼna, Apakaemo aigofe gemo huge humi apatege nehayanagi nagupi mafaʼnemo alika katika ato.

Samu 25:3

He, muki vayaʼmogimo kagava neʼmaiya vayaʼmo hapa maegenoʼao apavagage osino. Apakaetegamo mago hosu kavaʼmo osuʼnayaʼmonanafa fiku hosu kavaʼmo nehaya vayaʼmo hapa oʼmaeka afaʼa apatalegenoʼao apavagage hino.

Samu 59:12

Apavayaletiʼmo hosu gemo nehayaʼmofeʼmo apakiʼapileʼmo aliʼa asaga hisagekaeʼmo apata fauvo. Lifana gemo huge kasu ge huge nehayaʼmofeʼmae.

Samu 63:11

Negayaʼmonanafa kini vekamoʼmo Gotifeʼmo amogaga aigiye. Agiʼalefeʼmo ani kavaʼmo nehaya vayaʼmogimo ha le konali yaʼapimo aligayaʼmonanafa aigofe gemo nehaya vayaʼai apavayaleʼmo alino akanigiye.

Mai'naya kavane 12:19

Aigofe gemoʼmo aise afinaʼmo hanegaiyaʼmonanafa lama gemoʼmo hanege hanege huno hanegaiye.

Aiyeya 54:17

Nehayaʼmonanafa kame nehaya yaʼmo alo huʼnaya yaʼmo aliʼa kame huʼa aeʼa lapaka osegae. Vayaʼmogimo alu ge alu gemo huteʼa aliʼa kagaepiʼmo faiʼa katege katege huʼa maisaya vayaʼmogi geʼapileʼmo afaʼa aeka atagaina huka ge hugane. Aliʼyaʼnimo neʼaliya vayaʼmogimo ani hetamaʼapimo alige fatago kavaʼapimo nagaetegatiʼmo alige hugae, huno Ala kava neʼmoʼa huʼniye.

Matiyu 10:25

Mago vekamoʼmo alino aya neʼmaleya vekagana huno maiʼnisiyana kanalene. Ani kava huno mago aliʼyaʼamo neʼaliya vekamoʼa aliʼyaʼmo afoʼamokana huno maiʼnisiyana kanalene. Vayaʼmogimo afamo anaga aepa vekaeʼmo Satani agiʼamo Mielisemuligae huʼa huteʼa huʼa faipa huʼa neʼatesayana agae afamo anaga vayaʼaifeʼmo magoʼe huʼa huʼa faipa huʼa apategae.

Matiyu 12:24

Huʼa huʼnageʼa Falasi mono vayaʼmogimo afiteʼapaeʼmo, hosu apaune vayaʼai ala kava neʼapimo Mielisemuliʼa himamuʼamo amiʼnigenoʼaeʼmo hosu apaune vayaʼmo alino hapa faino neʼapatale, huʼa huʼnae.

Yoni 8:44

Afotapimoʼmo Sataniʼa maiʼnigetapaeʼmo mafaʼneʼamo maiʼnetapaeʼmo afotapimoʼmo hauʼniya kavaʼmo akame nehae. Aepa faiʼniya afinatetiʼmo vayaʼmo neʼapamagiya vekamo maiʼniye. Lama gemo aipafiʼmo alagi ohaneʼniyaʼmofeʼmo lama gelefeʼmo kame nehiye. Aigofe gemo aepa vekamo maiʼniyaʼmofeʼmo aipafatiʼmo alagi aigofe gemo nehiye.

Yoni 8:48

Yesuʼa ani gemo hapa paiʼnigeʼapaeʼmo, lagaemo kagaefeʼmo hutaeʼmo, Sameliya vekamo maiʼnigeno hosu aune vekamo aipafiʼmo maiʼniye, huta nehune. Lama gemo nosupiye, huʼa afi geʼnagenoʼaeʼmo,

Apa 25:7

Poloʼa eno maiʼnigeʼapaeʼmo Yu vayaʼmo Yulusalemu taonifatiʼmo eʼnaya vayaʼmogimo he tiʼa, Ani vekamoʼmo lusi hosu kavaʼmo nehiya vekamo maiʼniye, huʼa huteʼa agoti huʼa atege atege huʼa maiʼnayaʼmonanafa hosu kavaʼamo afaʼa aliʼa ave oliʼnae.

Yuti 1:15

Muki vayaʼmo agoti huno apateteno agaefeʼmo mono nosaya vayaʼai apaipafatiʼmo mono nosaya hosu kavaʼapimo alino apave liteno mono nosaya vayaʼmogi lokiya geʼapimo kame huʼa ateʼnaya geʼapimo alino apave lisigeʼapaeʼmo hosu kavaʼmo huʼnone, huʼa hisayafeʼmo eminegaiye.

Leveleseni 21:8

Maigayaʼmonanafa vayaʼaifeʼmo koli huteʼa Goti geʼamo neʼatalaya vayanagi apakesamo afiʼa fatago nosaya vayanagi alagi faipa vayanagi vayaʼmo neʼapamagiya vayanagi kumai kavaʼmo nehaya vayanagi Satani himamuʼaletiʼmo noʼagaya agufa apaune kavaʼmo nehaya vayanagi aigofe gotiʼapimogitefeʼmo mono nehaya vayanagi muki agufa aigofe gemo nehaya vayanagi huʼa ata kotuʼmo sofa yafapiʼmo neleya ata kotupiʼmo maigae. Ata kotupiʼmo maisaya kavaʼmo agiʼamo napa tu afinaʼmo falisaya kavaʼmae.

Leveleseni 22:15

Negayaʼmonanafa kalagana vayanagi Satani himamuʼaletiʼmo noʼagaya agufa aune kavaʼmo nehaya vayanagi kumai kavaʼmo nehaya vayanagi vayaʼmo neʼapamagiya vayanagi aigofe gotiʼapimogitefeʼmo mono nehaya vayanagi muki vayaʼmogimo aigofe kavafeʼmo hapauʼnigeʼapaeʼmo aigofe gemo nehaya vayanagi huʼa ani taonimo malagamo maigae.

1 Samiyo 2:3

Ala kava neʼmoʼa alagi ageno alagepa huʼniya Gotiʼa maiʼneno kavatimo alino fako nehiyaʼmofeʼmo lapakaitapi lapakitapileʼmo alita neʼasagaya gemo huge himuʼnamu gemo huge osiyo.