Samu 30:11 - The Keyagana NT and 25 OT books

¹¹ Kagaemo naipafatiʼmo kana huʼniya kavaʼmo alika ataleteka namogaga aisuva kavaʼmo namiʼnane. Kogu kukenamo asagika ataleteka namogaga aisuva kukenamo vaika nateʼnane.

Samu 30:11 ပူးပေါင်းရင်းမြစ်များ

Aepa Gemae 37:35

Muki mafaʼne anagaʼaʼe a mafaʼne anagaʼaʼmogiʼeʼmo eʼa aipamoʼmo falu hisiya kavaʼmo huʼnayaʼmonanafa aipamoʼmo falu osuʼnigeno hapa painoʼaeʼmo, nagaemo yulagefakeʼmo aime aime uʼna mafaʼneʼnilagamo nagaeʼeʼmo kelifi uʼna lamiguve, huno hapa paiteno aviʼyaʼmo huge huge huno maiʼniye.

Aepa Gemae 45:28

Isaleliʼa he tino hapa painoʼaeʼmo, Alagi haiʼmae. Mafaʼneʼnimo Yosefeʼmo afaʼa maiʼniyanageʼna afaʼa uʼna ageteʼna faliguve, huno huʼniye.

2 Sitoli 20:12

O Gotitimogae, huʼna, ani asole ami vayaʼmogimo lagaemo kamemo lahaesayafeʼmo neʼae. Lagaemo apakaeʼeʼmo kamemo hisuna agufa lokiyatimo ohaneʼniye. Na agufa kavaʼmo hisupi, huta oʼageʼnonaʼmonanafa aulu heta kageta maiʼnone. Kagaemo hosu kavaʼapimo anonaʼapilefeʼmo afaʼa alika fako huka oʼapategapiye, huno nunumuʼmo huʼniye.

2 Sitoli 20:3

Kini vekamo Yihosafatiʼa ani gemo afitenoʼaeʼmo koli huʼniye. Agaemo lokiya agesamo afinoʼaeʼmo Ala kava neʼmoʼa hauʼniya kavaʼmo kahauya huno agesiyafeʼmo muki Yu vayaʼmo maiʼnaya kotegamo ge huno atalegeno uʼniya gemoʼmo neʼyaʼmo mo siʼnetapa Ala kava nefeʼmo nunumuʼmo hiyo, huno huʼniye.

2 Sitoli 20:9

Ala kava nene, huʼa, inagi mago hosu kavaʼmo lagaeteʼmo afole aisifi kame vayatimogi eʼa lagaeʼeʼmo kamemo hisafi lagaetegamo na agufa kavaʼmo hisapi mago alopa hosu kaitaʼmo afole aisifi lusi kafu hu afinaʼmo afole aige hisigetaeʼmo eta ani mono noʼmo aulagamo kagae kaulagaleʼmo he tita maiʼnetaeʼmo, (kagikamo ani alopa mono nopiʼmo haneʼniyaʼmofeʼmae) laha mao, huta nunumuʼmo hisunageka afiteka laha maegane, huʼa kaha paiʼnae.

Esata 9:22

Ani lole afinaʼmo Yu vayaʼmogimo kame vayaʼapiʼeʼmo kamemo huteʼa huʼa aeʼa apakaseteʼa maiʼa haga leʼnae. Ani kaileʼmo apaipamoʼmo kana huʼniya kavaʼapimo anonalefeʼmo apamogaga aiʼnae. Yulagefa aiʼnaya kavaʼapimo anonaʼaleʼmo hopa kavaʼmo huʼnae. Motekaiʼa hunoʼaeʼmo, Ani lole afinafeʼmo alopa yagita huge lapamogaga aige lapao vayaʼe kagemi yaʼapimo oʼmaleʼnisaya vayaʼeʼmo fiku hapa maetapa apamige hiyo, huno hapa paiʼniye.

Samu 149:3

Apaiya aeʼa ohagesaya kavatetiʼmo ala agiʼamo amiyo. Gitamo amagitapa yokemo huta agiʼaleʼmo alita asaga hiyo.

Samu 150:4

Yaveʼyamo amagitapa lapaiyamo aetapa agiʼaleʼmo alita asaga hiyo. Gitamo neʼamagitapa kapufa gemo hutapa agiʼaleʼmo alita asaga hiyo.

Samu 27:7

Ala kava nene, huʼna, kagaefeʼmo keya aeʼna ge hisugekaeʼmo geʼnimo afiyo. Kahau huka nateteka geʼnileʼmo aeka atagaina huka naha paiyo.

Samu 30:5

Agaemo aise aise afinaʼmo aipamo neleyaʼmonanafa fikumo hapa maeno neʼapamiya vayaʼmogi maige maige huʼa maigae. Lagaemo haniʼilagamo aviʼyaʼmo hugunaʼmonanafa neteʼmo lamogaga aigune.

Samu 4:7

Apakaemo hoyaʼapifatiʼmo alopa neʼyaʼmo neʼaliʼapaeʼmo apamogaga neʼaiyaʼmonanafa kagaemo namiʼnana namogaga kavaʼmoʼa apakaemo apamogaga neʼaiya kavaʼmo ago aeno aga seʼniye.

Aiyeya 25:3

Kagaemo ani kavaʼmo huʼnanaʼmofeʼmo lokiya kame vayaʼmogi ala kagikamo kamigae. Koli yaʼmo aliʼa neʼapamiya nofi vayaʼmogimo kagaefeʼmo koli hugae.

Aiyeya 25:8

Agaemo nefaliya kavaʼmo alagi alino hano huno atalegaiye. He, Ala kava neʼmo Gotiʼa apaulagafatiʼmo muki apaunumo alagi alino laneno atalegaiye. Ala kava neʼmoʼa, ani kavaʼmo huguve, huno huʼniyaʼmofeʼmo ma mopafiʼmo muki haopalega maiʼnaya vayaʼmogi apavagage yaʼmo alagi alino hano huno atalegaiye.

Aiyeya 61:10

Ala kava nefeʼmo magoʼe huʼna lusi kava huʼna namogaga aiguve. Nagupi mafaʼnemoʼmo Gotiʼnimofeʼmo magoʼe huno amuse huno ategaiye. Na kava hinageʼnaene. Agaemo nagufamo alino katino nateteno fatago kavaʼamo yatala kukenagana huno alino vaino nateʼniye. Agaemo fatago kavaʼmo alagi alagepa yatala kukenagana huno alino nagufaleʼmo ago aino ati kaeno nateʼniye. Aʼmo alisiya vekamoʼmo konalimo neʼaliya kava huʼna maiʼnove. Veleʼmo maisiya a kanomoʼmo alopa moniletiʼmo miya nefaiya sesu konalimo aliteno neʼmaiya agufa kava huʼna maiʼnove.

Aiyeya 61:3

Saiyoni taonifiʼmo maiʼnaya vayaʼmogi yulagefa neʼaiya vayaʼmo apaipamo aliʼna falu huʼna apatege apakenopafatiʼmo laʼnefamo aliʼna ataleteʼna kanale konalimo aliʼna apatege aviʼyaʼmo nehaya kavaʼapimo aliʼna ataleteʼna apamogaga aisaya uvelimo apakufaleʼmo faleʼna apatege apaipamo kana huʼniya kavaʼapimo aliʼna ataleteʼna yokemo hisayafeʼmo aliʼna lokiya vaiʼna apatege hisuvafeʼmo alino nateʼnigeʼna eʼnove. Vayaʼmogimo ani vayaʼaifeʼmo huʼapaeʼmo, Apakaemo fatago kavatefeʼmo alagepa alagamo neʼaeya yosagana huʼa maiʼnae. Ala kava neʼmoʼa fai maleʼniye, huʼa huteʼa agiʼaleʼmo aliʼa asaga huʼa ategae.

Luki 15:22

afoʼamoʼmo aliʼyaʼamo neʼaliya vayaʼaifeʼmo hunoʼaeʼmo, malage huta hogote lokiya yatala kukenamo uta aliniteta vaita ateyo. Linimo aliniteta ayateʼmo vaita ateteta aiyaleʼmo suʼmo vaita ateyo.

Yoni 16:20

Alagi lama gemo lapa nepauve, huʼna, lapakaemo aviʼyaʼmo hugayaʼmonanafa ma mopafi vayaʼmogimo apamogaga aigae. Yulagefa aitetapaeʼmo halate aitapa afe letapa lapamogaga aigae.

Leveleseni 21:4

Agaemo apaulagafatiʼmo apaunumo alagi alino laneno atalegaiye. Muki vayaʼamo halate magoʼe huʼa ofalige magoʼe huʼa yulagefa oʼaige magoʼe huʼa aviʼyaʼmo osuge magoʼe huno apakafu okige hugiye. Muki kavaʼamo atafa kavaʼmogeno alagi hano huʼniye, huno huʼnigeʼna afiʼnove.