Samu 28:7 - The Keyagana NT and 25 OT books

⁷ Ala kava neʼmoʼa lokiyaʼnimo maiʼnenoʼaeʼmo halegukana huno aino nati kaeʼnigeʼna alagepa huʼna maiʼnove. Naipamoʼmo agaefeʼmo alino amufa amiʼnigeno naha maeʼniye. Naha maeʼniyaʼmofeʼmo naipafiʼmo namogaga neʼauvanageʼna yokemo huʼnaeʼmo ala agiʼamo amiguve.

Samu 28:7 ပူးပေါင်းရင်းမြစ်များ

Aepa Gemae 15:1

Henagaʼamo Emalemiʼa alagamuna agegekana huno ageʼniyana Ala kava neʼmoʼa ha painoʼaeʼmo, Emalemiyo, huno, koli osuvo. Nagaemo halegukamo maiʼneʼna hetamakamo maiʼnove, huno ha paiʼniye.

Samu 13:5

Muki afinaʼmo oʼnataleka nagaefeʼmo kahau kayamopafiʼmo kahaugiye, huʼna aliʼna amufa nekamuve. Nagufamo alika katika nateganaʼmofeʼmo naipafiʼmo namogaga aiguve.

Samu 13:6

O Ala kava nene, huʼna, nagaetegamo alagepa kavaʼmo huʼnanaʼmofeʼmo kagaefeʼmo yokemo huguve.

Samu 19:14

Ala kava nene, huʼna, miya faika nateteka himamuʼnimo namiʼnana vekaʼnimo maiʼnane. Navayafatiʼmo nehuva geʼnimo ago afiteka naipafiʼmo nagesamo neʼafuva kavaʼnimo kaulagafatiʼmo ago nagetekaeʼmo, alagepa kavaʼmo huʼnane, huka hisanafekeʼmo neʼnahaiye.

Samu 21:1

O Ala kava nene, huʼna, Kini vekamoʼmo lokiyakalefeʼmo amogaga aigiye. Agaemo agufamo alika katika ateʼnana kavafeʼmo lusi kava huno amogaga aigiye.

Samu 22:4

Laginago vayaʼmogimo kagaefekeʼmo aliʼa amufa kamiʼnagekaeʼmo apakufamo alika katika apateʼnane.

Samu 28:8

Ala kava neʼmoʼa lokiyaʼapimo maiʼneno uveli lakino ateʼniya Kalaisi vekamo agufamo alino katino ateʼnigenoʼaeʼmo afaʼa maiʼniye.

Samu 3:3

Nehayaʼmonanafa Ala kava nene, huʼna, kagaemo haleguʼnimo maiʼnane. Kagaekeʼmo naha maeʼnanageʼna aeʼna neʼapakasove. Kagaekeʼmo alika he tika neʼnatana vekamo maiʼnane.

Samu 3:4

Nagaemo Ala kava nefekeʼmo alopa gefatiʼmo keya aeʼna ge nehugenoʼaeʼmo aote avele mono noʼafatiʼmo neʼafiye.

Samu 37:39

Ala kava neʼmoʼa fatago vayaʼai apakufamo alino katino neʼapateya kavaʼmo aepa vekamo maiʼniye. Hanageke yaʼmo afole neʼaiya afinaʼmo himamuʼaletiʼmo hapa neʼmae.

Samu 40:3

Saufa yokemo alino naya maleʼnigeʼna Goti agiʼaleʼmo aliʼna asaga huteʼna ani yokemo nehuve. Asole vayaʼmogimo nageteʼapaeʼmo koli huteʼa Ala kava nefeʼmo aliʼa amufa amiteʼapaeʼmo, laha maegaiye, huʼa hugae.

Samu 46:1

Uta fala kita neʼmauna kotimo Gotiʼmae. Lokiyatimo Gotiʼmae. Hanageke yaʼmo afole neʼaisigenoʼaeʼmo laha maesiyafeʼmo lahaopaleʼmo alo huno maiʼniye.

Samu 46:2

Ani kava huno maiʼniyaʼmofeʼmo imima alige avemo aino nakupaeno emineno solovala anipiʼmo asagauno aisigeno solovala aniʼmo aino holakau holakau hisigeno alopa agemo aige avemoʼa kanage huge nehisigetaeʼmo koli osugune.

Samu 69:30

Nagaemo yokemo huʼna Gotiʼmo ala agiʼamo amiguve. Hao ke heʼnaeʼmo agiʼaleʼmo aliʼna asaga huʼna ategauve.

Samu 84:11

Ala kava netimo yegetiʼe halegutiʼeʼmo maiʼniye. Agaemo ala apakiʼapimo apamiteno alagepa yaʼmo fiku hapa maeno apamigiye. Agaemo api kavaʼmo nehaya vayaʼaifeʼmo alagepa yaʼmo magokeʼageʼmo lapamiguve huno osugifa muki alagepa yaʼamo afaʼa apamigiye.

Samu 91:4

Agaemo hakumo alino atalelineno hakufiʼmo alino fala kino katesigeka alagepa huka hakufiʼmo fala kika maigane. Lama geʼamoʼmo kagae halegukana huno haneʼneno yagaino katesigeka maigane.

Aiyeya 12:2

Afiyo, huʼa, Gotiʼa nagufamo alino katino neʼnateya vekamo maiʼniye. Ala kava neʼmoʼa mago agiʼamo Yamo nagaemo lokiya vaiʼna neʼmauva kavaʼmo nehiyanageʼna agiʼaleʼmo aliʼna asaga hisuva yokemo huguvaʼmofeʼmo nagaemo agaefekeʼmo aliʼna amufa amiʼnaeʼmo koli osuguve. Agaemo nagufamo alino katino neʼnateya vekamo hamaleʼniye.

Aiyeya 45:24

Apakaemo huʼapaeʼmo, Lama gemo nehune, huʼa, Ala kava nepiʼmo maiʼnetaeʼmo fatago kavaʼamo aliteta himamuʼamo aliʼnone. Muki vayaʼmo agaetegamo egae. Agaefeʼmo apaipamo leʼa ateʼnaya vayaʼmo apavagage hugiye.

Aiyeya 61:10

Ala kava nefeʼmo magoʼe huʼna lusi kava huʼna namogaga aiguve. Nagupi mafaʼnemoʼmo Gotiʼnimofeʼmo magoʼe huno amuse huno ategaiye. Na kava hinageʼnaene. Agaemo nagufamo alino katino nateteno fatago kavaʼamo yatala kukenagana huno alino vaino nateʼniye. Agaemo fatago kavaʼmo alagi alagepa yatala kukenagana huno alino nagufaleʼmo ago aino ati kaeno nateʼniye. Aʼmo alisiya vekamoʼmo konalimo neʼaliya kava huʼna maiʼnove. Veleʼmo maisiya a kanomoʼmo alopa moniletiʼmo miya nefaiya sesu konalimo aliteno neʼmaiya agufa kava huʼna maiʼnove.

Efasasi 6:10

Henaga geʼnimo lapa paiʼnaeʼmo, Ala kava nepiʼmo maiʼnetapaeʼmo lapayamufa valetapa himamuʼamo alitetapa lokiya vaita maiyo.

Leveleseni 15:3

Apakaemo Moseseʼa Goti aliʼyaʼamo neʼaliya vekamo yokemo aikeli sipisipimo yokeʼamo huʼnae. Ani yokemo huʼapaeʼmo, Ala kava neʼmo kayamufaʼage Gotigae, huʼa, Magoʼe kavaʼmo nehanageʼapaeʼmo hapau neʼaiye. Apaote vayaʼaiteʼmo yagaika neʼapatana ala kini vekaʼapimogae, huʼa, nehana kavakamo kanale kavaʼageʼmo haneʼnigeka lama ge kavaʼmo nehane.

Leveleseni 5:9

Apakaemo saufa yokemo huʼapaeʼmo, Kamagiʼnageka faliteka Gotitefeʼmo kolakaletiʼmo miya faika lateʼnane. Kagaemo muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi muki alu kotega alu kotegamo maiʼnaya vayanagi huka miya faika hatu maeka lateʼnanaʼmofeʼmo alino kafage ki maleʼniya pepaletiʼmo kamemo afaʼa alika akautaleka alika ata lesana vekamo maiʼnane.