Samu 27:9 - The Keyagana NT and 25 OT books

⁹ Kaugosamo alika fala kiliʼneka kaipamo leka nateteka aliʼyakamo neʼaluva vekamo naha faika oʼnatalo. O Gotiyo, huʼna, naha maeʼnananagi kakameʼyamo namiteka nataleka oʼuvo.

Samu 27:9 ပူးပေါင်းရင်းမြစ်များ

Samu 119:121

Nagaemo alagepa huʼna aliʼna fako huʼna apateteʼna fatago kavaʼmo huʼnove. Kana yaʼmo aliʼa neʼnamiya vayaʼai apayapiʼmo maisuvafeʼmo alagi nataleka oʼuvo.

Samu 13:1

O Ala kava nene, huʼna, hainu afinaʼmo nagaefeʼmo kagesamo afiteka naha maegane. Muki afinaʼmo nagaefeʼmo kage okaniyo. Magoʼe huka alu afinaʼmo oʼnageka alu haopalega aulu hegapiye.

Samu 143:7

O Ala kava nene, huʼna, Geʼnimo afiteka malage huka naha mao. Nauneʼnameʼnimo faligekana huno maiʼniye. Kagaemo nagaefeʼmo fala okiyo, fiku yanageʼna faliteʼa alopa kelifiʼmo uʼa lamiʼnaya vayakana huʼna maiguve.

Samu 24:5

Ala kava neʼmoʼa alino auleno apategaiye. Gotiʼa apakaemo apakufamo alino katino neʼapateya vekamoʼmo fatago kavaʼamo alino apamigiye.

Samu 51:11

Kagaetegatiʼmo alika naha faika oʼnataleka kaote Kaunekameʼmo nagaepatiʼmo oʼaliyo.

Samu 69:17

Hanageke yaʼmo aliʼnovaʼmofeʼmo aliʼyakamo neʼaluva vekamoʼnamo kaugosafiʼmo okagesuvafeʼmo aika ati okao. Malage huka geʼnimo afiyo.

Samu 69:18

Eka nahaopaletiʼmo miya faika hatu maeka nato. Kame vayaʼnimogi apayapatiʼmo hatu maeka nato.

Aiyeya 50:1

Ala kava neʼmoʼa Isaleli vayaʼaifeʼmo ina gemo huno hapa painoʼaeʼmo, Lapakaemo lapakesamo afitapaeʼmo, Nagaemo vayaʼmogimo aʼapimo alagi hapafaiʼa neʼapatalaya agufa kavaʼmo huʼna itatapimoʼmo alagi ha faiʼna ataleʼnove, hutapa lapakesamo neʼafifiye. Ha faiʼna ataleʼnovesinana ha faiʼna ataleʼnova gemo haneʼniya apepamo haneʼniesine. Lapakaemo lapakesamo afitapaeʼmo, Nagaemo vayaʼmogimo mafaʼneʼapimo anonaʼapilefeʼmo kalavusi aliʼyaʼmo alisayafeʼmo maketi nehaya kavaʼmo huʼna lapakaemo lapataleʼna uʼna maketi nehaya kavaʼmo huʼnove, hutapa lapakesamo neʼafifiye. Haʼao, nagaemo mago vekalegamo anonaʼnimo ohaneʼniye. Lapakaitapimo hosu kavaʼmo huʼnayaʼmofeʼmo kame vayatapimogimo kalavusi huʼa lapateteʼa lapavaleliʼa uʼnae. Lapakaemo hosu kavatapilefeʼmo kalavusi aliʼyaʼmo alisayafeʼmo lapakaitapimo maketi nehaya agufa kavaʼmo huʼnae. Lapakaemo hosu kavaʼmo huʼnayaʼmofeʼmo itatapimoʼmo hafaiʼna ataleʼnove.

Aiyeya 59:2

Ala kava neʼmoʼa getapimo oʼafisiyafeʼmo agesaleʼmo alino noʼakaniyaʼmonanafa hosu kavatapimokeʼmo Gotitapimoʼe lapakaeʼeʼmo alino fako huno lapateʼniye. Hosu kavatapimoʼmo augosaleʼmo aino ati kaeʼnigeno getapimo noʼafiye.

Himulu 13:5

Lapaʼye osino. Aliʼnaya yafekeʼmo hutapaeʼmo, alagi haiʼmo aliʼnone, hutapa lapakesamo afitetapa lapaipamoʼmo falu hino. Na kava higetapaene. Agaiʼamo hunoʼaeʼmo, muki afinaʼmo olapataleʼna lapakaeʼeʼmo magokepi lokaeʼna maige maige huʼna maiʼneʼna lapa maegauve, huno huʼniyaʼmofeʼmae.

1 Samiyo 7:12

Inagi Samiyoʼmo mago alopa yafaʼmo alino Misipa taoniʼe Seni koʼmoʼe folagapiʼmo ani yafaʼmo faino atetenoʼaeʼmo mani yafaʼmo agiʼamo Emanisa yafane, huʼna ateʼnove. Ala kava neʼmoʼa laha maeme laha maeme eno manileʼmo laha maeʼniye. Ani yafaʼmo agimo aepaʼamo laha maeʼniya yafane, huno ateʼniye.