Samu 27:5 - The Keyagana NT and 25 OT books

⁵ Hanageke yaʼmo afole aisiya afinaʼmo alino fala kino natege alopa mono noʼafiʼmo alino fala kino natege huteno yatala yafateʼmo nasagauno faino nategaiye.

Samu 27:5 ပူးပေါင်းရင်းမြစ်များ

Samu 10:1

O Ala kava nene, huʼna, na kava higekaeʼmo afagitegamo he tika maiʼnane. Na kava higekaeʼmo hanageke yaʼmo afole neʼaiya afinaʼmo fala kika maiʼnane.

Samu 119:114

Nagaemo kagaepiʼmo fala kiʼna maiʼnogeka kagaemo haleguʼnimo maiʼnane. Gekamo alagi afole aigiye, huʼna huteʼna navayagunagu huʼna maiʼnove.

Samu 138:7

Nagaemo hanageke kavaʼmo hisaya folagapiʼmo maiʼnisuvaʼmonanafa nauneʼnameʼnimo alika he tika ategane. Kagaemo nageteka lokiya kavakaletiʼmo apaipamo neleya kame vayaʼnimo apamagiteka apayapatiʼmo nagufamo alika katika nategane. Lamaga kayatetiʼmo alika katika nategane.

Samu 17:8

Vayaʼmogimo apaulagaleʼmo alagepa huʼa neʼyagaiya kava huka yagaika nato. Kahakumo ulunapiʼmo alika fala kika nato.

Samu 18:33

Agaemo alagepa afela afugana huno alino hamaleno nateʼnigeʼna alagepa huʼna nagu nagu nehuve. Navaleno alino asagauno anaʼaleʼmo nateʼnigeʼna alagepa huʼna maiʼnove.

Samu 31:20

Vayaʼmogimo apakaetegamo hosu kavaʼmo hisayafeʼmo vege nehayaʼmonanafa oʼageʼnaya kahaopalegamo alika fala kika apategane. Hosu gemoʼmo alino afepiʼmo oʼapatesiyafeʼmo alagepa huka yagaika apategane.

Samu 31:21

Ala kava neʼmo aita auletapa ateyo. Kame vayaʼnimogimo faiʼa vego huʼa nateʼnaya afinaʼmo agaemo lusi kava huno nagaefeʼmo hau ayamopafiʼmo hauʼniya kavaʼmo alino naveliʼniye.

Samu 40:2

Agaemo alagi hosu ive kelifatiʼmo nayate alino heno navayu hulineno haineno yafateʼmo nateteno alagepa kateʼmo visuvafeʼmo alino lokiya vaino nateʼniye.

Samu 40:3

Saufa yokemo alino naya maleʼnigeʼna Goti agiʼaleʼmo aliʼna asaga huteʼna ani yokemo nehuve. Asole vayaʼmogimo nageteʼapaeʼmo koli huteʼa Ala kava nefeʼmo aliʼa amufa amiteʼapaeʼmo, laha maegaiye, huʼa hugae.

Samu 46:1

Uta fala kita neʼmauna kotimo Gotiʼmae. Lokiyatimo Gotiʼmae. Hanageke yaʼmo afole neʼaisigenoʼaeʼmo laha maesiyafeʼmo lahaopaleʼmo alo huno maiʼniye.

Samu 50:15

Hanageke yaʼmo alisaya afinaʼmo nagaefekeʼmo ge higeʼnao alagepa huʼna lapa maesugetapa ala nagiʼnimo namigae.

Samu 57:1

O Gotiyo, huʼna, kahau huka nato. Nagupi mafaʼnemoʼa kagaefeʼmo alino amufa nekamiye. Nagaemo kahakumo ulunapiʼmo alagepa huʼna fala kiʼna maime maime neʼvisugenoʼaeʼmo mani hanageke yaʼmoʼmo aeno naga seno nataleno ugiye.

Samu 61:2

Ma mopamo atupaletiʼmo kagaefeʼmo ge huguve. Lusi kana yaʼmo alisugeno aino nati kaesiya afinaʼmo navalelika uka haika yafateʼmo faika nato. Nagaemo afepiʼmo maiʼnovanagi navalelika uka haika anaga haneʼniya yafateʼmo faika nato.

Samu 61:3

Kagaemo fala kiʼna maiʼnova nokana huka maiʼnekaeʼmo alagepa huka yagaika nateʼnane. Kagaemo yatala noʼmo lokiya nokana huka maiʼnanageʼnaeʼmo kame vayaʼnimo apataleʼna uʼna haiʼna alagepa huʼna maiʼnove.

Samu 77:2

Kana yaʼmo nagaeteʼmo afole aiʼniya afinaʼmo Ala kava neʼmo agesuvafeʼmo kahauya huʼnove. Muki haniʼilagamo nunumuʼmo huʼna nayaʼmo aliʼna asagauʼna maime maime uʼna oʼataleʼnove. Nagaemo falu naipamo oʼaliʼnove.

Samu 91:1

Hogote Ala vekaʼapimo fala kino maiʼniyategamo uno haino maiʼniya vekamoʼmo lokiyaʼaʼe vekamo aunefiʼmo fala kino maige maige huno maigiye.

Samu 91:15

Nagaefeʼmo keya aeno ge hisigeʼnaeʼmo afiguve. Hanageke yaʼmo neʼalisigeʼnaeʼmo agaeʼeʼmo magokepi lokaeʼna maiguve. Agufamo aliʼna katiʼna ateteʼna ala agiʼamo amiguve.

Mai'naya kavane 18:10

Ala kava neʼmo agiʼamoʼmo yatala noʼmo kokuʼnapiʼmo uno haiʼniya lokiya nokana huno haneʼniye. Fatago vayaʼmogimo ani nopiʼmo nagu nagu huʼa uʼa haiʼa alagepa huʼa maigae.

Aiyeya 26:16

Ala kava nene, huʼna, Vayakamogimo hanageke yaʼmo aliʼneʼapaeʼmo hapa maesanafeʼmo kagaetegamo uʼnae. Kayoʼmo apamiʼnanageʼapaeʼmo nunumuʼmo huʼnae.

Aiyeya 26:20

Gotiʼa agaemo hapa painoʼaeʼmo, Vayaʼnimogitapae, huno, Notapifiʼmo uta haiʼnetapa kitamo ki maleyo. Aise afinaʼmo fala kitapa maime maime neʼvigenoʼao aipamo leno neʼapateya kavaʼamo hano hugiye.

Aiyeya 32:2

Yasimo neʼaliya afinaʼmo yafa kapiʼmo uʼa fala nekiya yafa kaʼapigana huno mago vekamo maigiye. Agaemo lusi kava huno lokiya yasimo alige ko aige hisigeʼapaeʼmo hapa maesiyafeʼmo uʼa fala kisaya koʼapigana huno maigiye. Agaemo hau huʼniya kotegamo alopa aniʼmo uno nelamiya anikana huno maige alagaʼmo nehapaeya kotega alopa yafaʼmo auneʼagana huno maige hugiye.

Matiyu 23:37

Yulusalemu taoniyo, Yulusalemu taoniyo, huʼna, Gotiʼa agaetegati gemo alini eʼa aeʼa hakalo huʼa hapa nepaiya vayaʼmo alino apateʼnigeʼa neʼagekaeʼmo kamitimo apamagige apa vayaʼmo yafa kayotetiʼmo apamagige nehane. Kokolemogimo apanaʼaumo apavaleliʼeʼa hapakufiʼmo apati kaeʼa neʼmaiya kava huʼna muki afinaʼae afinaʼaeʼmo mafaʼnekamo apavaleliʼneʼna hapau vaisuvafeʼmo nahauʼniyaʼmonanafa okahauʼniye.

Kolosi 3:3

Lapakaemo faliʼnageno afaʼa neʼmaiya yaʼmo alino fala kino ateʼnigeno Kalaisiʼeʼmo magokepi lokaeno Gotipiʼmo nehaneyaʼmofeʼmae.