Samu 25:2 - The Keyagana NT and 25 OT books

² O Gotiʼnimogae, huʼna, aliʼna amufa kamiʼnovaʼmofeʼmo fiku yanageʼa kame vayaʼnimogimo aeʼa nagasesageno navagage hugiyanagi oʼnatalo.

Samu 25:2 ပူးပေါင်းရင်းမြစ်များ

Samu 13:5

Muki afinaʼmo oʼnataleka nagaefeʼmo kahau kayamopafiʼmo kahaugiye, huʼna aliʼna amufa nekamuve. Nagufamo alika katika nateganaʼmofeʼmo naipafiʼmo namogaga aiguve.

Samu 142:6

Alagi afepilagamo maiʼnovanagi kagaefeʼmo naha mao, huʼna keya aeʼna ge huʼnova gemo afiyo. Kame vayaʼnimogi lokiyaʼapimoʼmo lokiyaʼnimo aeno nagaseʼniyaʼmofeʼmo apayapatiʼmo nagufamo alika katika nato.

Samu 18:2

Ala kava neʼmo yafaʼnimo maige avaʼe note lafi kegiʼyaʼnimo maige nagufamo alino katino neʼnateya vekaʼnimo maige huʼniye. Gotiʼnimoʼmo yafakana huno maiʼniyanageʼna aliʼna amufa amiguve. Agaemo haleguʼnimo maige kokuʼnapi uno haiʼniya nokana huno maige huʼneno yagaino nateʼnigeʼna alagepa huʼna maiʼnove.

Samu 22:1

Gotiʼnimogae Gotiʼnimogae, huʼna, na kava higekaeʼmo nataleka uʼnane. Naha mao, huʼna keya aeʼna ge nehuvaʼmonanafa na kava higekaeʼmo natalekuka afagiʼaleʼmo maiʼneka naha noʼmane.

Samu 22:5

Kagaefekeʼmo keya aeʼa ge huʼnagekaeʼmo apakufamo alika katika apateʼnane. Kagaefeʼmo aliʼa amufa kamiʼnagekaeʼmo hapa maeʼnanagenoʼaeʼmo apaipamoʼmo kana osuʼniye.

Samu 22:8

Ala kava neʼmoʼa ha maesiyafeʼmo alino amufa amiʼniyana na kava higenoʼaeʼmo ha noʼmae. Ala kava neʼmoʼa amuse huno neʼatesiyaʼmoʼmo na kava higenoʼaeʼmo ha noʼmae, huʼa nehae.

Samu 31:1

O Ala kava nene, huʼna, Kagaefekeʼmo aliʼna amufa kamiteʼna maiʼnove. Kagaemo nagaemo mago afinaʼmo navagage hisuvafeʼmo oʼnatalo. Kagaemo nehana fatago kavakaletiʼmo hosu kavategatiʼmo navalelika eno.

Samu 31:15

Muki afinaʼmo nagaeteʼmo afole neʼaiya kavaʼmo kaiyafiʼmo haneʼniye. Kame vayaʼnimogi apayapatiʼmo navalelika uvo. Nagaefeʼmo apaini huʼa neʼnataya vayaʼai apayapatiʼmo nagufamo alika katika nato.

Samu 31:2

Kagetafo huka afiteka malage huka hosu kavategatiʼmo navalelika eno. Vayaʼmogimo yafa kapiʼmo alagepa huʼa neʼmaiya kava huʼna alopa yafaʼnimo maiʼnegeʼnao kagaepiʼmo alagepa huʼna maiguve.

Samu 34:8

Ala kava neʼmo kanale vekamo maiʼniye hutapa agesayafeʼmo ageyo. Ala kava nepiʼmo fala kiʼa neʼmaiya vayaʼmo aulena vayaʼmo maiʼnae.

Samu 37:40

Apakaemo Ala kava nefekeʼmo aliʼa amufa neʼamiyaʼmofeʼmo hatu maeno apateteno hosu vayaʼai apayapatiʼmo apavalelineno apakufamo alino katino neʼapate.

Samu 41:11

Kame vayaʼnimogi aeʼa oʼnagaseʼnayaʼmofeʼmo ago ageʼnovana kagaemo amuse huka neʼnatane.

Samu 56:1

O Gotiyo, huʼna, Vayaʼmogimo aliʼa hano huʼa natalesayafeʼmo huʼnayaʼmofeʼmo kahau huka nato. Kame vayaʼnimogimo aliʼa hosu huʼa natesayafeʼmo muki afinaʼmo kame huʼa neʼnatae.

Samu 7:1

O Ala kava neʼmo Gotiʼnimogae, huʼna, kagaemo apaini huʼa neʼnataya vayaʼai apayapatiʼmo nagufamo alika katika nateteka navalelikeka alagepa koteʼmo nato.

Samu 91:2

Nagaemo Ala kava nefeʼmo huʼnaeʼmo, agaepiʼmo fala kiʼna maiʼnogeno faino vego huno yagaino nateʼneno naha maeno nagufamo alino katino nateʼniya vekaʼnimo maiʼniye. Gotiʼnimoʼmo maiʼniyanageʼna aliʼna amufa amiguve.

Aiyeya 26:3

Kagaefeʼmo lole apakesamo oʼafiʼa magoke apakesamo neʼafiya vayaʼmogimo aliʼa amufa nekamiyaʼmofeʼmo apaipamoʼmo falu hisiyafeʼmo yagaika apategane.

Aiyeya 49:23

Kini vayaʼmogiʼe kuvini aʼnemogiʼeʼmo itaʼapi afoʼapimogigana huʼa maiʼneʼa kagae mafaʼne anagaʼaiteʼmo yagaiʼa apategae. Apakaemo kagaetegamo eʼa kaiyafiʼmo mopafiʼmo ape huʼa apaleʼyamo faiʼneʼa ala kagikamo kamigae. Nagaemo hapa maesuvafeʼmo nagava neʼmaiya vayaʼmo afaʼa nagava maige apavagage huge huʼa oʼmaigayaʼmofeʼmo kagaemo nagaefekeʼmo Ala kava neʼmo maiʼniye, huka nagegane.

Lomu 10:11

Ani kavatefeʼmo Goti mukufiʼmo avoʼmo kae maleʼniya gemoʼa hunoʼaeʼmo, Ina lagimo agaefeʼmo apakesamo afiʼa fatago nehisafigeʼa apavagage osuge hapai oʼvaige hugae, huno avoʼmo kae maleʼniye.

Lomu 5:5

Gotiʼa aote Aunemeʼamo lamiʼnigeno Aunemeʼamoʼmo Gotiʼa lagaefeʼmo hau ayamopafiʼmo hauʼniya kavaʼamo laipafiʼmo ago alino laki maleʼniye. Lakiʼnigeta ageʼnonaʼmofeʼmo lavayagunagu huta agava neʼmauna kavatefeʼmo laipamoʼmo kana hisigeno hosu laipamo okaligiye.

1 Pita 2:6

Goti mukufi gemoʼmo ani kavatefeʼmo hunoʼaeʼmo, Afiyo, huno, Nagaemo yafaʼmo lekana paiʼna ateteʼna noʼmo kisuva yafaʼmo alopa monileʼyaʼmo aeno agaseʼniya yafaʼmo Saiyoni kotegamo maleʼnove. Muki vayaʼmogimo agaefeʼmo apakesamo afiʼa fatago hisayana alagi hapai oʼvaigae, huno hu maleʼniye.