Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Samu 25:12 - The Keyagana NT and 25 OT books

12 Ala kava nefekeʼmo koli nehaya vayaʼmo ina lagimo maiʼnae. Ala kava neʼmoʼa afaʼa alino apaya malesigeʼa alagepa kateʼmo ugae.

အခန်းကိုကြည့်ပါ။ ကော်ပီ




Samu 25:12
24 ပူးပေါင်းရင်းမြစ်များ  

Ala kava neʼmo Aisakitegamo afole aiteno, Kagaemo Isipi kotegamo uka olamiyo. Nagaemo kaha paisuva haopalegageʼmo maiyo.


Ala kava nefeʼmo koli nehisaya vayaʼmogi aepa nefaiyanageʼa afiteʼa agegae. Agiʼaleʼmo aliʼa asaga huʼa neʼataya kavaʼmo hanege hanege huno hanegaiye.


Gotiʼa hunoʼaeʼmo, nagaemo visana kaʼmo alagepa huʼna aliʼna kaya maleteʼnaeʼmo kave liguve, huno huʼniye. Naulagaletiʼmo visana kaʼmo kave liguve.


Ala kava neʼmoʼa alagepa vayaʼmogi hisaya kavaʼmo aepa vekamo maiʼnenoʼaeʼmo ani kavaʼmo ago hu maleʼniye. Ani kava huno nehaya kavaʼapimo agetenoʼaeʼmo amuse huno neʼapate.


Kagaemo muki geʼamo agaefeʼmo afaʼa ha paisanageno hugiye. Nagaemo lanakae lanavayaleʼmo maiʼneʼna lahana maeʼnisugetana lanakaemo lanavayafatiʼmo alagepa gemo hugaʼae. Nagaemo hisaʼa kavaʼmo aliʼna lanaya malegauve.


Inagi Ala kava nefeʼmo koli nehaya kavaʼmoʼa afiteʼa agesaya kavaʼmo aepa nefaiya kavaʼmo haneʼniyaʼmonanafa negi vayaʼmogimo afiteʼa ageʼnaya gelefeʼmo apakameʼyamo amiteʼa aliʼa apaya neʼmalaya gemo noʼafiye.


Ala kava nefeʼmo koli nehaya kavaʼmoʼa afiʼa aeto hisaya kavaʼmo alino apaya neʼmale. Apakiʼapileʼmo aliʼa afepi neʼataya kavatetiʼmo akamelegaʼamo ala apakiʼapimo aligae.


Ala kava neʼmoʼa hau ayamopafiʼmo nehaiya kavatetiʼe lama geʼaletiʼeʼmo vayaʼai hosu kavaʼapimo alino neʼatale. Ani kava huʼa vayaʼmogi Ala kava nefeʼmo koli nehaya kavatetiʼmo hosu kavaʼapimo neʼatalae.


Ani agufa kavaʼmo nehisanana Ala kava nefeʼmo koli nehaya kavaʼmo aepaʼamo agegane. Kagaemo Gotiʼmo alagepa huka agegane.


Geʼnimo afisanana fatago kavaʼmo agege alagepa huka alika fako huge huka maigane. Fatago kavaʼmo hisana kaʼe muki alagepa kavaʼmo hisana kaʼeʼmo agegane.


Ani haopalegamo mago alopa kaʼmo aote kaʼmo hanegaiye. Vayaʼmogimo ani kafeʼmo agi aeʼapaeʼmo, apaote vayaʼmogi kane, huʼa agi aegae. Hosu kavaʼapimo aeʼa kalo opaeʼnaya vayaʼmo ani kateʼmo oʼugayaʼmonanafa alu vayaʼmogimo ani kateʼmo afaʼa ugae. Ani kateʼmo neʼvaya vayaʼmo negi vayaʼmo maiʼnisayana kafeʼmo ika huteʼapaeʼmo ataleʼa alu kateʼmo oʼugae.


Lapakaepatiʼmo ina laʼmo Ala kava nefeʼmo koli nehiye. Ina laʼmo aliʼyaʼamo neʼaliya vekamo geʼamo neʼafiye. Ina laʼmo lusi hani huʼniya yapiʼmo umenitata nehiye. Agaemo Ala kava neʼmo agiʼalefeʼmo alino amufa aminoʼaeʼmo naha maegaiye, huno ge hugiye.


Ina lagimo Gotiʼa hauʼniya kavaʼmo hisayafeʼmo hapauʼnisifigeʼna aliʼna apaya neʼmalova geeʼmo huʼapaeʼmo Gotitegatiʼmo eʼnifi agaiʼa aipafatiʼmo nehifi huʼa afaʼa afigae.


Agaemo mono huno maiʼnigeʼa agaeʼe konaga vayaʼaʼeʼmo Gotifeʼmo koli huteʼa mono huʼa maiʼnae. Agaemo Yu vayaʼmo monimo apamige hapa maege huno maiʼnenoʼaeʼmo muki afinaʼmo Gotifeʼmo nunumuʼmo huno maiʼniye.


Ami ati vayaʼaiteʼmo yagaino neʼapateya vekamo agiʼamo Koniliyasiʼa kagaetegamo alino lateʼnigeta neʼone. Agaemo kanale vekamo Gotifeʼmo mono nehiya vekamo maiʼniye. Muki Yu vayaʼmogimo huʼapaeʼmo, kanale vekae, huʼa nehaya vekamo maiʼnigeno Goti enisole vekaʼamoʼmo agaefeʼmo hunoʼaeʼmo, Pitafeʼmo ge hugenoʼao eno kaha paisigeka geʼamo afigane, huno ha paiʼniye, huʼa ha paiʼnagenoʼaeʼmo,


Eno mago gemo lapa paisigetapa kagaeʼe muki konaga vayakaʼeʼmo ani gemo afisageno Gotiʼa geʼaletiʼmo lapakufamo alino katino lapategaiye, huno naha paiʼniye, huno naha paiʼniye.


Konagaʼnimogitapae, huno, Emalehamu aginago vayaʼe alu nofi vayaʼmogitapa Gotifeʼmo mono nehaya vayaʼmogitapaʼeʼmo afiyo. Gotiʼa ani alagepa geʼamo vayaʼai apakufamo alino katino apatesiya gemo ago alino ateʼnigeno lapakaetegamo eʼniye.


Lapakaemo ani koteʼmo oʼmeʼnayanagetapa oʼageʼnayaʼmofeʼmo visaya kaʼmo agesayafeʼmo apakame hutapa viyo. Apakame hugayaʼmonanafa kotalake kesimo haopaʼaleʼmo oʼviyo. Haʼao, vani tauseni mita agufa afafaʼmo akamelegamo viyo, huʼa hapa paiʼnae.


Humi lapatesayafeʼmo nehayaʼmonanafa Kalaisiʼa uvelimo lakino lapategekana huno Goti Aote Aunemeʼamo lapamiʼnigeno alagi maisiyafeʼmo lapaipafiʼmo maiʼniyaʼmofeʼmo mago vayaʼmogi aliʼa lapaya malesaya gemo ohaneʼniye. Goti Aunemeʼamoʼmo muki geʼamo ago alino lapaya maleʼniyaʼmofeʼmae. Ani gemo mago aigofe gemo ohaneʼnifa alagi lama gemo haneʼniye. Agaemo, Kalaisipiʼmo alagi maiyo, huno huteno alino lapaya maleʼniyanagetapa Kalaisipiʼmo alagi maigae.


Afiyo, huno, Mago Goti vekaʼamo mani taonifiʼmo maiʼniye. Vayaʼmogimo ala agiʼamo amiʼnageno muki nehiya gemoʼa alagikeʼmo afole neʼaiye. Laʼagaemo utaʼa agetetaʼae. Agaemo haiya kateʼmo akame hutaʼa visuʼafigeno laʼahapaigiye, huno ha paiʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ