Samu 24:7 - The Keyagana NT and 25 OT books

⁷ Yafa lafi kegiʼya kate kitamo yakitapa ateyo. Hanege hanege huno nehaneya mono note kitamo yakitapa ateyo. Yakitapa atesagenoʼaeʼmo ha le konali kini vekamo eno haineno.

Samu 24:7 ပူးပေါင်းရင်းမြစ်များ

Samu 21:1

O Ala kava nene, huʼna, Kini vekamoʼmo lokiyakalefeʼmo amogaga aigiye. Agaemo agufamo alika katika ateʼnana kavafeʼmo lusi kava huno amogaga aigiye.

Samu 21:5

Kagaemo agufamo alika katika ateʼnana kavatetiʼmo agaemo ha le konali yaʼmo aliʼniye. Kagaemo ala agiʼagi lokiyaʼagi huka amiʼnane.

Samu 97:6

Kokuʼnate yaʼmogi fatago kavaʼamo aliʼa lave neliye. Muki ma mopafi vayaʼmogimo ha le konali yaʼamo neʼagae.

Aiyeya 26:2

Taonile yafa kegiʼyaleʼmo alopa kitamo yakitapa apategeʼapao fatago nofi vayaʼmogi lama gemo akame nehaya vayaʼmo eʼa haiyo.

Aiyeya 62:10

Aiyeyaʼa Goti geʼamo hapa painoʼaeʼmo, Kegiʼyamo kipatetiʼmo uta lamiyo, uta lamiyo. Vayaʼmo taonifi eʼa haisaya kaʼmo kafiyo. Kaʼmo valita apateyo. Kapiʼmo haneʼniya yafaʼmo alita ataleyo. Lapakaemo kalahuʼmeʼmo alita asai malegeʼapao vayaʼmo eʼa aliʼa anupa huʼa maiyo.

Maika 4:8

Yulusalemu taoniyo, huʼna, Kagaemo sipisipi anagakaleʼmo yagaisanafeʼmo Saiyoni aʼmafaʼnemo kokunapiʼmo uno haiʼniya noʼmo yatala nokana huka maige sipisipi anagakamo alagepa huʼa maisaya lokiya nokana huka maige huʼnane. Hogoteka muki vayaʼaiteʼmo yagaika apateʼnana kava huka halate Yulusalemu aʼmafaʼneleʼmo yagaika apategane.

Hagai 2:9

Mani henaga mono noʼmo ha le konali yaʼamoʼmo hogote mono noʼmo ha le konali yaʼamo ago aeno aga segaiye. Mani haopalegamo kame nehaya kavaʼmo aliʼna hano huʼna ataleteʼna nagaeʼeʼmo aliʼna nanu aeʼna apategauve, huʼna Gotiʼnamo asole vayaʼaiteʼmo neʼyagauva vekamoʼnamo mani gemo hu maleʼnove, huno hapa paiʼniye.

Malakai 3:1

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Afiyo, huno, nagaemo apa vekaʼnimo aliʼna atesugeno uno hogoteteno kaʼmo valino nategaiye. Ala kava neʼmo kahauya hutapa agesayafeʼmo lapauʼniya vekamo malage huno alopa mono noʼaleʼmo egaiye. Kotalakemo hu maleʼniya gelefeʼmo apa vekaʼamo egaiye. Afiyo, huno, egaiye.

Maki 16:19

Ala kava neʼmoʼa ani ge huno hapa paitegenoʼaeʼmo Gotiʼa kokuʼnapiʼmo avalelinuno haino ateʼnigeno lamaga haopaleʼmo fai maiʼniye.

1 Kolitiyani 2:8

Muki ma mopafiʼmo maiʼneʼa yagaiʼa neʼapataya vayaʼmogimo ani afiteno ageʼniya geʼamo alagi oʼafiʼnae. Afiʼnaesinana ha le konali Ala kava neʼmo malipu yosaleʼmo nili aiteʼa aliʼa he tiʼa oʼateʼnaesine.

Yemisi 2:1

Konagaʼnimogitapae, huʼna, lapakaemo Ala kava netimo Yesu Kalaisiʼa ha le konali agi vekaeʼmo lapakesamo afita fatago nehutapaeʼmo ala apaki vayaʼaitegaʼe aise apaki vayaʼaitegaʼeʼmo magoke aiyaya kavaʼmo hiyo.

1 Pita 3:22

Kalaisiʼa he tino kokuʼnapiʼmo uno haino Goti lamaga haopaleʼmo maiʼneno muki vayaʼaiteʼmo yagaino neʼapate. Gotiʼa enisole vayanagi yagaiʼa neʼapataya vayanagi lokiya apauneʼapameʼe vayanagi huno alino Kalaisi aiyafiʼmo apateʼnigeno yagaino neʼapate.

2 Pita 3:18

Ani kavaʼmo osutapa Ala kava netimo lagufamo alino katino nelateya vekatimo Yesu Kalaisiʼa fikumo lapa maeno lapamiʼniya kavafekeʼmo magoʼe hutapa lapakesamo afita fatago hutetapa Kalaisifeʼmo magoʼe hutapa lapakesamo afitetapa ageta aeto hutetapaeʼmo kosita alopa vayaʼmo maiyo. Ha le konali yaʼamo hemenimo haneʼniyanageno muki afinaʼaeʼmo hanege hanege huno haneno. He, lama ge.

Leveleseni 4:11

Maleteʼapaeʼmo, Ala kava nene, huʼa, Muki yaʼe vayaʼeʼmo alo huʼnane. Kahauʼnigeka alo huteka afaʼa maisaya yaʼmo apamiʼnanageʼa hanege maige huʼnae. Kagaemo ha le konali yakamo alige ala kagikamo alige kayamufakamo alige hisana vekamo maiʼnane, huʼa huʼnae.