Samu 24:4 - The Keyagana NT and 25 OT books

⁴ Apayateʼmo oʼaniʼyaʼmo ofaiʼnisiya yaveyave apaipa vayaʼmogimae. Afa yatefeʼmo mono osuge apagoʼyamo ataleteʼa aigofe gemo osuge nehisaya vayaʼmogimae.

Samu 24:4 ပူးပေါင်းရင်းမြစ်များ

Aepa Gemae 6:5

Ani afinaʼmo Ala kava neʼmoʼa ma mopafi ve aʼnemogi hosu kavaʼapimo ageyana alagi alopa hosu kavaʼmo haneʼnigeno ageʼniye. Muki vayaʼmogimo muki apaipa apakesamo neʼafiya yaʼapifiʼmo hosu kavaʼageʼmo muki afinaʼae afinaʼaeʼmo hanelino hanelino usiya agufa kava huʼnigeno ageʼniye.

Samu 143:8

Kagaefeʼmo aliʼna amufa nekamuvaʼmofeʼmo netepiʼmo nagaefeʼmo kahau kayaʼmopafiʼmo kahauge kahauge huno neʼmaiya kavafeʼmo nagesamo afisuva kavaʼmo huvo. Nunumuʼmo huʼnaeʼmo nagupi mafaʼnemo kagaetefeʼmo aliʼna asaga nehuvaʼmofeʼmo visuva kaʼmo alika nave liyo.

Samu 15:4

Gotiʼa ohauʼniya vayaʼaifeʼmo, laulagaleʼmo ina agufa vayaʼmo maiʼnae, huʼa huge Gotifeʼmo koli nehaya vayaʼai apakiʼapileʼmo aliʼa asaga huʼa apatege Goti agiʼalefeʼmo ani kavaʼmo hugune, huʼa hapa nepaiya gemo akame hisayafeʼmo kana huʼnisiyana afaʼa akame huge

Samu 18:20

Ala kava neʼmoʼa fatago kavaʼnilefeʼmo naha maeʼniye. Nayateʼmo oʼaniʼya ofaiʼniyaʼmofeʼmo anonaʼnilefeʼmo namiʼniye.

Samu 25:1

O Ala kava nene, huʼna, kagaefekeʼmo nunumuʼmo nehuʼnaeʼmo nagupi mafaʼnemo aliʼna asaga nehuve.

Samu 26:6

Nagaemo hosu kavaʼmo nosuvaʼmofeʼmo aliʼna apave lisuvafeʼmo nayatalaʼmo sese huguve. O Ala kava nene, huʼna, Vayakaʼeʼmo mono nokafiʼmo mono huguve.

Samu 51:10

O Gotiyo, huʼna, yaveyave naipamo alo huka nateteka gekamo afisuvafeʼmo nauneʼnameʼmo alika saufa nauneʼnameʼmo hamaleka ato.

Samu 51:12

Hogoteka nagufamo ago alika katika nateʼnanageʼnaeʼmo namogaga aiʼnovanagi halate namogaga aisuva kavaʼmo alika namiyo. Hatu maeno natesiya Kaunekametetiʼmo natafauka maiyo.

Samu 73:1

Ina ge huʼa alagi lama gemo huʼnae. Gotiʼa Isaleli vayaʼmo yaveyave apaipa vayaʼalegamo alagepa kavaʼmo huno hapa neʼmae. Yaveyave apaipa vayaʼalegamo alagepa kavaʼmo nehiye.

Mai'naya kavane 20:9

Ina laʼmo hunoʼaeʼmo, nagaemo naipafatiʼmo hosu kavaʼnimo aeʼna kalo paeʼna ataleʼnogeno naipafiʼmo hosu kavaʼnimo ohaneʼnigeno yaveyave naipamo haneʼniye, huno afaʼa hugiye.

Malakai 3:5

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, nagaemo emineʼna lapaopaleʼmo maiʼneʼna aliʼna fako huʼna lapategauve. Nagaemo hosu apaune vayaʼaifenagi kumai kavaʼmo nehaya vayaʼaifenagi, agoti huʼa apateʼapaeʼmo aigofe gemo nehaya vayaʼaifenagi aliʼyaʼmo afoʼamogimo aliʼyaʼapimo neʼaliya vayaʼmogi monimo lagauʼa neʼaliya vayaʼaifenagi kogu aʼne anagaʼmo humi apateteʼa moniʼapimo kumayaʼmo neʼaliya vayaʼaifenagi megusa mafaʼne anagaʼaitegamo hosu kavaʼmo nehaya vayaʼaifenagi alu kotegatiʼmo eʼnaya vayaʼmo aliʼa falu fala huʼa noʼapataya vayaʼaifenagi huʼna muki nehaya kavaʼapieʼmo agotileʼmo faigoko gemo huguve. Nagaefeʼmo koli huteʼa naiyafi oʼmaiʼnayaʼmofeʼmae, huno hapa paiʼniye.

Matiyu 5:8

Yaveyave apaipa vayaʼmogi Gotiʼmo afaʼa agegayaʼmofeʼmo Goti aulena vayaʼmo maiʼnae.

Apa 14:15

Alopa gefatiʼmo huʼanaeʼmo, Na kava higetapa ani agufa kavaʼmo hugefe nehae. Laʼagaemo lapakaekana hutaʼa vayalafatalaʼmo maiʼnoʼae. Laʼagaemo lapa paitaʼaeʼmo, Ani agufa kavaʼmo ina agufa kavaʼmo haneʼniyanageno lapa oʼmaegaiyanagi ataletapa Gotiʼa afaʼa maiʼniya vekamoʼmo kokuʼnanagi ma mopagi solovala aninagi muki ma mopafiʼmo haneʼniya yanagi kokuʼnate haneʼniya yanagi huno alo huʼniya Gotitegamo viyo, hutaʼa lapa paitetaʼa alagepa faigoko gemo aetaʼa hakalo hutaʼa lapa nepauʼae.

Apa 15:9

Gotiʼa lagaetegamo mago alu kavaʼmo huge alu nofi vayaʼaitegamo mago alu kavaʼmo huge nosifa magoke aiyaya kavakeʼmo nehunoʼaeʼmo apakesamo afiʼa fatago nehaya kavatetikeʼmo apaipafatiʼmo aeno kalo paeno ataleʼniye.

2 Kolitiyani 7:1

Nahau nayamopafiʼmo nahauʼniya vayaʼnimogitapae, huʼna, Gotiʼa ani kavaʼmo huguve, huno hu maleʼniya gemo ago afiʼnonaʼmofeʼmo lagaitimo muki hosu kavatimo lagufaleʼe laipa lagesafiʼeʼmo oʼaniʼya faiʼniya yakana huno haneʼniya kavaʼmo aeta kalo paeta atalegetao. Gotifeʼmo koli nehutaeʼmo aote kavaʼmo agetetaeʼmo alagi hume hume utah haita hapaigetao.

1 Timoti 1:10

Kumai kavaʼmo nehaya vayaʼaitefenagi vemogi ve apafalugi neʼaliya vayaʼaitefenagi vayaʼmo kumayaʼmo neʼapavalaya vayaʼaitefenagi aigofe gemo nehaya vayaʼaitefenagi apagoʼyamo ataleteʼa aigofe gemo nehaya vayaʼaitefenagi huno hu maleʼniye. Inagi mani hosu kavatefenagi muki alu hosu kava alu hosu kavatefenagi huno hu maleʼniye. Kaitaʼmo haugekana gemo ohaneʼneno vayaʼmo alino hapageno neʼapateya geʼamo ago amagiʼa neʼatalaya kavateʼefeʼmo hu maleʼniye.

1 Timoti 2:8

Nahauʼniyanageʼa muki ve anagaʼmogimo lole apakesamo oʼafiʼneʼa apaote kavaʼmo huʼa apaipamo neleya kavaʼmo ataleʼa alagepa huʼa maiʼneʼa muki haopalegamo maiʼneʼapaeʼmo nunumuʼmo hugae.

Yemisi 4:8

Goti haopaleʼmo vigenoʼao lapakae lapaopaleʼmo eno. Hosu kavaʼmo nehaya vayaʼmogitapae, huʼna, lapayaʼmo sese hiyo. Lole lapakesamo neʼafiya vayanagi lapaipafatiʼmo oʼaniʼyamo aeta kalo paetapa ataleyo.

Leveleseni 21:27

Oʼaniʼya faiʼnisiya yaʼmo ani taonifiʼmo ohanegaiye. Apavagage hisiya kavaʼmo nehaya vayaʼmofi aigofe gemo nehaya vayaʼmofi huʼa uʼa ohaigayaʼmonanafa afaʼa maisaya yaʼmo aliʼnisaya vayaʼai apakiʼapimo mukufiʼmo avoʼmo kae maleʼniya vayaʼageʼmo uʼa haigae.