Samu 24:1 - The Keyagana NT and 25 OT books

¹ Ma mopamo Ala kava neʼmo mopamae. Muki ma mopafiʼmo haneʼniya yaʼmo agaiʼa yaʼageʼmo haneʼniye. Ma mopaʼe ma mopafi vayaʼeʼmo agaiʼa mopamo hanege agaiʼa vayaʼmo maige huʼnae.

Samu 24:1 ပူးပေါင်းရင်းမြစ်များ

Samu 50:10

Haʼao, muki yahaofilaga maiʼnaya afu anagaʼmo nagaiʼni afumo maige tauseniʼa aveleʼmo maiʼnaya pulumaka anagaʼmo nagaiʼni pulumakamo maige huʼnayaʼmofeʼmae.

Samu 50:12

Ma mopaʼe muki ma mopafi vayaʼe yaʼeʼmo nagaiʼni vayaʼmo maige yaʼmo hanege huʼniyaʼmofeʼmo naga tesigeʼnaeʼmo lapa opaiguve.

Samu 89:11

Kokuʼnaʼe ma mopaʼeʼmo kagaika yaʼmo haneʼniye. Ma mopaʼe muki ma mopafiʼmo maiʼnaya vayaʼe yaʼeʼmo alo huʼnane.

Samu 89:12

Aluga aluga haopalegaʼeʼmo alo huʼnane. Alopa avemo Tamo aveʼmoʼe alopa Hemoni avemoʼeʼmo kagikalefeʼmo anamogaga neʼaiʼae.

Samu 98:7

Solovalaʼmogaʼe solovalapiʼmo maiʼnaya noyame anagaʼmogiʼeʼmo alopa gefatiʼmo keya aeyo. Mopamogaʼe mopafiʼmo maiʼnaya vayaʼmogiʼeʼmo yokemo hiyo.

Hatu maeno apate'niya gemae 19:5

Inagi lapakaemo kotalakeʼnimo atafautapa alagi huʼnetapa geʼnimo akame hisayana muki vayapatiʼmo nagaiʼnilefeʼmo lekana paiʼna lapateʼnova vayaʼnimo maigae. Muki ma mopafi haneʼniya yaʼmo nagaiʼni yaʼageʼmo haneʼniyaʼmofeʼmae.

Hatu maeno apate'niya gemae 9:29

Moseseʼa ha painoʼaeʼmo, Nagaemo mani taonifatiʼmo ataleʼna malagamo uʼna lamiʼnaeʼmo nayaʼmo aliʼna asagauliʼneʼna Ala kava nefeʼmo nunumuʼmo hisugeno kokuʼnapatiʼmo magoʼe huno hakalu osuge koʼmopamo emi noʼmege hisigekaeʼmo mani mopamo Ala kava neʼmo mopamae, huka kagesamo afigane.

Neniyo 4:25

Vayaʼmogi apakaetegatiʼmo aliʼa kaha faiʼa katalesageka afela afuʼeʼmo kahaufilagamo maigane. Pulumaka anagaʼmogi kahaumo neʼnaya kava huka kahaumo negane. Lao yaʼmo emineno kagufaleʼmo alino lanitani hugiye. Inagi seveniʼa kafugamo utesigekaeʼmo agesanana aeno apaka seno alagi anaga Gotiʼa kini vayaʼaiteʼmo yagaino neʼapate. Agaemo ina lafeʼmo yagaigiye, huno huʼnisifi afaʼa lekana paino atesigeno yagaigiye.

Maika 4:13

Ala kava neʼmoʼa Yulusalemu vayaʼaifeʼmo ina gemo huno hapa paigiye. Saiyoni a mafaʼneo, huno, he tika uka kaiyaletiʼmo aeka lata paiyo. Nagaemo lapakaemo mago ve pulumakamoʼa aeni lokiyaʼagi aeni aiyagi huno maiʼniya agufa ve pulumakagana huʼna lokiya vaiʼna lapategauvaʼmofeʼmo lapakaemo muki asole nofi vayaʼmo aeta lata paigae. Kame vayatapimogimo muki yaʼmo kamefatiʼmo aliʼnaya yaʼmo lapakaemo alitetapa malesaya yaʼmo namigae. Nagaemo muki ma mopafi vayaʼai Ala kava neʼapimoʼnae.

Neyomi 1:5

Ala kava neʼmoʼa emineʼnigenoʼaeʼmo imimaʼmo aliʼnigeno muki alopa avemoʼmo kanage kanage huge muki aise avefatiʼmo hamaiʼmo alige nehiye. Eno avaʼyi hisiya afinaʼmo ma mopamo leno sagaligiye. He, Agaemo mopaʼe ma mopafi vayaʼeʼmo leno pasagaligiye.

1 Kolitiyani 10:26

Ma mopaʼe muki ma mopafiʼmo haneʼniya yaʼeʼmo Ala kava neʼmo yaʼageʼmo haneʼniye.