Samu 23:5 - The Keyagana NT and 25 OT books

⁵ Kagaemo kame vayaʼnimogi apaulagaleʼmo neʼyaʼnimo nesuvafeʼmo naulagaleʼmo hiʼyalamuteʼmo neʼmalane. Kagaemo nagenopafiʼmo uvelimo lakika neʼnatane. Aniʼmo kapuʼnifiʼmo lakiʼnanageno lamino havai teteno aino vali nelamiye.

Samu 23:5 ပူးပေါင်းရင်းမြစ်များ

Samu 104:15

Ani agufa kavaʼmo nehanaʼmofeʼmo lagaemo nofi alagamo faiʼnonageno aeʼnigeta aniʼmo huta neʼnonageno laipamoʼmo amogaga neʼaiye. Lagaemo olivi yosafatiʼmo uvelimo alita laugosafiʼmo faleʼnonageno laugosafatiʼmo fayu fayu nehiye. Lagaemo vitimo faiteta peleti mayamo kaeta neʼnonageno lagufamo lokiya neʼvaiye.

Samu 116:13

Nagaemo lagufamo alino katino lateʼniya kavafeʼmo nagesamo afiteʼna kapufati aniʼmo neteʼna Ala kava nefekeʼmo keya aeʼna ge huguve.

Samu 16:5

Ala kava neʼmo hetamaʼnimo maiʼneno aniʼmo kapufatiʼmo neʼnova anikana huno maiʼniye. Hetamaʼnileʼmo alagepa huka yagaika neʼnatane.

Samu 22:26

Ala apakiʼapimo oʼaliʼa yagu yaga huʼa neʼmaiya vayaʼmogi neʼyaʼmo neʼa apamu hugae. Agaefeʼmo kahauya huʼa agesayafeʼmo neʼaya vayaʼmogi Ala kava neʼmo agiʼaleʼmo aliʼa asaga hugae. Muki afinaʼmo yuʼilaga vekatapimo alagepa huno maigiye.

Samu 22:29

Ma mopafiʼmo alagepa huʼa neʼmaiya vayaʼmogimo neʼyaʼmo neteʼa agaefeʼmo mono hugae. Muki vayaʼmogimo apakaiʼapimo afaʼa hapa oʼmaeʼa faligefeʼmo huʼnisaya vayaʼmogi apaleʼyamo faiteʼa ape huʼa maigae.

Samu 45:7

Kagaemo alagepa kavafeʼmo lusi kava huno kahauʼnigeno hosu kavafeʼmo kaini huʼnane. Ani kavaʼmo nehanaʼmofeʼmo Gotiʼa Gotikamoʼmo uvelimo lakino katetenoʼaeʼmo lekana paino kateʼniyanageka alagepa huka kamogaga aika maisanafeʼmo magoʼe huno kamiʼnigeka kafalukamogimo aeka apakaseka alagepa huka maiʼnane, huno ha paiʼniye.

Samu 78:19

Apakaemo Gotifeʼmo huʼa faipa huʼa ateteʼapaeʼmo, Gotiʼa kaʼme koteʼmo alopa neʼyaʼmo afaʼa lamigifiye, huʼa huʼnae.

Samu 92:10

Ani kavaʼmo huʼa maigayaʼmonanafa kagaemo afela ve pulumakamo lokiyagana agufa lokiyaʼmo namiʼnane. Saufa uveliletiʼmo faleʼa apateʼnaya vayaʼmogi alagepa huʼa maiʼnaya kava huʼna maiʼneʼna namogaga neʼauve.

Samu 92:11

Naulagaleʼmo kame vayaʼnimo asagauʼa aiʼnageʼna apakeʼnove. Hosu vayaʼmogimo kagekage huʼnageʼna afiʼnove.

Aiyeya 25:6

Muki vayaʼaiteʼmo yagaino neʼapateya Ala kava neʼmoʼa muki vayaʼmogi ani aveleʼmo nesaya neʼyaʼmo hogote neʼyanagi hogote nofi alagafati aninagi alagepa ameʼagi huno yagita huʼniye.

Matiyu 6:17

Neʼyaʼmo mosita maiʼnetapaeʼmo uvelimo lapakenopafiʼmo faletetapaeʼmo lapaugosafiʼeʼmo faleyo.

Luki 7:46

Afa uvelimo nagenopafiʼmo lakika oʼnateʼnanaʼmonanafa mani a kanomoʼmo naiyaleʼmo alagepa atumo neʼaiya uveliletiʼmo faleno nateʼniye.

Yoni 16:22

Ani kava hutapa hemenimo yulagefa neʼaiyaʼmonanafa halate eʼna lapakesugetapaeʼmo lapaipafiʼmo lapamogaga aigae. Mago vekamoʼmo ani lapamogaga aisaya kavatapimo afaʼa alino oʼatalegaiye.

1 Kolitiyani 10:16

Lagaemo Ala kava neʼmo neʼyaʼmo nesunafeʼmo aote kapumo aliʼneta Gotifeʼmo hao ke heta nunumuʼmo nehune. Mani kapufi aniʼmo Kalaisi kolaʼamo netetaeʼmo afalu afalugana huta neʼnone. Ani kavaʼmo huta peleti mayamo akaya heta netaeʼmo Kalaisi agufaʼamo neʼnone.

2 Kolitiyani 1:21

Gotiʼa agaiʼa aliʼyaʼamo alisunafeʼmo lavaleno latesiyafeʼmo uvelimo lakino lategekana huno Aunemeʼaletiʼmo lakino lateʼniye. Alagena yaʼamo laipafiʼmo hu maleʼnenoʼaeʼmo, vayaʼnimo maiʼnae, huno huʼniye. Lamisiya yapatiʼmo Aunemeʼamo hogoteno ago laipafiʼmo lamiʼniyaʼmofeʼmo ago afiʼnonana muki alagepa yaʼamo lamigiye. Gotiʼa lamiteno lokiya vaino nelategetaeʼmo lagaeʼe lapakaeʼeʼmo Kalaisipiʼmo lokiya vaita maiʼnone.

Efasasi 3:20

Lagaemo agaefeʼmo ge hutaeʼmo, ani kavaʼmo huvo, huta afi nekona kavaʼmo agaemo afaʼa hugiye, huta lagesamo neʼafuna kavaʼeʼmo afaʼa hugiye. Afaʼa magoʼe huno ge huta afi nokona kavaʼe lagesamo noʼafuna kavaʼeʼmo laipafiʼmo aliʼyaʼmo neʼaliya himamuʼaletiʼmo magoʼe huno afaʼa hugiye.

1 Yoni 2:20

Apakaemo ataleʼa uʼnayaʼmonanafa lapakaeteʼmo aote vekamo Kalaisiʼa uvelimo lakino lapategekana huno Goti Aunemeʼamo lapamiʼnigetapa muki geʼamo afiʼnae.

1 Yoni 2:27

Humi lapatesayafeʼmo nehayaʼmonanafa Kalaisiʼa uvelimo lakino lapategekana huno Goti Aote Aunemeʼamo lapamiʼnigeno alagi maisiyafeʼmo lapaipafiʼmo maiʼniyaʼmofeʼmo mago vayaʼmogi aliʼa lapaya malesaya gemo ohaneʼniye. Goti Aunemeʼamoʼmo muki geʼamo ago alino lapaya maleʼniyaʼmofeʼmae. Ani gemo mago aigofe gemo ohaneʼnifa alagi lama gemo haneʼniye. Agaemo, Kalaisipiʼmo alagi maiyo, huno huteno alino lapaya maleʼniyanagetapa Kalaisipiʼmo alagi maigae.