Samu 22:3 - The Keyagana NT and 25 OT books

³ Kagaefeʼmo ge huʼnovaʼmonanafa kaote vekamo maiʼnane. Kaote vekamo maiʼnanageʼapaeʼmo Isaleli vayaʼmogimo kagikaleʼmo aliʼa asaga huʼa nekatae.

Samu 22:3 ပူးပေါင်းရင်းမြစ်များ

Samu 145:17

Ala kava neʼmoʼa muki afinaʼmo ani kavaʼmo nehunoʼaeʼmo fatago kavaʼmo huge yagu yaga kavaʼmo huge nehiye.

Samu 50:23

Nagaefeʼmo, alagepa kavaʼmo huʼniye, huʼa nehaya vayaʼmogimo ala nagiʼnimo neʼnamiye. Nehaya kavaʼapilefeʼmo apakesa afifi huʼa maiʼnisaya vayaʼmo Gotiʼa apakufamo alino katino neʼapateya kavaʼamo aliʼna apave liguve.

Samu 65:1

O Gotiyo, huʼna, Saiyoni taonifiʼmo uta anonatilefeʼmo kagikaleʼmo alita asaga hugune. Lagaemo kagaefeʼmo polomasi gemo hu maleʼnona kavaʼmo hugune.

Samu 99:9

Ala kava neʼmo Gotitimoʼmo aote vekamo maiʼniyaʼmofeʼmo agiʼaleʼmo alita asaga hutapa atetetapaeʼmo aote agaiʼa aveleʼmo agaetefeʼmo mono hiyo.

Aiyeya 6:3

Mago enisole vekamoʼmo alu enisole vayaʼaifeʼmo hunoʼaeʼmo, Ala kava neʼmoʼa asole vayaʼaiteʼmo yagaino neʼapateya vekamo aote vekamo maiʼniye, aote vekamo maiʼniye, aote vekamo maiʼniye. Ha le konali yaʼamoʼmo muki ma mopafiʼmo aino atagu faeno uneno huno havai teʼniye, huno hapa paiʼnigeʼa alu enisole vayaʼmogi afiteʼa ani gemo huʼa hapa paige huʼnae.

Hamakaki 1:2

Afitenoʼaeʼmo, O Ala kava nene, huʼna, na magi afinaʼmo nagaemo magoʼe huʼna kagaefeʼmo lokiya vaiʼna ge hisugekaeʼmo oʼafigane. Nagaemo hosu vayaʼmogi kaveta huge kame huge nehaya kavafeʼmo lokiya vaiʼna ge huʼna kaha nepaugekaeʼmo hanageke yaʼmo aliʼnaya vayaʼaina hapa noʼmane.

Leveleseni 4:8

Loleʼe loleʼe vayaʼmogimo sigisiʼa hapakumo haneʼnigeno muki apakufafiʼmo apaulagamo haneʼniye. Muki afinaʼmo felugaʼe haniʼilagaʼeʼmo maiʼa haga oleʼa huʼapaeʼmo, Ala kava neʼmo Gotiʼa muki himamuʼamo aliʼniya vekamo aote vekamae aote vekamae aote vekamo maiʼniye. Hogoteno maiʼniyanageno hemeniʼeʼmo neʼmaiyanageno henagaʼamo alagi maige maige huno maigiye, huʼa huʼnae.