Samu 22:26 - The Keyagana NT and 25 OT books

²⁶ Ala apakiʼapimo oʼaliʼa yagu yaga huʼa neʼmaiya vayaʼmogi neʼyaʼmo neʼa apamu hugae. Agaefeʼmo kahauya huʼa agesayafeʼmo neʼaya vayaʼmogi Ala kava neʼmo agiʼaleʼmo aliʼa asaga hugae. Muki afinaʼmo yuʼilaga vekatapimo alagepa huno maigiye.

Samu 22:26 ပူးပေါင်းရင်းမြစ်များ

Samu 107:9

Agaemo hapauʼnigeʼa hapaʼye nehiya vayaʼmo alino falu huno apatege apaka neteya vayaʼmo alagepa yaʼmo apamige nehiyaʼmofeʼmae.

Samu 116:14

Nagaemo, naha maeʼniyaʼmofeʼmo agaetegamo alagepa kavaʼmo huguve, huʼna huʼnova gemo akame huʼna Ala kava neʼmo vayaʼamogi apaulagaleʼmo agaetegamo alagepa kavaʼmo huguve.

Samu 116:18

Naha maeʼniyaʼmofeʼmo Ala kava nefeʼmo, kagaetegamo alagepa kavaʼmo huguve, huʼna huʼnova gemo akame huʼna vayaʼamogi apaulagaleʼmo agaetegamo alagepa kavaʼmo huguve.

Samu 40:10

Nagaemo fatago kavakamo naipafiʼmo aeʼna ati kaeʼna oʼmaleʼnofa nagaemo, geʼamo alagi amagino oʼataleno akame huno apakufamo alino katino neʼapate, huʼna aeʼna hakalo huʼna hapa paiʼnove. Nagaemo asole vayaʼmo eʼa aliʼa anupa huʼa maiʼnaya vayaʼaifeʼmo kahau kayamopafiʼmo nekahaiya kavakaʼe alagi lama gekaʼeʼmo aeʼna ati okaeʼna aeʼna hakalo huʼna hapa paiʼnove.

Samu 40:16

Hapau aigayaʼmonanafa kagaefeʼmo kahauya huliʼa neʼaya vayaʼmogimo apamogaga aiteʼa kagaefeʼmo amuse hiyo. Apakufamo alika katika neʼapatana kavafeʼmo hapauʼnisiya vayaʼmogimo, Ala kava neʼmo ala agiʼamo amiyo, huʼa hiyo.

Samu 50:14

Gotifekeʼmo hao ke hesaya agufa ofalinimo amiyo. Lapakaemo ani kavaʼmo hugune, hutapa ha paiʼnaya gemo akame hutapa ani agufa ofalinimo hogote vekamo anaga vekamo amiyo.

Samu 69:32

Ala vayaʼmo maiʼnone, huʼa apakesamo noʼafiya vayaʼmogi ani kavaʼmo ageteʼapaeʼmo apamogaga aigae. Lapakaemo Gotiʼmo agesayafeʼmo kahauya nehaya vayaʼmogitapamo lapaipamo alagepa huno hanesigeta maige maige hutapa maigae.

Aiyeya 25:6

Muki vayaʼaiteʼmo yagaino neʼapateya Ala kava neʼmoʼa muki vayaʼmogi ani aveleʼmo nesaya neʼyaʼmo hogote neʼyanagi hogote nofi alagafati aninagi alagepa ameʼagi huno yagita huʼniye.

Aiyeya 65:13

Ani kavaʼmo huʼnayaʼmofeʼmo nagaemo Ala kava neʼmo Gotiʼnamo ina gemo huve. Afiyo, huʼna, Aliʼyaʼnimo neʼaliya vayaʼmo neʼyaʼmo negayaʼmonanafa lapakaemo lapaka tegaiye. Afiyo, huʼna, Aliʼyaʼnimo neʼaliya vayaʼmo aniʼmo negayaʼmonanafa lapakaemo anifeʼmo lahapaugiye. Afiyo, huʼna, Aliʼyaʼnimo neʼaliya vayaʼmo apamogaga aigayaʼmonanafa lapakaemo lapavagage hugiye.

Yona 2:10

Ala kava neʼmoʼa noyameeʼmo ha paiʼnigeno uno ani agiʼnaleʼmo Yonaʼmo mu valino ateʼniye.

Yoni 4:14

ina lagimo nagaemo apamisuva aniʼmo nesafigeno halate magoʼe huno anifeʼmo alagi ohapaugiye. Nagaemo aniʼmo apamisugeno apaipafatiʼmo meti anikana huno eno haineno afaʼa maisaya yaʼmo apamisigeʼa alagepa huʼa maige maige huʼa maigae, huno ha paiʼnigenoʼaeʼmo,