Samu 22:25 - The Keyagana NT and 25 OT books

²⁵ Asole vayaʼmo aliʼa anupa huʼa neʼmaiya folagapatiʼmo kagikaleʼmo aliʼna asaga huguve. Kagaefeʼmo mono nehaya vayaʼai apaulagaleʼmo kagaefeʼmo ani kavaʼmo huguve, huʼna kaha paiʼnova kavaʼmo huguve.

Samu 22:25 ပူးပေါင်းရင်းမြစ်များ

Samu 111:1

Ala kava neʼmo agiʼaleʼmo alita asaga hiyo. Nagaemo muki naipafatiʼmo fatago vayaʼmo aliʼa anupa huʼa maiʼnayategamo Ala kava neʼmo agiʼaleʼmo aliʼna asaga huguve.

Samu 22:22

Naganaʼnimogifeʼmo kagaemo naha maeʼnana kavafeʼmo nava gemo aeʼna hakalo huʼna hapa paiguve. Aliʼa anupa huʼa neʼmaiya vayaʼai folagapatiʼmo kagikaleʼmo aliʼna asaga huguve.

Samu 56:12

O Gotiyo, huʼna, Nagupi mafaʼnemo falisiya kavategatiʼmo alika katika ateʼnanaʼmofeʼmo nagaemo huguve, huʼna polomasi gemo huʼna kaha paiʼnova gemo nagaemo akame hino. Akame huteʼna ala kagikamo kamiguve. Nagaemo Goti aulagaleʼmo afaʼa maiʼnaya vayaʼmo ha le yategamo umenitata hisuvafeʼmo kagaemo lokiya vaika nateʼnanageʼnaeʼmo asagauʼna oʼaiʼnove.

Samu 65:1

O Gotiyo, huʼna, Saiyoni taonifiʼmo uta anonatilefeʼmo kagikaleʼmo alita asaga hugune. Lagaemo kagaefeʼmo polomasi gemo hu maleʼnona kavaʼmo hugune.

Samu 66:13

Nagaemo kana yaʼmo aliʼneʼnaeʼmo atafiʼmo leno saga neliya ofalinimo kamiguve, huʼna polomasi gemo huʼnove. Nagaemo ani ofalinimo aliniʼna mono nokafiʼmo uʼna haiguve. Kamiguve, huʼna, Polomasi gemo huʼna kaha paiʼnova gemo akame huʼna miya faiʼna kamiguve.

Samu 66:16

Gotifeʼmo koli nehaya vayanagi eta geʼnimo afiyo. Nagaemo nagupi mafaʼnemo alagepa huno naha maeʼniya kavafeʼmo ava gemo aeʼna hakalo huʼna lapa paiguve.