Samu 22:23 - The Keyagana NT and 25 OT books

²³ Ala kava nefekeʼmo koli hutetapa mono nehaya vayaʼmogitapamo ala agiʼamo amiyo. Yekopu nofi vayaʼmogitapamo agiʼaleʼmo alita asaga hiyo. Isaleli nofi vayaʼmogitapamo agaefekeʼmo mono hiyo.

Samu 22:23 ပူးပေါင်းရင်းမြစ်များ

Samu 106:5

Naha maegeʼnao vayakamo alagepa huʼa maisageʼna apaketeʼnaeʼmo apakaegiʼeʼmo magokepi namogaga aiteʼna vayakaʼeʼmo Goti vayaʼamo maiʼnone, huʼna huteʼna magokepi lamogaga aigune.

Samu 111:1

Ala kava neʼmo agiʼaleʼmo alita asaga hiyo. Nagaemo muki naipafatiʼmo fatago vayaʼmo aliʼa anupa huʼa maiʼnayategamo Ala kava neʼmo agiʼaleʼmo aliʼna asaga huguve.

Samu 115:11

Ala kava nefeʼmo koli nehaya vayane, huʼna, Ala kava nefeʼmo alita amufa amiyo. Agaemo hapa maeno halegukana huno yagaino neʼapate.

Samu 115:13

Ala kava neʼmoʼa agaefeʼmo muki koli nehaya vayanagi apaki haneʼniya vayanagi apaki ohaneʼniya vayanagi huno alino auleno apategaiye.

Samu 145:19

Agaefeʼmo koli huʼneʼa mono nehaya vayaʼaiteʼmo hapauʼnisiya kavaʼmo afaʼa hugiye. Keya aeʼa ge nehagenoʼaeʼmo apakufamo alino katino neʼapate.

Samu 22:30

Afole aisaya vayaʼmogimo aliʼyaʼamo aligae. Vayaʼmogi aliʼa oʼapateʼnayanageʼa henagaʼamo afole aisaya vayaʼaifeʼmo Ala kava nefeʼmo ava gemo huge lagufamo alino katino lateʼniye huʼa huge hugae.

Samu 26:12

Nagaemo alagepa kateʼmo neʼuve. Goti vayaʼamogi aliʼa anupa huʼa neʼmaiya yategamo uʼna Ala kava neʼmo agiʼaleʼmo aliʼna asaga huguve.

Samu 50:23

Nagaefeʼmo, alagepa kavaʼmo huʼniye, huʼa nehaya vayaʼmogimo ala nagiʼnimo neʼnamiye. Nehaya kavaʼapilefeʼmo apakesa afifi huʼa maiʼnisaya vayaʼmo Gotiʼa apakufamo alino katino neʼapateya kavaʼamo aliʼna apave liguve.

Aiyeya 25:3

Kagaemo ani kavaʼmo huʼnanaʼmofeʼmo lokiya kame vayaʼmogi ala kagikamo kamigae. Koli yaʼmo aliʼa neʼapamiya nofi vayaʼmogimo kagaefeʼmo koli hugae.

Luki 1:50

Agaefeʼmo koli huteʼa aiyafiʼmo maiʼnaya vayaʼaifeʼmo hau huno apateme apateme uno hau huno neʼapate.

Luki 2:20

Sipisipileʼmo neʼyagaiya vayaʼmo aiʼa atagi neʼa uʼapaeʼmo enisole vekamoʼmo hapa paiʼnigeʼa afiʼnaya geʼe ageʼnaya kavateʼefeʼmo Goti agiʼaleʼmo aliʼa asaga huge hao ke hege hume hume uʼnae.

1 Kolitiyani 10:31

Inagi lapakaemo muki kavaʼmo hisaya afinaʼmo neʼyaʼmo nege aniʼmo nege nehutapaeʼmo Goti agiʼalekeʼmo alita asaga hisayafekeʼmo muki kavaʼmo hiyo.

Leveleseni 15:4

O Ala kava nene, huʼa, kagaikageʼmo kaote vekamo maiʼnanaʼmofeʼmo ina lagimo kagaefeʼmo koli osuʼa kagikaleʼmo aliʼa asaga osugae. Kagaemo anonaʼapilefeʼmo alagepa huka alika fako huka apateteka neʼapamina kavakamo ago afole aiʼniyaʼmofeʼmo muki alu nofi vaya alu nofi vayaʼmogimo eʼa kaulagaleʼmo kagaetefeʼmo mono hugae, huʼa huʼnae.