Samu 22:1 - The Keyagana NT and 25 OT books

¹ Gotiʼnimogae Gotiʼnimogae, huʼna, na kava higekaeʼmo nataleka uʼnane. Naha mao, huʼna keya aeʼna ge nehuvaʼmonanafa na kava higekaeʼmo natalekuka afagiʼaleʼmo maiʼneka naha noʼmane.

Samu 22:1 ပူးပေါင်းရင်းမြစ်များ

Samu 10:1

O Ala kava nene, huʼna, na kava higekaeʼmo afagitegamo he tika maiʼnane. Na kava higekaeʼmo hanageke yaʼmo afole neʼaiya afinaʼmo fala kika maiʼnane.

Samu 16:1

O Gotiyo, huʼna, nagaemo kagaefekeʼmo aliʼna amufa kamiʼnovaʼmofeʼmo yagaika nategeʼnao afaʼa maino.

Samu 22:11

Nagufaleʼmo hanageke yaʼmo afole neʼaigeʼapaeʼmo naha maesaya vayaʼmo oʼmaiʼnayanagi natalekuka afagiʼaleʼmo oʼmaiyo.

Samu 22:16

Afela kalamogi afumo hapaesayafeʼmo faiʼa vego huʼa neʼapataya kava huʼa hosu vayaʼmogimo faiʼa vego huʼa neʼnatae. Nayapiʼmo nili aige naiyafiʼmo nili aige huʼnae.

Samu 26:9

Kagaemo hosu kavaʼmo nehaya vayaʼeʼmo alika hosu huka oʼnato. Kagaemo kamitimo apamagiʼnaya vayaʼmogimo alisaya kayoʼmo nagaemo oʼnamiyo.

Samu 37:28

Ala kava neʼmoʼa alagepa kavafekeʼmo hauʼniyanageno aote vayaʼamo alagi apataleno oʼugiye. Yagaino apatesigeʼa hano osuʼa maige maige huʼa maigayaʼmonanafa hosu vayaʼai mafaʼneʼapimo alino hapa faino apatalegaiye.

Samu 38:8

Lusi kava huno alagaʼmo nahaeʼnigeno lokiyaʼnimo alagi ohaneʼniye. Naipamoʼmo kanale osuʼnigeʼna kagegage nehuve.

Aiyeya 59:11

Lagaemo ani kana yaʼmo afela afu anagaʼmo meyaʼmogimo nagalu nagalu nehaya kava huta alopa gefatiʼmo huge kaugoʼyave nama anagaʼmogimo apake neʼaiya agufa gemo huta yulagefa aige huta maiʼnone. Kagaemo kame vayatimo agoti huka apateteka lagufamo alika katika latesanafeʼmo kagava maiʼnonaʼmonanafa ani kavaʼmoʼa lagaeteʼmo afagiʼaleʼmo haneʼniye.

Matiyu 27:46

Une agufa afinaʼmo Yesuʼa, Ilai, Ilai, lama samakatani, huno alopa gefatiʼmo keya aeno ge huʼniye. Ani ge huʼniya gemo aepaʼamo haneʼniyana Gotiʼnimo, Gotiʼnimo, huno, na kava higekaeʼmo nataleka uʼnane, huno huʼniye.

Maki 15:34

Une afafamo Yesuʼa alopa gefatiʼmo keya aeno ge hunoʼaeʼmo, Eloi, Eloi lama samakatani, huno huʼniye. Ani ge huʼniya gemo aepaʼamo Gotiʼnimo, Gotiʼnimo, huno, na kava higeka nataleka uʼnane, huno huʼniye.

Luki 22:44

Lusi kava huno kana hauʼnigeno aipafiʼmo kaveta hugekana huʼnigeno maiʼnenoʼaeʼmo magoʼe huno lokiya vaino nunumuʼmo nehigenoʼaeʼmo amuko hauteno haisemoʼmo kolakana huno lusi kava huno mopafiʼmo lape tape huno asagauno aiʼniye.

Luki 24:44

Netenoʼaeʼmo, mani kavafeʼmo lapakaeʼeʼmo maiʼneʼnaeʼmo ago lapa paiʼnaeʼmo, muki kavafeʼmo nava gemo huʼa avoʼmo kae maleʼnaya gemo afole aigiye. Moseseʼa avoʼmo kae maleʼniya nava gegi Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya nava gegi Samu mukufiʼmo avoʼmo kae maleʼnaya nava gemogi huno afole aino,

Himulu 13:5

Lapaʼye osino. Aliʼnaya yafekeʼmo hutapaeʼmo, alagi haiʼmo aliʼnone, hutapa lapakesamo afitetapa lapaipamoʼmo falu hino. Na kava higetapaene. Agaiʼamo hunoʼaeʼmo, muki afinaʼmo olapataleʼna lapakaeʼeʼmo magokepi lokaeʼna maige maige huʼna maiʼneʼna lapa maegauve, huno huʼniyaʼmofeʼmae.

Himulu 5:7

Kalaisiʼa ma mopafiʼmo maiʼnenoʼaeʼmo falisiya kavategatiʼmo agufamo alino katino atesiya Gotifekeʼmo alopa gefatiʼmo keya aeno ge huge haoke huge aviʼyaʼmo huge huno nunumuʼmo huʼniye. Gotifeʼmo koli huʼneno mono huʼniyaʼmofeʼmo Gotiʼa geʼamo afiʼniye.

1 Samiyo 12:22

Ala kava neʼmoʼa agaiʼamo hauʼnigeno ala agiʼalefeʼmo agaiʼa vayaʼamo alino lapatesiyafeʼmo alino hamaleno lapateʼniyaʼmofeʼmo Ala kava neʼmoʼa vayaʼamo apataleno oʼugiye.