Samu 20:6 - The Keyagana NT and 25 OT books

⁶ Hemenimo nagaemo ago afiʼnovana Ala kava neʼmoʼa lekana paino ateteno uvelimo faleno ateʼniya vekamo agufamo alino katino neʼate. Agaemo aote kokuʼnapatiʼmo geʼaleʼmo aeno atagaina hugiye. Agaemo apakufamo alino katino neʼapateya lokiyaʼaletiʼmo geʼaleʼmo aeno atagaina hugiye.

Samu 20:6 ပူးပေါင်းရင်းမြစ်များ

Samu 17:7

Lamaga kayatetiʼmo naha maeteka kahau kayamopafiʼmo kahauʼniya kavakamo ageʼna nahau aisuvafeʼmo alika nave liyo. O Gotiyo, huʼna, aliʼa amufa nekamiya vayaʼmogi kame hapaesayafeʼmo huʼnaya vayaʼai apayapatiʼmo apakufamo alika katika neʼapatana Gotigae, huʼna, Naha mao.

Samu 18:35

Kagaemo nagufamo alika katika natetekaeʼmo alagepa huʼna maisuvafeʼmo yagaika nateʼnane. Lamaga kayatetiʼmo natafauʼnanageʼna afaʼa asagauʼna oʼaiʼna he tiʼna maiʼnove. Kagaemo vase vase huka naha maeʼnanageʼnaeʼmo ala vekamo hamaleʼnove.

Samu 18:50

Gotiʼa lekana paino ateʼniya kini vekamo alagepa huno ha maeʼnigeno aeno neʼapakase. Agaemo uvelimo lakino ateʼniya vekaeʼmo hau ayamopafiʼmo hauʼniyanageno oʼatalegaiye. Agaemo Neviniʼe Nevini nofi vayapati vayaʼefeʼmo muki afinaʼmo hau ayamopafiʼmo haume haume neʼviye.

Samu 2:2

Ma mopafi kava vayaʼe kini vayaʼapimogiʼeʼmo Ala kava netegaʼe lekana paino ateteno uvelimo lakino faleno ateʼniya vekalegaʼeʼmo kame huʼana anatesayafeʼmo aliʼa anupa huʼa maiʼneʼa vegemo huʼapaeʼmo, yagaiʼana latesaʼagetaeʼmo anaiyafiʼmo oʼmaigune, huʼa nehae.

Samu 28:8

Ala kava neʼmoʼa lokiyaʼapimo maiʼneno uveli lakino ateʼniya Kalaisi vekamo agufamo alino katino ateʼnigenoʼaeʼmo afaʼa maiʼniye.

Samu 41:11

Kame vayaʼnimogi aeʼa oʼnagaseʼnayaʼmofeʼmo ago ageʼnovana kagaemo amuse huka neʼnatane.

Samu 9:15

Kagaefeʼmo mono nosaya vayaʼmogi kateʼmo esaya vayaʼmo asagauʼa aisayafeʼmo kafi maleʼnaya kelifiʼmo apakaiʼapimo asagauʼa aiʼnae. Aneʼaimo hanagi maleʼnayaʼmonanafa apakaiʼapigeʼmo heʼnae.

Aiyeya 57:15

Muga anaga vekamo alino asagauno ateʼniya anaga vekamo muki afinaʼmo maige maige huno neʼmaiya vekamo agiʼamo Aote Vekamoʼmo hunoʼaeʼmo, Nagaemo muga anaga aote kotegamo maiʼneʼna hosu kavaʼapieʼmo apaipamo kana huge apakaiʼapimo aliʼa afepi apatege nehaya vayaʼeʼmo magokepi lokaeʼna maiʼnove. Apakaiʼapimo aliʼa afepi neʼapataya vayaʼaina apauneʼapameʼmo aliʼna he tiʼna apatege hosu kavaʼapieʼmo apaipamo kana nehiya vayaʼai apaipamo aliʼna he tiʼna apatege hisuvafeʼmo apakaeʼeʼmo maiʼnove.

Aiyeya 58:9

Ani afinaʼmo lapakaemo Ala kava nefeʼmo keya aeta ge hisageno getapileʼmo aeno atagaina huno lapa paigiye. Lapakaemo alopa gefatiʼmo alopa gefatiʼmo ge hisagenoʼaeʼmo agaemo hunoʼaeʼmo, Maiʼnove, huno hugiye. Lapakaemo vayaʼmo kana yaʼmo oʼapamige vayaʼmo alita afepiʼmo oʼapatege hosu gemo osuge

Aiyeya 63:15

Ala kava nene, huʼa, kagaemo kaote kokamo ha le konali kokuʼnapiʼmo maiʼneka afepilagamo aulu lahaeka lago. Kagaemo na agufa kavaʼmo higekaeʼmo kayamukiki nehana kavakagi lokiyakagi kahau kayamopafiʼmo kahauʼniya kavakagi kahau huka nelatana kavakagi huka alika lave noline. Kaipamo alika akani maleʼnapiye.

Maika 4:5

Muki vayaʼmo apaote apaote huʼa gotiʼapimogi apakiʼapilefeʼmo umenitata nehayaʼmonanafa lagaemo Ala kava neʼmo Gotitimo agiʼalefekeʼmo muki afinaʼmo umenitata huge huge huta maigune, huta nehune.

Matiyu 6:9

Lapakaemo nunumuʼmo hugefeʼmo ina ge hutapa hiyo, kokuʼnapi Afotimogae, hutapa, kagikamo alagepa huno kaote haneʼniyanageʼa aliʼa asaga hisaya kavaʼmo haneʼniye.

Apa 2:33

Gotiʼa ago alino he tino ateteno kokuʼnapiʼmo avalelino uno haino lamaga haopaleʼmo ateʼnigeno maiʼniye. Muki yaʼmo Afoʼamoʼmo hogoteno, kamiguve, huno ha paiʼniya Aunemeʼamo ago amiʼnigeno Yesuʼa Goti Aunemeʼamo aniʼmo lakigekana huno alino ateʼnigeno emineʼnigetapaeʼmo hemenimo lapakaemo ani afole aiʼniya kavaʼmo ago agetetapa afiʼnae.

Apa 2:36

Ani gemo huʼniyaʼmofeʼmo muki Isaleli vayaʼmogitamo ani kavafeʼmo magoke laipa lagesamo aligetao. Lapakaemo ani vekamo Yesuʼmo yosaleʼmo ago nili aiʼnaya vekaeʼmo Gotiʼa hunoʼaeʼmo, Ala kava nene, huno ateteno Kalaisiʼae, huno lekana paino ateʼniye.

Apa 4:10

Inagi afiyo, huʼna, Yesu Kalaisiʼa Nasalasa taonifi vekamo himamuʼaletiʼe agiʼaletiʼeʼmo ani vekamo alitaʼa api aitaʼa ateʼnoʼageno lapaulagaleʼmo he tino maiʼniye. Lapakaemo malipu yosaleʼmo nili aiʼnageno faliʼniyaʼmonanafa Gotiʼa ago alino he tino ateʼniye.

Apa 5:31

Gotiʼa agaemo ala agiʼamo amiteno avalelino uno haino lamaga haopaleʼmo atetenoʼaeʼmo, hogote vekamo yagaino apatesiya vekamo maiʼneno apakufamo alino katino neʼapateya vekae, huno lekana paino ateʼniye. Agaemo Isaleli vayaʼmogita laipamo alita afe lesuna kavaʼmo lamige hosu kavatimo alino atalege haisiyafeʼmae.