Samu 2:6 - The Keyagana NT and 25 OT books

⁶ Agaemo hunoʼaeʼmo, ani kavaʼmo nehayaʼmonanafa nagaemo Saiyoni kotega naote aveleʼmo lekana paiʼna ateʼnova kini vekamoʼmo yagaino apatesiyafeʼmo lekana paiʼna ateʼnove, huno hapa paiʼniye.

Samu 2:6 ပူးပေါင်းရင်းမြစ်များ

Samu 45:6

O Gotiyo, huʼna, muki afinaʼmo yagaika apatege apatege huka maigane. Fatago kavaʼmo huka vayakaleʼmo alagepa huka yagaika neʼapatane.

Samu 50:2

Gotiʼa Saiyoni taonimo hogote konali taonifatiʼmo aeno ha legaiye.

Samu 89:27

Yege mafaʼneʼnimo maiʼniye, huʼna hu malegauve. Agaemo muki ma mopafiʼmo maiʼnaya kini vayaʼmo ago aeno apakaseno hogote kini vekamo maigiye.

Aiyeya 55:4

Nagaemo lama geleʼmo faigoko huno ha maesiyafeʼmo agaemo avaleʼna vayaʼmo apamiʼnove. Nagaemo gemo nehiya vekamo yagaino lapatesiya vekamo lekana paiʼna ateʼnove.

Neniyo 2:44

Inagi ani teniʼa kini vayaʼmo maisaya afinaʼmo Gotiʼa mago kini vekamo alino afole aino atesigeno muki afinaʼmo yagaino apatege apatege huno maigiye. Mago alu kini vayaʼmo afole aiteʼa Gotiʼa alino afole aino atesiya kini vekamo afaʼa aliʼa afepi oʼategayaʼmonanafa agaekeʼmo alino afepi apateteno muki kini vayaʼmo alino hosu huno apataleteno agaemo muki afinaʼmo alagepa huno yagaino apatege apatege huno maigiye.

Matiyu 28:18

Yesuʼa apakaetegamo enoʼaeʼmo, muki himamuʼamo kokuʼnapinagi ma mopafi kavatenagi vayaʼaitenagi huʼna yagaisuva himamuʼamo ago namiʼniye.

Efasasi 1:22

Gotiʼa muki yaʼe vayaʼeʼmo Kalaisi aiyafiʼmo alino apateteno hogote vekamo yagaino neʼapateya vekamo siosi vayaʼaiteʼmo yagaino apatesiyafeʼmo avaleno apamiʼniye.

Himulu 12:22

Lapakaemo Sainai aveleʼmo oʼmeʼnafa Saiyoni kotega avemo kokuʼnapi Yulusalemu taonifiʼmo yalagisa Gotiʼa neʼmaiya taonifiʼmo tauseni tauseniʼa enisole vayaʼmo neʼmaiya taonifiʼmo etapa maiʼnae.

Leveleseni 14:1

Halate ageʼnovana, ageyo, huno, aikeli sipisipimo Saiyoni avefiʼmo he tino maiʼnigeʼapaeʼmo vani hataleti foti fo tauseniʼa vayaʼai hapanileʼmo agaiʼa agiʼe afoʼamo agiʼeʼmo avoʼmo kae maleʼniya vayaʼmo agaeʼeʼmo magokepi lokaeʼa he tiʼa maiʼnageʼna apakeʼnove.