Samu 2:12 - The Keyagana NT and 25 OT books

¹² Mafaʼneʼamo haetapa neyo. Fiku yanageno aipamo aiseʼamo leno lapateteno lapamagisigetapa kateʼmo asagautapa aigayanagi. Agaefeʼmo aliʼa amufa amiʼnaya vayaʼmo aulena vayaʼmo maiʼnae.

Samu 2:12 ပူးပေါင်းရင်းမြစ်များ

Aepa Gemae 41:40

Kagaemo muki noʼnifi haneʼniya yateʼmo yagaige muki vayaʼnileʼmo yagaika apatege hugane. Nagaemo kini siateʼmo maisuva kavatetiʼmo aeʼna kaga segauve.

1 Kini 19:18

Faligayaʼmonanafa nagaemo seveni tauseniʼa Isaleli vayaʼmogimo aigofe gotiʼmo Meotefeʼmo apaleyaʼmo ofaige auneʼamo haeʼa oʼnege agaetefeʼmo monoʼmo osuge huʼnaya vayaʼmo hapa maesugeʼa afaʼa maigae, huno ha paiʼniye.

Samu 1:6

Ala kava neʼmoʼa fatago vayaʼmogimo nehaya kavaʼapieʼmo apakeno amuse nehiyaʼmonanafa agaefeʼmo mono nosaya vayaʼai aliʼyaʼapimo alino hano huno atalesigeʼa alagi afela hegae.

Samu 2:5

Aipamo leno apatetenoʼaeʼmo lokiya gefatiʼmo nehigeʼapaeʼmo atete nehae.

Samu 2:7

Kini vekamoʼmo hunoʼaeʼmo, Ala kava neʼmoʼa hu maleʼniya gemo aeʼna hakalo huʼna lapa paiguve, huno huʼniye. Agaemo, Hemeni afinaʼmo mafaʼneʼnimo aliʼna kateʼnogeka maiʼnane, huno naha paiʼniye.

Samu 31:20

Vayaʼmogimo apakaetegamo hosu kavaʼmo hisayafeʼmo vege nehayaʼmonanafa oʼageʼnaya kahaopalegamo alika fala kika apategane. Hosu gemoʼmo alino afepiʼmo oʼapatesiyafeʼmo alagepa huka yagaika apategane.

Samu 34:8

Ala kava neʼmo kanale vekamo maiʼniye hutapa agesayafeʼmo ageyo. Ala kava nepiʼmo fala kiʼa neʼmaiya vayaʼmo aulena vayaʼmo maiʼnae.

Samu 34:9

Lapaote vayaʼmo maiʼnayanagi Ala kava nefeʼmo koli hutetapa akame hiyo. Koli huteʼa akame nehaya vayaʼmogimo kafu osugae.

Samu 40:4

Ala kava nefekeʼmo aliʼa amufa neʼamiya vayaʼmo aulena vayaʼmo maiʼnae. Apakaemo himuʼnamu kavaʼmo nehaya vayaʼmofi aigofe gotiʼapimogitefeʼmo mono nehaya vayaʼmofi huno ala apakiʼapimo noʼapamiye.

Samu 84:12

Muki vayaʼaiteʼmo yagaika neʼapatana vekae, huʼna, Kagaemo aliʼa amufa nekamiya vayaʼmo aulena vayaʼmo maiʼnae.

Mai'naya kavane 16:20

Goti gemo afiteno akame nehiya vekamoʼmo alagepa huno maigiye. Ina kava huno Ala kava neʼmoʼa naha maegaiye, huno alino amufa neʼamiya vekamoʼmo afaʼa amogaga aigiye.

Sefanaiya 2:2

Fiku yanagetapa afaʼa maiʼnisageno Ala kava neʼmoʼa lekana pai maleʼniya afinaʼmo afole aigiye. Yasimoʼmo haletiʼya yaʼmo alino halelino neʼviya agufa kava huno alino lapafaitalesigetapa ugae. Ala kava neʼmoʼa aipamo lusi kava huno leno lapatesiya kavaʼmo lapakaeteʼmo afole aigiyanagi lapakaemo yagu yaga kavaʼmo nehaya vayane, huʼna, hogotetapa alita anupa huʼnetapaeʼmo Ala kava nefeʼmo kahauya hiyo. Fatago kavaʼamo alisayafeʼmo kahauya huge yagu yaga kavaʼamo alisayafeʼmo kahauya huge hutetapa himuʼnamu kavaʼmo ago ataleyo. Ala kava neʼmoʼa aipamo lusi kava huno leno apatesiya afinaʼmo alino fala kino lapatesifigi amalageka hutapa agegeyo.

Yoni 14:6

Nagaemo kaʼmo maiʼneʼna lama gemo aepa vekamo maiʼneʼnaeʼmo vayaʼmo afaʼa maisaya yaʼmo aepa vekamo maiʼnove. Muki vayaʼmogimo muki yaʼmo Afoʼamotegamo apakaiʼapimo afaʼa oʼugafa nagaeteʼmo eteʼapaekeʼmo muki yaʼmo Afoʼamotegamo afaʼa ugae.

Yoni 5:23

Muki vayaʼamogi muki yaʼmo Afoʼamo agiʼaleʼmo aliʼa asaga huʼa neʼataya kava huʼa Mafaʼneʼamo agiʼaleʼmo aliʼa asaga huʼa atesayafeʼmo alino ateʼnigeno emineʼniye. Ina lagimo Mafaʼneʼamo agiʼaleʼmo aliʼa asaga huʼa noʼatesafi ani kavaʼmo huʼa muki yaʼmo Afoʼamoʼmo alino ateʼnigeno emineʼniya vekamo agiʼaleʼmo aliʼa asaga huʼa noʼatae.

Lomu 10:11

Ani kavatefeʼmo Goti mukufiʼmo avoʼmo kae maleʼniya gemoʼa hunoʼaeʼmo, Ina lagimo agaefeʼmo apakesamo afiʼa fatago nehisafigeʼa apavagage osuge hapai oʼvaige hugae, huno avoʼmo kae maleʼniye.

Lomu 9:33

Goti mukufi gemoʼa hunoʼaeʼmo, Afiyo, huno, nagaemo Saiyoni taonifiʼmo noʼmo faiʼna atesuva yafaʼmo malegauve. Maleʼnisugeʼapaeʼmo apaiyamo faiʼa lo aeteʼa asagauʼa aigayaʼmonanafa ina lagimo agaefeʼmo apakesamo afiʼa fatago nehisafigeʼa apavagage osuge hapai vaiʼa oʼatege hugae, huno huʼniye.

Efasasi 1:12

Gotiʼa lagaetetiʼmo ha le konali yaʼamo alino apave lisigeʼa ageteʼapaeʼmo agiʼaleʼmo aliʼa asaga huʼa atesayafeʼmo mafaʼneʼnimo maigae, huno hu maleʼniye. Lagaemo Yu vayaʼmogita hogoteta Kalaisifeʼmo alita amufa amiʼnone.

1 Pita 1:21

Lapakaemo agaetetiʼmo Gotifeʼmo lapakesamo afita fatago nehae. Agaemo faliʼniyatetiʼmo ago alino he tino ateteno ha le konali yaʼamo amiʼnigetapaeʼmo Gotifeʼmo lapakesamo afita fatago hutetapa agava maiʼnetapaeʼmo lapavayagunagu nehae.

1 Pita 2:6

Goti mukufi gemoʼmo ani kavatefeʼmo hunoʼaeʼmo, Afiyo, huno, Nagaemo yafaʼmo lekana paiʼna ateteʼna noʼmo kisuva yafaʼmo alopa monileʼyaʼmo aeno agaseʼniya yafaʼmo Saiyoni kotegamo maleʼnove. Muki vayaʼmogimo agaefeʼmo apakesamo afiʼa fatago hisayana alagi hapai oʼvaigae, huno hu maleʼniye.

1 Samiyo 10:1

Inagi Samiyoʼmo mago aise olivi uvelimo alino Solo agenopafiʼmo lakino ateteno haeno netenoʼaeʼmo ina gemo huno ha painoʼaeʼmo, Ala kava neʼmoʼa agaiʼa vayaʼaiteʼmo yagaika apatesanafeʼmo lekana paino kateʼniyaʼmofeʼmo uvelimo lakiʼna kateʼnove, huno ha paiʼniye.