Samu 19:8 - The Keyagana NT and 25 OT books

⁸ Keʼaepa gemo api gemo haneʼnigeʼa neʼafiya vayaʼmogi apamogaga neʼaiye. Ani kava hiyo, ina kava osiyo, huno huʼniya gemo hosu gemo ohaneʼnifa alagepa geʼageʼmo haneʼneno apaulagamo alino ayakeno apateteno alino alagepa huno neʼapate.

Samu 19:8 ပူးပေါင်းရင်းမြစ်များ

Aepa Gemae 26:5

Emalehamuʼa geʼnimo afige huvo, huʼna huʼnova gemo akame huge keʼaepa geʼnimo akame huge huno maiʼniyaʼmofeʼmae.

Samu 105:45

Geʼamo afiteʼa keʼaepa geʼamo akame hisayafeʼmo ani kavaʼmo huʼniye. Ala kava neʼmo agiʼaleʼmo alita asaga huta ateyo.

Samu 111:7

Ayatetiʼmo aliʼa amufa amisayafeʼmo lamage aliʼyaʼmo neʼaliye. Muki keʼaepa gemoʼmo lokiyaʼamo hanesigeno hanege hanege huno hanegaiye. Agaemo lama geʼaletiʼe fatago kavaʼaletiʼeʼmo polomasi gemo huʼniya kavaʼmo alagi hugiye.

Samu 119:105

Gekamoʼmo lamugana huno haneʼnenoʼaeʼmo aeno ha leʼnigeʼna umenitata nehuve. Gekamoʼmo aeno ha leno visuva kaʼmo nave neliye.

Samu 119:12

O Ala kava nene, huʼna, alagi aulena Gotigamomaiʼnane. Avoʼmo kae maleʼnaya keʼaepa gekamo alika naya malo.

Samu 119:121

Nagaemo alagepa huʼna aliʼna fako huʼna apateteʼna fatago kavaʼmo huʼnove. Kana yaʼmo aliʼa neʼnamiya vayaʼai apayapiʼmo maisuvafeʼmo alagi nataleka oʼuvo.

Samu 119:128

Gekamo aeʼa ati kaeʼnayaʼmofeʼmo muki kavatefeʼmo namiʼnana keʼaepa gekaeʼmo, fatago gemo haneʼniye, huʼna nagesamo afiteʼna aigofe kavatefeʼmo naini nehuve.

Samu 119:130

Gekamoʼmo vayaʼai apaipafiʼmo faleno uno haitenoʼaeʼmo aeno ha nele. Negi vayaʼmogi gekamo afiteʼapaeʼmo gemo aepaʼamo afigae.

Samu 119:14

Ma mopafi alopa kagemi yafeʼmo apamogaga neʼaiya kava huʼna kavayafatiʼmo huʼnana gekamo akame hisuvafeʼmo namogaga neʼauve.

Samu 119:143

Hanageke yaʼmo nagaeteʼmo afole aiʼnigeno nagafu kiʼniyaʼmonanafa hiyo, huka huʼnana gekaeʼmo namogaga neʼauve.

Samu 119:16

Nagaemo avoʼmo kae maleʼnaya keʼaepa gekaeʼmo namogaga aisugenoʼaeʼmo nage okanigiye.

Samu 119:171

Kagaemo avoʼmo kae maleʼnaya keʼaepa gekamo alika naya neʼmalanaʼmofeʼmo ala kagikamo kamiguve.

Samu 119:24

Kavayafatiʼmo huʼnana gekaeʼmo namogaga neʼauve. Gekamoʼmo visuva kaʼmo alino nave neliye.

Samu 119:40

Namiʼnana gekaeʼmo nahaʼye nehiye. Fatago kavakaletiʼmo alika he tika nato.

Samu 119:54

Nata neʼna eʼna maiʼnova nopiʼmo avoʼmo kae maleʼnaya keʼaepa gekamo yokemo huʼnove.

Samu 119:80

Nagaemo avoʼmo kae maleʼnaya keʼaepa gekaleʼmo aiʼna hapaisuva naipa nagesamo namigeʼnao navagage osisiyafeʼmo akame hino.

Samu 119:92

Nagaemo keʼaepa gekaeʼmo namogaga oʼaiʼnovesinana kana yaʼmo aliʼneʼnaeʼmo ago faliʼnovesine.

Samu 12:6

Ala kava neʼmo geʼamo alagi lama geʼageʼmo haneʼniye. Vayaʼmogimo siluva yafaʼmo atafiʼmo seveni afinaʼmo kaete kaete huʼnagenoʼaeʼmo muki oʼaniʼya faiʼniya yaʼamo leno kalo paeno ataleʼnigeno siluva yafaʼageʼmo afole neʼaiya kava huno Goti geʼamo alagi lama geʼageʼmo haneʼniye.

Samu 13:3

O Ala kava neʼmo Gotiʼnimogae, huʼna, kagesa afifi nehuka geʼnileʼmo aeka atagaina huka naha paiyo. Fiku yanageʼna faliguvanagi kayamufa huka nato.

Samu 40:8

O Gotiʼnimogae, huʼna, keʼaepa gekamo naipafiʼmo haneʼniye. Kagaemo huvo, huka naha paiʼnana gekamo akame hisuvafeʼmo amuse huteʼna namogaga neʼauve.

Samu 93:5

Kavayafatiʼmo lokiya gemo huʼnana gemo haneʼniyanageno alagi hanege hanege huno afaʼa hanegaiye. O Ala kava nene, huʼna, Nokamo konali yaʼamo afaʼa hanege hanege huno hanesiya kava huʼa vayakamogi alagepa apaote kavaʼapimo haneʼniye.

Hatu maeno apate'niya gemae 18:16

Mago vayaʼmo mago kavatefeʼmo ge vaiteʼapaeʼmo nagaetegamo eʼnageʼna aliʼna fako huʼna apateteʼna Goti keʼaepa geʼamo aliʼna apaya neʼmalove, huno ha paiʼnigeno

Mai'naya kavane 2:6

Ala kava neʼmoʼa afiteʼa neʼagaya kavaʼmo alino neʼapamiye. Agaiʼa avayafatiʼmo afiteʼa neʼagaya kavaʼe afiʼa aeto nehaya kavaʼeʼmo emineneʼe.

Mai'naya kavane 30:5

Muki Goti geʼamo alagepa geʼageʼmo haneʼniye. Alagepa huno laha maegaiye, huʼa aliʼa amufa neʼamiya vayaʼai haleguʼapigana huno haneʼniye.

Mai'naya kavane 6:23

Afiyo, huno huʼniya gemoʼmo lamugana huno haneʼniye. Keʼaepa gemoʼmo ha le yakana huno haneʼniye. Ani gemoʼmo alino api aino katesigeka alagepa huka maisana yaʼmo alisana kaʼmo alino kave ligiye.

Aiyeya 64:5

Kagaemo apamogaga aiʼa fatago kavaʼmo nehaya vayaʼmogi nehana kavafeʼmo apake okaniʼa apakesamo neʼafiya vayaʼmo hapa maesanafeʼmo fotu nehane. Fotu nehanaʼmonanafa hosu kavaʼmo huʼnonaʼmofeʼmo kaipamo leka lateʼnane. Kaipamo leka lateʼnanaʼmonanafa kahau huka lateme lateme uganaʼmofeʼmo lagufamo alika katika lategane.

Lomu 3:20

Hapa nepaiyaʼmofeʼmo Gotiʼa muki vayaʼmogimo keʼaepa geʼamo akame nehisaya kavatetiʼmo, naulagaleʼmo fatago vayaʼmo maiʼnae, huno osugiyaʼmonanafa keʼaepa geʼaletiʼmo vayaʼai hosu kavaʼapimo alino apave neliye.

Lomu 7:22

Nagaemo saufa naipafatiʼmo Goti keʼaepa geʼaeʼmo nahauʼnigeʼna namogaga neʼauvaʼmonanafa

Lomu 7:7

Ani kavaʼmo nehiyaʼmofeʼmo keʼaepa geʼaeʼmo hosu gemo haneʼniye, huta hisupiye. Haʼao, alagi atalegeno hano hino. Goti keʼaepa geʼamoʼa hosu kavaʼnimo alino nave oliʼniyesinana oʼageʼnovesine. Keʼaepa gemoʼa, lahapaʼye osino, huno osuʼniyesinana naipafiʼmo nahaʼye nehiya kavaʼnimo oʼageʼnovesine.

Galesiya 2:19

Goti keʼaepa geʼamoʼmo alagi kamitimo namagiʼnigeʼna faliʼnove. Gotiʼa hauʼniya kavaʼmo hisuvafeʼmo keʼaepa geʼalefeʼmo ago faliʼnove.

Galesiya 3:21

Keʼaepa gemoʼa polomasi geeʼmo kamemo huno neʼatefiye. Ani gemo alagi atalegeno hano hino. Keʼaepa gemoʼa afaʼa maisaya yaʼmo alino apamiʼniyesinana ani keʼaepa gemo akame nehaya kavatetiʼmo naulagaleʼmo fatago vayaʼmo maiʼnae, huno huʼniyesine.