Samu 19:14 - The Keyagana NT and 25 OT books

¹⁴ Ala kava nene, huʼna, miya faika nateteka himamuʼnimo namiʼnana vekaʼnimo maiʼnane. Navayafatiʼmo nehuva geʼnimo ago afiteka naipafiʼmo nagesamo neʼafuva kavaʼnimo kaulagafatiʼmo ago nagetekaeʼmo, alagepa kavaʼmo huʼnane, huka hisanafekeʼmo neʼnahaiye.

Samu 19:14 ပူးပေါင်းရင်းမြစ်များ

Samu 104:34

Nagaemo Ala kava nefeʼmo namogaga neʼauvaʼmofeʼmo agaefeʼmo nagesa afifi nehuva kavafeʼmo amuse huno nateno.

Samu 119:108

Kahao ke hovanagi kagaefeʼmo nahau nayamopafiʼmo nahauʼnigeʼna navayafatiʼmo hisuva gemo ofalinigana huʼna kamisuva yaʼmo aliyo. Kagaemo alika fako nehana gemo alika naya malo.

Samu 51:15

Ala kava nene, huʼna, navayamo alika aka huka nategeʼnao kagikaleʼmo aliʼna asaga huʼna kateno.

Mai'naya kavane 15:8

Hosu vayaʼmogimo ofalinimo aminagenoʼaeʼmo Ala kava neʼmoʼa alagi ohauʼnigeno avenatuʼnaʼmo heno neʼataleyaʼmonanafa fatago vayaʼmogimo nunumuʼmo nehagenoʼaeʼmo hapaoke nehe.

Aiyeya 43:14

Ala kava neʼmoʼa miya faino hatu maeno lapateʼniya Gotitapimoʼmo Isaleli vayaʼmogi aote Gotiʼapimoʼmo ina gemo hunoʼaeʼmo, Nagaemo lapakaemo vayaʼnimo lapa maesuvafeʼmo ati vayaʼmo aliʼna apatesugeʼa uʼa Mamiloni vayaʼeʼmo kamemo hugae. Kamemo hapaesageʼapaeʼmo Mamiloni vayaʼmo ani apamogaga neʼaiya sipikopiʼmo uʼa haiteʼa koʼapimo ataleʼa apaune hegae.

Aiyeya 54:5

Nagaemo Gotiʼnamo kagaemo alo huʼna kateʼnova vekamo anaukamonagana huʼna maiʼnove. Nagaemo nagiʼnimo Ala kava neʼmo muki lokiyaʼnimo haneʼniye. Nagaemo miya faiʼna hatu maeʼna kateʼnova vekamoʼnamo Isaleli vayaʼai aote Gotiʼapimoʼnamo maiʼnove. Muki ma mopafi vayaʼai Gotiʼapimoʼmo maiʼniye, huʼa agi neʼae.

Lomu 15:16

Mono huʼa neʼapataya vayaʼmogimo Gotiʼmo ofalinimo neʼamiya kava huʼna alagepa faigoko geʼaletiʼmo aliʼyaʼmo neʼaliʼnaeʼmo alu nofi vayaʼmo apavaleliʼna eʼna ani ofalinimo Gotiʼmo amigesuve. Aote Aunemeʼamoʼmo apavaleno apaote apatesigeʼa alagepa ofalinieʼmo Gotiʼa amuse hisiya agufa ofalini yakana huʼa maisageʼna amiguve.

1 Tesaloniyani 1:10

Maiʼneʼapaeʼmo Gotiʼa alino he tino ateʼniya Mafaʼneʼamoʼmo Gotiʼa aipamo leno nelateyanageno kayoʼmo lamisiya kavategatiʼmo lagufamo alino katino nelateya Mafaʼneʼamo kokuʼnapatiʼmo eminesiyafeʼmo agava neʼmaiye, huʼa nehae.

Taitasi 2:14

Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.

Himulu 11:4

Evoʼa agesamo afino fatago huʼniya kavatetiʼmo alagepa ofalinimo Keni ofalinimo ago aeno agaseʼniya ofalinimo Gotina amiʼniye. Gotina amiʼniya ofalinieʼmo agesamo afinoʼaeʼmo, naulagaleʼmo fatago vekamo maiʼnane, huno ha paiʼniye. Evoʼa ago faliʼniyaʼmonanafa hemenimo agesamo afino fatago huʼniya kavatetiʼmo ge nehiye.

Himulu 13:15

Inagi lagaemo agaetetiʼmo muki afinaʼmo Gotiʼmo ofalinimo amitetaeʼmo agiʼaleʼmo alita asaga huta atetetaeʼmo hao ke hegetao. Lavayafatikeʼmo ani ofalinimo amigetao.

1 Pita 2:5

Lapakaeʼeʼmo afaʼa maisaya yafakana huta maiʼnagenoʼaeʼmo Gotiʼa lapakaetetiʼmo Goti Aunemeʼamo maisiya noʼmo kime kime neʼe. Lapaote vayaʼmo maiʼnetapa lapaipafatiʼmo Gotiʼa amuse huno lapatesiya ofalinimo Yesu Kalaisitetiʼmo Gotiʼa amisayafeʼmo mono hutapa neʼapataya vayaʼmo maiʼnae.

Leveleseni 5:9

Apakaemo saufa yokemo huʼapaeʼmo, Kamagiʼnageka faliteka Gotitefeʼmo kolakaletiʼmo miya faika lateʼnane. Kagaemo muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi muki alu kotega alu kotegamo maiʼnaya vayanagi huka miya faika hatu maeka lateʼnanaʼmofeʼmo alino kafage ki maleʼniya pepaletiʼmo kamemo afaʼa alika akautaleka alika ata lesana vekamo maiʼnane.