Samu 19:13 - The Keyagana NT and 25 OT books

¹³ Hosu kavaʼmo haneʼniye, huʼna ago ageʼnova hosu kavaʼmo halate osisuvafeʼmo natafauka nato fiku yanageno ani hosu kavaʼmoʼa yagaino nategaiyanagi. Ani kava huka naha maesanageʼnaeʼmo vaiʼmo oʼaliʼna hogote hosu kavaʼmo aeno agaseʼniya hosu kavaʼmo osuguve.

Samu 19:13 ပူးပေါင်းရင်းမြစ်များ

Aepa Gemae 20:6

Ha paiʼnigeno Gotiʼa alagamuna kategatiʼmo ha painoʼaeʼmo, He, huno, kageʼnovana kagaemo alagepa kaipa kagesamo haneʼnigekaeʼmo ani kavaʼmo huʼnane. Nagaetegamo hosu kavaʼmo osisanafeʼmo ka akaniʼna kateʼnovaʼmofeʼmo agufaleʼmo afaʼa ame oʼaliʼnane.

Samu 11:7

Na agufa kavafeʼmo hauʼniyanagenoʼaene. Ala kava neʼmo fatago vekamo maiʼnenoʼaeʼmo fatago kavafekeʼmo hauʼniyaʼmofeʼmae. Alagepa kavaʼmo nehaya vayaʼmogimo uʼa haiʼa augosafiʼmo agegae.

Samu 119:133

Kagaemo gekaletiʼmo alika ho huka nateteka hosu kavaʼmoʼa yagaino oʼnatesiyafeʼmo nataleka oʼuvo.

Samu 18:23

Nagaemo aulagaleʼmo mago vaiʼmo oʼaliʼnove. Nagaiʼnileʼmo alagepa huʼna yagaiʼna nateʼnogeno ani hosu kavaʼnimoʼa aeno oʼnaga seʼniye.

Samu 7:10

Gotiʼa alagepa huno yagaino neʼnate. Agaemo geʼamo akame nehaya vayaʼmo apakufamo alino katino neʼapate.

Samu 84:11

Ala kava netimo yegetiʼe halegutiʼeʼmo maiʼniye. Agaemo ala apakiʼapimo apamiteno alagepa yaʼmo fiku hapa maeno apamigiye. Agaemo api kavaʼmo nehaya vayaʼaifeʼmo alagepa yaʼmo magokeʼageʼmo lapamiguve huno osugifa muki alagepa yaʼamo afaʼa apamigiye.

Apa 24:16

Nagaemo Goti aulagaleʼe ma mopafi vayaʼai apaulagaleʼeʼmo yuʼilaga vekaʼnimoʼa agoti huno oʼnatesiyafeʼmo nayamukiki huʼna alagepa kavaʼmo nehuve.

2 Pita 2:10

Ani kava huno apakufamoʼmo hauʼniya kavaʼmo akame huteʼa kumai kavaʼmo huge muki yagaiʼa neʼapataya vayaʼai geʼapimo oʼafige nehaya vayaʼmo magoʼe huno lusi hanageke yaʼmo apamigiye. Ani agufa aigofe tisa vayaʼmogi koli osuʼa lusi himuʼnamu kavaʼmo huteʼa ala apaki vayaʼaifeʼmo apakesamo oʼafiʼa huʼa faipa huʼa neʼapatae.

1 Samiyo 25:39

Neviniʼmo Nemoʼmo ago faliʼniya gemo afitenoʼaeʼmo ina gemo hunoʼaeʼmo, Ala kava nefeʼmo alita auleta ateyo. Agaemo Nemoʼmo nagaetegamo huʼniya hosu kavaʼmo anonaʼalefeʼmo aeno atagaina huno amiʼniye. Agaemo aliʼyaʼamo neʼaluva vekamoʼnamo hosu kavaʼmo osisuvafeʼmo kaʼmo akanino nateʼniye, huno huʼniye. Inagi Neviniʼmo aliʼyaʼamo neʼaliya vayaʼmo alino apateʼnigeʼa uʼa Neviniʼmo Amigeʼa alisiyafeʼmo ha paiʼnae.