Samu 18:39 - The Keyagana NT and 25 OT books

³⁹ Kame hisuvafeʼmo lokiya vaika nateʼnane. Kame huʼa nateʼnaya vayaʼmo alika afepi apateʼnane.

Samu 18:39 ပူးပေါင်းရင်းမြစ်များ

Samu 18:32

Gotikeʼmo lokiya vaino neʼnateyaʼmofeʼmo alagepa huʼna maiʼnove.

Samu 34:21

Hosu vayaʼmo hosu kavaʼapimoʼmo apamagisigeʼa faligae. Alagepa kavaʼmo nehaya vayaʼaifeʼmo apaini nehaya vayaʼaina kayoʼmo apamigiye.

Samu 66:3

Lapakaemo Gotifeʼmo hutapaeʼmo, Alopa kavaʼmo nehanagetaeʼmo lahau aiteta kolikamo nehune. Lokiyakamo magoʼe huno alopa yaʼmo haneʼniyaʼmofeʼmo kame vayakamogimo kagaefeʼmo koli huteʼa apaleʼyamo nefaiye.

Mai'naya kavane 8:36

Nagaetegamo hosu kavaʼmo nehisiya vekamoʼmo agaiʼa aunemeʼamo alino hosu huno neʼate. Nagaefeʼmo nohapaiya vayaʼmo falisaya kavafeʼmo nehapaiye.

Aiyeya 45:14

Ala kava neʼmoʼa ina gemo hunoʼaeʼmo, Isipi vayaʼmogi aliʼyaʼapilefeʼmo moniʼapimo alige Kusi vayaʼmogi kagemi yaʼapimo alige hutapa maisageʼa Sepiyani kotega yatala vayaʼmogimo aliʼyatapimo aligae. Apakaemo seliletiʼmo kiʼa apatesageʼa lapakame huʼa eʼa apaleʼyamo faiʼneʼapaeʼmo, Lama gemo hutaeʼmo, Gotiʼa lapakaepiʼmo maiʼniye. Agaemo magokeʼageʼmo alagi Gotiʼa maiʼnigeno magoʼe huno alu gotiʼmo oʼmaiʼniye, huʼa nunumuʼmo hugae.

Yoni 15:23

Ina lagimo nagaefeʼmo apaini nehafi ani kava huʼa Afoʼnimoʼefeʼmo apaini nehae.

Efasasi 1:22

Gotiʼa muki yaʼe vayaʼeʼmo Kalaisi aiyafiʼmo alino apateteno hogote vekamo yagaino neʼapateya vekamo siosi vayaʼaiteʼmo yagaino apatesiyafeʼmo avaleno apamiʼniye.

Filipai 3:21

Agaemo ayamufaʼaletiʼmo muki yaʼe vayaʼeʼmo alino aiyafiʼmo apateteno yagaino apatesiya ayamufaʼaletiʼmo hosu lagufamo lokiya oʼvaino nekasaliya lagufamo agaiʼa agufagana agufa lagufamo ha le konali lagufamo alino hamaleno lategaiye.