Samu 18:15 - The Keyagana NT and 25 OT books

¹⁵ O Ala kava nene, huʼna, Ge hapauʼnanagenoʼaeʼmo kagoʼya katalapatiʼmo kavamusaʼmoʼa fu huno haleno apataleʼniye. Muki solovalaʼmoʼa aino ati kaeʼniya mopamo afole aiʼnigeno mopamo aepaʼaʼeʼmo afole aiʼniye.

Samu 18:15 ပူးပေါင်းရင်းမြစ်များ

Samu 104:5

Kagaemo ma mopamo maleʼnanageno alagi lokiya vaino haneʼniyaʼmofeʼmo aiseʼamo alime oʼugiye.

Samu 106:9

Agaemo solovala anifeʼmo, aika kaka vao, huno huʼnigeno aino akaka vaeʼnigeno aniʼmo folagapiʼmo hau huʼniya mopaleʼmo apavalelino uʼniye.

Samu 76:6

O Gotiyo, Yekopu Gotiʼamogae, huʼna, Kagaemo apakaefeʼmo ago gemo hapauʼnanageʼapaeʼmo hosi anagaʼe hosileʼmo fai maiʼnaya vayaʼeʼmo mukiʼamo ago faliteʼa mopafiʼmo havaeʼa maiʼnae.

Samu 77:18

Kagaemo alopa kagemo huʼnanageno hiyapatiʼmo vego vego nehiya yasimo folagapatiʼmo hakalu huʼniye.

Samu 92:10

Ani kavaʼmo huʼa maigayaʼmonanafa kagaemo afela ve pulumakamo lokiyagana agufa lokiyaʼmo namiʼnane. Saufa uveliletiʼmo faleʼa apateʼnaya vayaʼmogi alagepa huʼa maiʼnaya kava huʼna maiʼneʼna namogaga neʼauve.

Hatu maeno apate'niya gemae 15:8

Kagaemo kagoʼya kapatiʼmo kavamusaʼmo aiʼnanageno yasimo aliteno aniʼmo avalelinuno alino anupa huno ateʼniye. Aniʼmoʼa aino holakau holakau hutenoʼaeʼmo kegiʼyagana huno aeno he tino haneʼniye. Solovala aniʼmoʼa afepilagamo alino lokiya vaiteno maiʼniye.

Aiyeya 11:4

agaemo fatago kavaʼaletiʼmo kagemi yaʼapimo ohaneʼniya vayaʼmo alino fako huno apategaiye. Agaemo lama geʼaletiʼmo hunoʼaeʼmo himuʼnamu kavaʼmo osuʼa yagu yaga kavaʼmo nehaya vayaʼmo hapa maegaiye. Agaemo avayafatiʼmo uʼniya kayotetiʼmo ma mopafi vayaʼmo apamagigiye. Avamusatetiʼmo hosu vayaʼmo kamitimo apamagigiye.

Yona 2:6

Nagaemo ave aiyafiʼmo emiʼneʼnogenoʼaeʼmo kaʼnimo akanino nateteno natafauno nateʼniyaʼmonanafa kagaemo Ala kava neʼnimogamo nagufamo kasalisiya kelifatiʼmo navalelika haikeka nateʼnane.

Maika 6:2

Maikaʼmo hunoʼaeʼmo, Lapakaemo lokiya yaʼmo ma mopamo faino ateʼniya yaʼmogitapaʼe avemogitapaʼene, huʼna, Ala kava neʼmo agoti geʼamo afiyo. Ala kava neʼmoʼa vayaʼamogi hosu kavaʼapilefeʼmo apakaepiʼmo alino faino apateteno agoti huno apategaiye, huno ha paiʼniye.

1 Samiyo 7:10

Samiyoʼmo ofalinimo nehigeʼapaeʼmo Filisatini vayaʼmo Isaleli vayaʼeʼmo kamemo hisayafeʼmo ago eʼa hogo huʼnageno Ala kava neʼmoʼa Filisatini vayaʼaitegamo alopa gefatiʼmo hakalu huteno Filisatini vayaʼmogi apaipa apakesa afi yaʼmo alino hosuʼnigeʼa Isaleli vayaʼmogi kame huʼa aeʼa apakaseʼnae.