Samu 17:3 - The Keyagana NT and 25 OT books

³ Naipaeʼmo amalageka huʼnane. Kagaemo haniʼilagamo eka nagetekaeʼmo namalageka huʼnanaʼmonanafa hosu nagesamo neʼafuva kavaʼnimo oʼageʼnane. Hosu gemo osuguve, huʼna nagoʼyamo ataleteʼna gemo huʼnove.

Samu 17:3 ပူးပေါင်းရင်းမြစ်များ

Samu 11:5

Ala kava neʼmoʼa alagepa vayaʼmo apamalageka nehiyaʼmonanafa hosu vayanagi vayaʼmo apamagisayafeʼmo hapauʼniya vayaʼenagi huno agupi mafaʼnefatiʼmo aini huʼniye.

Samu 119:106

Nagaemo huʼnaeʼmo, Alika fako nehana gekamo fatago gemo akame huguve, huʼna nagoʼyamo ataleteʼna ago kaha paiʼnove.

Samu 139:1

Ala kava nene, huʼna, alagi nageka alagepa huʼnane.

Samu 139:23

O Gotiyo, huʼna, naipa nagesafiʼmo alagepa huka alika fako huka nago. Naipa nagesafiʼmo aulu haeka ago.

Samu 16:7

Ala kava neʼmoʼa alino api aino neʼnateyanageʼna agiʼaleʼmo aliʼna asaga huʼna ategauve. Haniʼilagamo nagupi mafaʼnemoʼmo alino naya neʼmale.

Samu 26:2

O Ala kava nene, huʼna, Namalageka huvo. Nagesamo neʼafuva kavaʼe naipafiʼmo nahauʼniya kavaʼniʼeʼmo alika fako huvo. Hosu kavaʼmo nehufi nosufi huka kavaʼnimo alika fako huvo.

Samu 66:10

O Gotiyo, huʼna, Kagaemo lamalageka huʼnane. Vayaʼmogimo siluva yafaʼmo kagopaʼamo leno kalopaesigeno siluva yafaʼageʼmo hanesiyafeʼmo atafiʼmo nekaeya kava huka lamalageka huʼnanageta alagepa huta hamaleʼnone.

Samu 7:4

nao vekamo alagepa kavaʼamo anonaʼalefeʼmo hosu kavakeʼmo huge kameʼnimoʼmo hosu kavaʼmo osuʼniyaʼmonanafa agaetegamo hosu kavaʼmo huge ani agufa hosu kavaʼmo huge huʼnovesinana

Mai'naya kavane 13:3

Avayaleʼmo alagepa huno neʼyagaiya vekamo alagepa huno maigiyaʼmonanafa asole gemo nehiya vekamo alagepa huno oʼmaigiye.

Maika 2:1

Hosu kavaʼmo hisayafeʼmo apakesamo neʼafiya vayaʼmogi kage kage huʼa yulagefaʼmo aigae. Apakaemo hosu kavakeʼmo hisayafeʼmo hipaleʼmo havaeʼa maiʼneʼapaeʼmo apakesamo afiʼapaeʼmo gotilamisiyapiʼmo hosu kavaʼmo hisaya himamuʼapimo haneʼniyaʼmofeʼmo gotilamiyapiʼmo he tiʼa ani kavaʼmo nehae.

Malakai 3:2

Egaiyaʼmonanafa ani esiya afinaʼmo haiya vayaʼmo afaʼa maigae. Agaemo afole aisigeʼapaeʼmo haiya vayaʼmo afaʼa he tiʼa maigae. Agaemo atafiʼmo siluva yafaʼmo kaeʼnagenoʼaeʼmo leno alagepa siluva yafaʼmo afole neʼaiya atakana huno afole aigiye. Agaemo sopuletiʼmo muki oʼaniʼya faiʼniya yaʼmo sese huʼnagenoʼaeʼmo aeno kalo nepaeya sopugana huno afole aigiye.

Apa 11:23

Uno apakeyana Gotiʼa fiku hapa maeno apamiʼnigeno apaketenoʼaeʼmo lusi kava huno amogaga aiteno hapa painoʼaeʼmo, alagepa hutapa lapakesamo afitetapa lokiya vaita maiʼnetapaeʼmo Ala kava neʼmo akame huteta oʼatalegaune, hutapa hiyo, huno apaipa apakesamo alino lokiya vaino apateʼniye.

Apa 16:9

Maiʼneʼapaeʼmo Poloʼa alagamuna agegekana huno ageʼniyana mago Masetoniya kotega vekamoʼmo he tino Polofeʼmo aukaya huno ge hunoʼaeʼmo, kahao ke hovanagi aniʼmo lakaeka Masetoniya kotegamo eka laha mao, huno ha paiʼnigeno ageʼniye.

1 Kolitiyani 4:4

Nagupi mafaʼnemoʼmo hunoʼaeʼmo, hosu kavaʼmo nehane, huno nosiyaʼmonanafa alagepa vekamo maiʼnove, huʼna afaʼa osuguve. Alino fako huno natesiya vekamo Ala kava nekeʼmo maiʼniye.

2 Kolitiyani 1:12

Lagaemo ma mopafi vayaʼmogi afiteʼa ageʼnaya agufa kavatetiʼmo mago kavaʼmo osuʼnonagenoʼaeʼmo Gotiʼa fikumo laha maeno lamiʼnigeta mago kavaʼmo aeta ati okaeta laipafatiʼmo laote kavaʼmo huʼnone. Lagaemo ma mopafi vayaʼai apaulagaleʼmo mani kavaʼmo nehuta lapakae lapaulagaleʼmo magoʼe huta mani alagepa kavaʼmo huʼnone. Yuʼilaga vekatimoʼmo mani alagepa kavatieʼmo faigoko gemo laha nepaigeta lamogaga neʼaune.

Yemisi 3:2

Mukiʼamogitamo muki kavaʼalefeʼmo uta haita me netalone. Mago vekamoʼmo avayaletiʼmo alagepa geʼageʼmo nehisiyana hosu kavaʼamo alagi ohaneʼniye. Ani agufa gemo nehisiya vekamoʼmo uno haino hapaiʼniya vekamogeno muki agufaʼaleʼmo alagepa huno afaʼa yagaigiye.

1 Pita 1:7

Gotiʼa lapakesamo afita fatago nehaya kavafeʼmo amalageka huno agegenoʼaeʼmo, Lama ge kavaʼmo haneʼniye, huno hisiyafeʼmo hanageke yaʼmo lapamiʼniye. Vayaʼmogimo hano hisiya goli yafaʼmo atafiʼmo kaeʼa age nekaya kava huno Gotiʼa lapakesamo afita fatago nehaya kavaʼmoʼa alopa monileʼyaʼmo aeno agaseʼniya kavaʼmo goli yafaʼmo ago aeno agaseʼniya kavaʼmogeno amalageka huno age neke. Agegenoʼaeʼmo lama ge kavaʼmo haneʼninagenoʼaeʼmo Yesu Kalaisiʼa afole aisiya afinaʼmo ala lapakitapimo lapamige ha le konali yaʼamo lapamige lapakitapileʼmo alino asagauno lapatege hisiyafeʼmo amalageka huno age neke.

1 Samiyo 24:10

Ago, huno, Hemenimo ageʼnana yafa kapiʼmo Ala kava neʼmoʼa kagaemo kavalelineno nayapiʼmo kateʼnigeʼa vayaʼnimogimo kamitimo amagiyo, huʼa naha paiʼnayaʼmonanafa afaʼa kagegeʼna kateʼnove. Nagaemo huʼnaeʼmo, Haʼao, Ala kava neʼmoʼa uvelimo lakino ateʼniyaʼmofeʼmo oʼamagiguve, huʼna hapa paiʼnove.

1 Samiyo 24:12

Ala kava neʼmoʼa laʼagae kavaʼmo alino fako hino. Ala kava neʼmoʼa nagaetegamo nehana hosu kavaʼmo anonakalefeʼmo kayoʼmo kamigiyaʼmonanafa nagaiʼnimo kagaemo okamagiguve.

1 Samiyo 26:11

Ala kava neʼmoʼa lekana paino ateʼniya vekamo amagisuva kaʼmo akani maleno. Oʼamagiganaʼmonanafa hayoʼaʼe ani keʼaʼeʼmo agenopamo haopaleʼmo haneʼniya yaʼmo alita uguʼae, huno ha paiʼniye.

1 Samiyo 26:23

Ala kava neʼmoʼa hemenimo kavaleno nayapiʼmo kateʼniyaʼmonanafa Ala kava neʼmoʼa kagaemo kini vekamo maisanafeʼmo lekana paino kateʼniyaʼmofeʼmo aliʼna hosu huʼna okateʼnove. Ala kava neʼmoʼa muki vayaʼmogi fatago kavaʼe geʼapimo oʼataleʼa akame nehaya kavaʼeʼmo anonaʼapilefeʼmo alagepa miyaʼmo apamino.