Samu 16:4 - The Keyagana NT and 25 OT books

⁴ Alu gotiʼapimoʼmo akame hisayafeʼmo apayamukiki nehaya vayaʼmogimo magoʼe huʼa lusi kana yaʼmo aligae. Nagaemo kola ofaliniʼapimo lakiʼna oʼapamige apakiʼapimo oʼaege huguve.

Samu 16:4 ပူးပေါင်းရင်းမြစ်များ

Aepa Gemae 35:14

Inagi Yekopuʼa ani yateʼmo mago yatala yafaʼmo alino faino ateʼneno nofi alagafati aniʼe uveliʼeʼmo alino ani yafateʼmo ofalinimo lakiʼniye.

Samu 32:10

Hosu vayaʼmo lusi kava huʼa kana yaʼmo aligayaʼmonanafa Ala kava nefeʼmo aliʼa amufa amiʼnaya vayaʼaifeʼmo hau huno neʼapateya kavaʼamoʼmo yagaino vego huno apategaiye.

Samu 97:7

Aigofe gotigitefeʼmo muki mono nehaya vayaʼmo apavagage hugiye. Aigofe gotigi ala apakiʼapimo neʼapamiyaʼmonanafa apavagage hino. Muki aigofe gotigimo Ala kava nefeʼmo mono hiyo. O Gotiyo, huʼna, alagepa huka agoti huka neʼapatanaʼmofeʼmo Saiyoni vayaʼmogi afiteʼapaeʼmo apamogaga neʼaiye. Yuta aʼmafaʼne anagaʼmogi apamogaga neʼaiye.

Aiyeya 57:6

Lapakaemo ani haopalegamo yafaʼmo alitapa gotitapimogikana huta hamaleta neʼapatae. Ani yafakeʼmo gotitapimogimogeta nofi alagafati aniʼmo lakita ofalini huge viti ofalinimo huge nehae. Lapakaemo ani kavaʼmo nehayaʼmofeʼmo naipamoʼmo falu hisifiye.

Aiyeya 65:11

Alagepa huʼa maigayaʼmonanafa lapakaemo nataleta utapa nagaefeʼmo mono nehaya Saiyoni aote avelefeʼmo lapake kanige aigofe gotigitefeʼmo monoʼmo hutetapaeʼmo ofalinimo apamige huta maiʼnaya vayaʼmogitapae, huʼna,

Aiyeya 66:3

Ani agufa vayaʼaifeʼmo amuse huʼna apategauvaʼmonanafa mago vayaʼmogimo apakaiʼapimo hapauʼniya kavaʼapikeʼmo akame nehae. Apaipamoʼmo hosu kavaʼapieʼmo alagi hauʼniye. Nagaemo muki nehaya ofalini kavaʼaeʼmo alagi noʼnahaiyaʼmofeʼmo apakaemo ve pulumakamo amagiʼa ofalinimo hisageʼnaeʼmo ina kava huʼa vayaʼmo apamagiʼnae, huʼna agegauve. Apakaemo sipisipi anaʼaumo ofalinimo hisageʼnaeʼmo nagaemo ina kava huʼna kalamo amagiʼa ofalinimo nehae, huʼna agegauve. Apakaemo vitigana agufa yaʼmo ofalinimo hisageʼnaeʼmo nagaemo ina kava huʼna afumo kolaʼmo ofalini nehae, huʼna agegauve. Apakaemo alagepa atumo neʼaiya ofalinimo hisageʼnaeʼmo nagaemo ina kava huʼna mago aigofe gotitefeʼmo ofalinimo nehae, huʼna agegauve.

Yona 2:8

Aigofe gotiʼapimogitefeʼmo mono nehaya vayaʼmo kahau huka apatesana Gotigamo ago kataleʼnae.

Yasuva 23:7

Lapakae folagapiʼmo maiʼnaya nofi vayaʼeʼmo magokepiʼmo lokaetapa oʼmaige gotiʼapimogi apakiʼapimo oʼaege lapakaemo, ani kavaʼmo hugune, hutapa lapagoʼyamo ataletetapa ani gotigi apakiʼapimo oʼaege aliʼyaʼapimo oʼalige lapaleʼyamo faiʼnetapa apakaetefeʼmo monoʼmo osuge hiyo.