Samu 16:2 - The Keyagana NT and 25 OT books

^2-3 Nagaemo Ala kava nefeʼmo, Ala kava neʼnimo maiʼnane, huʼna kaha nepauve. Kaha maesuvafeʼmo alagepa kavaʼmo nosufa ma mopafi maiʼnaya apaote vayaʼmo hapa maesuvafekeʼmo alagepa kavaʼmo nehuve. Apakaemo hogote vayaʼmo maiʼnageʼna apakaefekeʼmo amuse huʼna neʼapatove.

Samu 16:2 ပူးပေါင်းရင်းမြစ်များ

Samu 27:8

Kagaemo nagaefeʼmo hukaeʼmo nagaefeʼmo kahauya hulika eno huka nehanageʼnaeʼmo kagaefeʼmo nagaemo kahauya huliʼna uguve, huʼna nehuve.

Samu 31:14

O Ala kava nene, huʼna, Nehayaʼmonanafa nagaemo kagaefeʼmo aliʼna amufa nekamuve. Nagaemo huʼnaeʼmo, Gotiʼnimogamo maiʼnane, huʼna nehuve.

Samu 73:25

Kokuʼnapiʼmo mago naha maesiya vekamo oʼmaiʼniyaʼmonanafa kagaekeʼmo maiʼnane. Ma mopafi vekaeʼmo nahaʼye hisiya vekamo mago oʼmaiʼniyaʼmonanafa kagaekeʼmo maiʼnane.

Samu 8:1

Ala kava neʼmo Ala kava netimogae, huʼna, ma mopafi muki haopalegatiʼmo ala kagikamo aliʼnane. Ha le konali yakamoʼmo kokuʼnate haneʼniya yaʼe vayaʼeʼmo ago aeno apakaseʼniye.

Samu 89:26

Agaemo alopa gefatiʼmo nagaefeʼmo keya aeno ge hunoʼaeʼmo, Kagaemo afoʼnimogamo maiʼnane. Gotiʼnimogae, huno, nagufamo alika katika natesana yafaʼnimo maiʼnane, huno naha paigiye.

Samu 91:2

Nagaemo Ala kava nefeʼmo huʼnaeʼmo, agaepiʼmo fala kiʼna maiʼnogeno faino vego huno yagaino nateʼneno naha maeno nagufamo alino katino nateʼniya vekaʼnimo maiʼniye. Gotiʼnimoʼmo maiʼniyanageʼna aliʼna amufa amiguve.

Aiyeya 26:13

O Ala kava neʼmo Gotitimogae, huʼna, kagaeʼe alu vayaʼmo yagaiʼnaya vayaʼmogiʼeʼmo yagaiʼa lateʼnayaʼmonanafa kagaikageʼmo ala kagikamo nekamune.

Luki 17:10

Ani kavaʼmo hutapa Gotiʼa muki lapa paiʼniya geʼamo afitetapaeʼmo akame huteta ani gemo hutapaeʼmo, aliʼyaʼmo neʼaluna vayaʼageʼmo maiʼnone. Alagepa kavaʼmo afaʼa osuʼnonaʼmonanafa aliʼyatigekeʼmo aliʼnone, hutapa hiyo, huno hapa paiʼniye.

Yoni 20:28

Tomasiʼa hunoʼaeʼmo, Ala kava neʼnimo Gotiʼnimogae, huno ha paiʼnigenoʼaeʼmo,

Lomu 11:35

Ina laʼmo hogoteno Gotina mago yaʼmo amiʼnigeno anonaʼamo haneʼniye, huno huʼniye.