Samu 16:10 - The Keyagana NT and 25 OT books

¹⁰ Kagaemo mani kavatefeʼmo nagupi mafaʼnemo kanolufiʼmo oʼatalegane. Kagaemo, aote vekaʼnimo agufaʼamo atalesugeno okasaligiye, huka huʼnane.

Samu 16:10 ပူးပေါင်းရင်းမြစ်များ

Samu 139:8

Kokuʼnapiʼmo uʼna haiʼna maisuvana maiʼnane. Nagaemo faliʼnaya vayaʼmo uʼa maiʼnaya kotegamo uʼna lamiʼna maisuvana maiʼnane.

Samu 49:15

Gotiʼa kanolumo lokiyaʼafatiʼmo nagupi mafaʼnemo miya faino navalegaiye.

Samu 9:17

Hosu kavaʼmo nehaya vayaʼmogimo ata kopiʼmo uʼa lamigae. Muki vayaʼmogimo Gotifeʼmo apake nekaniya vayaʼmo ata kopiʼmo uʼa lamigae.

Mai'naya kavane 15:11

Ala kava neʼmoʼa ata koʼmo agege vayaʼmo faliʼa uʼa neʼmaiya koʼmo agege huʼniyaʼmofeʼmo muki vayaʼmogi apaipa apakesafiʼmo ageʼniye.

Mai'naya kavane 27:20

Ata kopiʼe alino apagoʼya lagauno apataleʼnigeʼa uʼa neʼmaiya koteʼeʼmo kili nopaya kava huno vayaʼmogi alagiʼmo ageʼnove, huʼa nosae.

Aiyeya 5:14

Ani hosu kavaʼmo huʼa maiʼnayaʼmofeʼmo apakaemo alino nakaisiyafeʼmo kanoluʼapimo alopa avayamo haneʼnigeno aka huteno alo huno maiʼniye. Apamogaga neʼaiya vayanagi hogote vayanagi muki afaʼa maiʼnaya vayaʼenagi huʼa kanolufiʼmo uʼa lamigae.

Neniyo 9:24

Gotiʼa vayakaʼe aote taonikaleʼefeʼmo sevetiʼa sotamo lekana pai maleʼniye. Ani afinaʼmo agaemo aeno apaka seʼniya aote vekamo uvelimo lakino atesigeʼapaeʼmo Yu vayaʼmogi hosu kavaʼapimoʼmo magoʼe huno havai tesiyafeʼmo magoʼe huʼa hosu kavaʼmo hugae. Ani aote vekamoʼmo hosu kavaʼmo alino hano huno atalege alino nanu aeno apatege hanege hanege huno hanesiya fatago kavaʼamo alino afole aino atege alagamuna agegekana huʼa vayaʼmogi Gotitegati gemo aliniʼeʼa aeʼa hakalo huʼa hapa nepaiya kavaʼmo ohanesiyafeʼmo kameletiʼmo faleno aeno akanino atalege hugiye.

Luki 1:35

Aote Aunemeʼamoʼmo Goti himamuʼamo hiyakana huno kagaeteʼmo eminesigeka alika atesana mafaʼneeʼmo, aote vekamo Goti Mafaʼneʼae, huʼa agi aegae.

Luki 16:23

Ata kopiʼmo uno lamino maiʼnigeno lusi kava huno agafu kiʼnigenoʼaeʼmo alino maku huno ageyana Layosiʼmo avaleli uʼa haiʼa Emalehamu haopaleʼmo ateʼnageno Emalehamuʼeʼmo maiʼnaʼageno anakeʼniye.

Luki 4:34

ae, huno, Nasalasa vekamo Yesuo, huno, lagaetegamo na agufa kavaʼmo hisanafeʼmo eʼnane. Alika hano huka latesanafeʼmo eʼnapiye. Ago kageʼnovana Goti aote vekaʼamo maiʼnane, huno ha paiʼniye.

1 Kolitiyani 15:42

Ani kava huta he tita alisuna lagufamo aeto agufa lagufamo hanegaiye. Avina yaʼmo hakalegekana huʼa nehakalaya apakufamo nekasaliye. Alino he tino apatesiya apakufamo okasaligiye.

Leveleseni 1:18

Afaʼa neʼmauva vekamo maiʼnove. Afiyo, huno, faliʼnovanageʼna maige maige huʼna maiʼna hano osuʼna afaʼa maiguve. He, lama ge. Nagaemo kitamo yakiʼna apatesuva kiʼmo aliʼnovaʼmofeʼmo falisayafeʼmofi afaʼa maisayafeʼmofi huʼna muki vayaʼaiteʼmo yagaiʼna neʼapatove.

Leveleseni 20:13

Solovala anipiʼmo faliʼnaya vayaʼmo solovala anipatiʼmo he tige kiʼa apateʼnaya vayaʼmo kanolufatiʼmo he tige faliʼnageno apakupi mafaʼnemo uno maiʼniyatetiʼmo he tige huʼa maiʼnageno agoti huno apateʼniye.