Samu 16:1 - The Keyagana NT and 25 OT books

¹ O Gotiyo, huʼna, nagaemo kagaefekeʼmo aliʼna amufa kamiʼnovaʼmofeʼmo yagaika nategeʼnao afaʼa maino.

Samu 16:1 ပူးပေါင်းရင်းမြစ်များ

Samu 116:6

Ala kava neʼmoʼa apakimo ohaneʼnigeʼa afiteʼa oʼageʼnaya vayaʼaiteʼmo yagaino neʼapate. Hosu yaʼmo aliʼnogenoʼaeʼmo naha maeʼniye.

Samu 125:1

Ala kava nefekeʼmo aliʼa amufa neʼamiya vayaʼmogimo Saiyoni avegana huʼa maiʼnae. Saiyoni avemoʼmo kanage osuno lokiya vaino nehaneya kava huʼa maiʼnae.

Samu 146:5

Mago vekamoʼmo hunoʼaeʼmo, Yekopu Gotiʼamoʼmo naha maegaiye, huno agesamo neʼafiya vekamoʼmo amogaga neʼaiya vekamae. Agaemo Ala kava neʼmo Gotiʼamofeʼmo alino amufa amiʼniyaʼmofeʼmo amogaga neʼaiye.

Samu 17:5

Nagaemo kakaleʼmo neʼuʼnaeʼmo aeʼna halu oʼvalesuvafeʼmo natafauvo.

Samu 17:8

Vayaʼmogimo apaulagaleʼmo alagepa huʼa neʼyagaiya kava huka yagaika nato. Kahakumo ulunapiʼmo alika fala kika nato.

Samu 22:8

Ala kava neʼmoʼa ha maesiyafeʼmo alino amufa amiʼniyana na kava higenoʼaeʼmo ha noʼmae. Ala kava neʼmoʼa amuse huno neʼatesiyaʼmoʼmo na kava higenoʼaeʼmo ha noʼmae, huʼa nehae.

Samu 25:20

Nagupi mafaʼneleʼmo yagaika ateʼneka hosu kavategatiʼmo navalelikuka naote nato. Nagaemo kagaefekeʼmo aliʼna amufa kamiʼnovaʼmofeʼmo navagage osino.

Samu 31:23

Lapaote vayaʼamogitapae, huʼna, Ala kava nefeʼmo lapau lapayamopafiʼmo lapaino. Ala kava neʼmoʼa alagepa huʼa akame nehaya vayaʼaiteʼmo yagaino neʼapateyanageʼa alagepa huʼa maige maige huʼa maigae. Agaemo himuʼnamu vayaʼmogi hosu kavaʼmo anonaʼapilefeʼmo apamigiye.

Samu 37:28

Ala kava neʼmoʼa alagepa kavafekeʼmo hauʼniyanageno aote vayaʼamo alagi apataleno oʼugiye. Yagaino apatesigeʼa hano osuʼa maige maige huʼa maigayaʼmonanafa hosu vayaʼai mafaʼneʼapimo alino hapa faino apatalegaiye.

Samu 56:1

O Gotiyo, huʼna, Vayaʼmogimo aliʼa hano huʼa natalesayafeʼmo huʼnayaʼmofeʼmo kahau huka nato. Kame vayaʼnimogimo aliʼa hosu huʼa natesayafeʼmo muki afinaʼmo kame huʼa neʼnatae.

Samu 60:1

O Gotiyo, huʼna, kagaemo lataleka uʼnane. Lokiyatimo alika lo aeteka kaipamo leka lateʼnane. O Gotiyo, huʼna, halate alika alagepa huka lato.

Samu 7:1

O Ala kava neʼmo Gotiʼnimogae, huʼna, kagaemo apaini huʼa neʼnataya vayaʼai apayapatiʼmo nagufamo alika katika nateteka navalelikeka alagepa koteʼmo nato.

Samu 7:2

Fiku yanageʼa laiyonimoʼmo hapaeno katali katalu nehiya kava huʼa mago naha maesiya vekamo oʼmaisiya afinaʼmo nahaeʼa katali hugae.

Samu 84:12

Muki vayaʼaiteʼmo yagaika neʼapatana vekae, huʼna, Kagaemo aliʼa amufa nekamiya vayaʼmo aulena vayaʼmo maiʼnae.

Samu 9:10

O Ala kava nene, huʼna, Hapa maesanafeʼmo kagaetegamo neʼaya vayaʼmo apataleka oʼuganaʼmofeʼmo kagikamo afiʼa alagepa huʼa afiʼnaya vayaʼmogimo kagaefekeʼmo aliʼa amufa nekamiye.

Samu 97:10

Ala kava nefeʼmo lapau lapayamopafi lapauʼnisiya vayaʼmogitapae, huʼna, Hosu kavafeʼmo lapaini hino. Agaemo apaote vayaʼamo maige maige huʼa maisayafeʼmo yagaino neʼapate. Agaemo hosu vayaʼai apayapatiʼmo neʼapavale.

Mai'naya kavane 2:8

Fatago kavaʼmo nehaya vayaʼaiteʼmo kava yagaino neʼapate. Apaote vayaʼamo hapa neʼmaegeʼapaeʼmo alagi asagauʼa oʼaiʼa neʼmaiye.

2 Kolitiyani 1:9

He, yasi vekamoʼmo hunoʼaeʼmo, faligae, huno huʼniya agufa gemo laipafiʼmo ago afole aiʼniye. Lagaitieʼmo alita amufa olamita Gotiʼa faliʼnayatetiʼmo alino he tino neʼapateya vekaekeʼmo alita amufa amigune, huta lagesamo afisunafeʼmo mani hanageke yaʼmo lagaeteʼmo afole aiʼniye.

2 Timoti 1:12

Ani aliʼyaʼmo neʼaluvaʼmofeʼmo mani kana yaʼmo aliʼna maiʼnovaʼmonanafa navagagemo alagi nosiye. Nagaemo naha maesiyafeʼmo ina lafeʼmo nagesamo afiʼna fatago huʼnofi huʼna ago ageʼna aeto huʼnove. Nagaemo ageteʼnaeʼmo amiʼnova yateʼmo afaʼa yagaino nateme nateme neʼviyanageno agaiʼa afinaʼmo afole aigiye, huʼna nagesamo afisuvafeʼmo alino nave liʼnigeʼna ago ageʼnove.